AMOS 3:9 - Bible sar

⁹ Ī-raī dɔ kújə́ kə́ majə gə̄ kə́ kem ɓē kə́ Asdod tə́ ō, kə́ kem ɓē kə́ Ejiptə tə́ ō, ə́gaīń kɔŕ ə́daī na: Ɔ́siī dɔsí naā tə́ loo kə́ kḭḭ kə̄ dɔɔ́ gə̄ kə́ Samari tə́ tə́, ba á̰a̰ī yá̰á̰ kə́ a̰a̰ gō naā aĺ gə̄ kə́ ngá̰ý ō, yá̰á̰ kə́ rāā kə dɔ́nɔ́ kə́ i kemeé.

Bibəl ta Sar̄

⁹ Ī-raī dɔ kújə́ kə́ majə gə̄ kə́ kem ɓē kə́ Asdod tə́ ō, kə́ kem ɓē kə́ Ejiptə tə́ ō, ə́gaīń kɔŕ ə́daī na: Ɔ́siī dɔsí naā tə́ loo kə́ kḭḭ kə̄ dɔɔ́ gə̄ kə́ Samari tə́ tə́, ba á̰a̰ī yá̰á̰ kə́ a̰a̰ gō naā aĺ gə̄ kə́ ngá̰ý ō, yá̰á̰ kə́ rāā kə dɔ́nɔ́ kə́ i kemeé.

AMOS 3:9 Referans Kwoze

AMOS 4:1

Sḭḭ̄ dəyá̰ kə́ Samari gə̄ ń ī-boōī lútə́ lútə́ tītə̄ kó̰o̰ man̄g gə̄ kə́ Basan ní, ōōī najə̄ ń toō: Sḭḭ̄ ī-rējī ngé ndoō gə̄ kə yá̰a̰ rāāsí kə́ gōtə́ aĺ ō, ī-tə́nāī ngé rɔ̄ tō ndoō gə̄ nang tə́ ō, ba ə́daī ngaasí gə̄ na: Ī-reē kə yá̰a̰ ka̰yā̰á̰ tā!

AMOS 6:1

Yá̰á̰ kə́ to kum kaȳ aĺ kə́ ba̰ý beē, tām̄ yāsí sḭḭ̄ ń ī-ndiī jəke dɔ ngōn̄ mbal̄ kə́ *Jerusalem tə́ ní ō, sḭḭ̄ ń ɔ́jiīń na yá̰á̰ kógə̄ḿ na a rāāsí dɔ ngōn̄ mbal̄ kə́ Samari tə́ aĺ ní ō! De gə̄ ədan̄ na sḭḭ̄ na ī-majə ī-tɔyī nápar de kə́ rang gə̄ ń ī-ndiī dandə́ tə́ ní ō, na ngán *Israel gə̄ ń i ngákó̰ó̰sí gə̄ ní, tūrə̄n̄ rɔ̄də́ i kə̄ rɔ̄sí tə́ ō!

AMOS 1:8

M-ā m̄-rāā kadə̄ mban̄g kə́ Asdod ō, mban̄g ń a o̰o̰ ɓē kə́ Askalon ní ō, gətóon̄ kɔ̄ɔ́. M-ā m̄-ə̄nā ɓē kə́ Ekəron rɔ̄ɔ̄, yā kadə̄ gotə Pilistin gə̄ ń náyn̄ ní oyn̄. I Kɔ́ɔ̄ɓē n əda najə̄ ń noó ní.

AMOS 8:6

De kə́ tɔ́gə́də́ gətóo gə̄ ō, kə́ ndoō gə̄ ō ní, j-a j-asiī mangdə́ kadə̄ nin̄ i ɓəlo gə̄. Nar gíŕdə́ ń j-a j-adī ní, i nar ń deē a mangəń sākə̄rā jōó ní. Adə̄ bənā kōō gémē gə̄gē j-a j-igiīń.

JEREMI 50:2

Ədaī najə̄ ń toō dan nápar de gə̄ tə́ ādə̄ de gə̄ gerə̄n̄ gō. Ə̄nīī najə̄ ní mbīdə́ tə́ ādə̄ oōn̄. Ə́daī ādə̄ de gə̄ oōn̄, ba ī-lōōī ɓɔ̄ɔ̄ dɔ najə̄ ní. Ədaī na: Taān̄ ɓē kə́ Babilon kɔ̄ɔ́, ɓesə̄ Bel i kə rɔ̄sɔlɔ̄ɔ́, ɓesə̄ Marduk əsō tétə̄ rárák kɔ̄ɔ́. Nujən̄ ɓesə̄ yān gə̄ sák sák kɔ̄ɔ́.

JEREMI 31:5

Ā ī-tél yā kəndā *kāgə̄ nduú gə̄ gogə́ dɔ mbal̄ gə̄ kə́ Samari tə́ ō, ngé kəhɔdə́ gə̄ a əjan̄ kan̄də́ ō.

1 SAMUEL 5:1

Dan ń Pilistin gə̄ unən̄ sandúkə yā Nə́ɓā ní, ḭḭn̄neé Eben Ejer aw̄n̄neé Asdod,

EJEKIEL 37:22

M-ā m̄-rāāsí kadə̄ ā ī-téliī nápar de gə̄ kə́ kógə̄ḿ beē gə̄ dɔ mbal̄ gə̄ kə́ *Israel tə́ tə́. Sḭḭ̄ malang ní, mban̄g yāsí i kógə̄ḿ beē. Ā ī-rāāī ɓē gír jōó to̰ aĺ ō, ā ī-kēgī naā kem ɓē ko̰o̰ gə̄ kə́ gír jōó tə́ to̰ aĺ ō.

