1 TIMOTE 5:1 - Bible sar

¹ Ī-lōō gɔŕyɔ̄ de kə́ tɔgə ɓə́ga kə ngangāá, ba ɔ̄jən tītə̄ kə́ ni i bɔbí beē. Ɔ̄jə̄ balsáa gə̄ tītə̄ kə́ nin̄ i ngákó̰ó̰í gə̄ ō,

Bibəl ta Sar̄

¹ Ī-lōō gɔŕyɔ̄ de kə́ tɔgə ɓə́ga kə ngangāá, ba ɔ̄jən tītə̄ kə́ ni i bɔbí beē. Ɔ̄jə̄ balsáa gə̄ tītə̄ kə́ nin̄ i ngákó̰ó̰í gə̄ ō,

1 TIMOTE 5:1 Referans Kwoze

LEBI GƏ̄ 19:32

Ré á̰a̰ de kə́ dɔn ndaa ɓáa ḭ́ḭ dɔɔ́. Ī-rɔȳ de kə́ tɔgə ɓə́ga. Loo ɓōĺ ndíl Nə́ɓā yāí n noó. Mā i Kɔ́ɔ̄ɓē.

TITƏ 2:2

Əda de kə́ tɔgə ɓə́ga gə̄ kadə̄ nin̄ i ngé kəhɔ rɔ̄də́ dɔ yá̰á̰ tə́ gə̄ ō, nin̄ i de gə̄ kə́ asən̄ kadə̄ de gə̄ rɔȳn̄də́ ō, nin̄ i ngé rāā yá̰a̰ kadə̄ mān̄