EJEKIEL 36:8

Kum mbang ngeé ń noō tə́ ní, kāgə̄ gə̄ kə́ dɔ mbal̄ bo gə̄ kə́ *Israel tə́ a tɔ̄ɔ̄n̄ ta jīdə́ gə̄ ō, a anə̄n̄ tām̄ yāsí sḭḭ̄ Israel gə̄ ń i gír deē yāḿ gə̄ ní tə́ ō. Tɔdɔ̄ sḛ́ý laā anī ā ī-téliī yā kaw̄ gogə́ dɔ nang yāsí tə́.

JEREMI 46:14

Yá̰á̰ ń a rāā yā rāā yá̰á̰ ní Ə̄nīī mbēr̄də́ Ejiptə tə́, ə́daī ādə̄ de gə̄ oōn̄ Migədol ō, Mempis ō, Tapanes ō. Ədaī na: Ɔ̄r̄ dɔí dɔɔ́! Ī-ndi dɔ rɔ̄í tə́! Á̰a̰ā̰, kaskar nujə loo kə gō gidií.

2 SAMUEL 1:20

Ī-lōōī kəda najə̄n kem ɓē kə́ Gat tə́. ī-lōōī kəda gotə kum róbə gə̄ kə́ kem ɓē kə́ Askalon tə́, na sōgə́ adə̄ ngán Pilistin kə́ dəyá̰ gə̄ rɔ̄nel̄, na sōgə́ ngáń kə́ dəyá̰ gə̄ yā ngé *kəja mɔtədə́ aĺ gə̄ ń noō rāān̄ walya.

AMOS 5:11

Sḭḭ̄ ī-rējī nge ndoō kə yá̰a̰ rāāsí kə́ gōtə́ aĺ ō, ī-taāī núsə kōō yān dɔ gúú tə́ ō. Beé ɓáa, tām̄ najə̄ ń noō tə́ ní, kújə́ kə́ rāā kə mbal̄ kə́ tɔ́sə̄ kadə gēé ń ī-rāāī ní, ā ī-ndiī kemeé aĺ ō, ndɔr̄ *kāgə̄ nduú kə́ majə gə̄ ń ə́hɔī ní, ā ā̰yī kasən aĺ ō.

Gōsə̄ najə̄ gə̄ 1:13

na ā ə́ngeī yá̰a̰ kənge gə̄ kə́ gātə̄də́ i ngá̰ý gə̄ kə́ tayā tayā gə̄, na ā ɔ́yiī yá̰a̰ kadə̄ na a rosə kem kújə yāsí gə̄,

Gōsə̄ najə̄ gə̄ 11:16

Dəyá̰ kə́ mandə ənge kɔsə gɔn ō, de kə́ dəngam kə́ ngan̄g ənge yá̰a̰ ō.

KOHELET 4:1

M-á̰á̰ yá̰á̰ kə́ gōtə́ aĺ gə̄ malang ń de gə̄ a rāān̄ kə madə̄də́ gēé dɔ nang tə́ ní ō. Ngé gə̄ ń de gə̄ rāān̄ kumdə́ ndoō tə́ ní nōōn̄, banī de kə́ nge sɔl̄ kemdə́ gətóo. Tɔ́gə i dām̄ yā ngé rāā kumdə́ ndoō tə́ gə̄ tə́, adə̄ de kə́ nge sɔl̄ kemdə́ gətóo.

OJEE 7:1

Kum mbang ń m̄-sāā rāań kadə̄ *Israel ənge rɔ̄ ngáā ní ɓáa, m-á̰á̰ yá̰á̰ kə́ gōtə́ aĺ gə̄ ń *Epəraim gə̄ rāān̄ ní ō, m-á̰á̰ yá̰á̰ kə́ majaĺ ngá̰ý gə̄ ń de kə́ Samari gə̄ rāān̄ ní ō. A̰á̰ā̰, nin̄ i de kə́ rɔ̄kum aĺ gə̄, ngé ɓogə gə̄ a túdə̄n̄ kə̄ kem kújə gə̄ tə́ dɔ gúú tə́ ō, ngé gān̄g róbə gə̄ a rāān̄ yá̰a̰ i kum róbə kɔsə gə̄ tə́ ō.

AMOS 6:3

Sḭḭ̄ ī-sāāī ndɔ́tə̄ kə ndɔ̄ yá̰á̰ kə́ to kum kaȳ aĺ kə̄ gogə́. Banī sḭḭ̄ ī-rāāī ādə̄ ndɔ̄ yá̰a̰ rāā kə́ kə dɔ́nɔ́ reē.

MISE 6:10

Yá̰a̰ kənge kə́ kə ta róbə́ kə́ gōtə́ aĺ ní, deē a əngedə́ i kem kújə yā de kə́ majaĺ gə̄ tə́ ngándáńg ō, nin̄ a unən̄ i kār̄ tɔ̄jə̄ yá̰á̰ kə́ gōtə́ aĺ n a mbɔ̄jə́nəń yá̰a̰ ō. I yá̰á̰ kə́ majə ka̰ā̰ aĺ ngá̰ý. M-ásə́ tə́gā taḿ dɔ yá̰á̰ kə́ beé tə́ a?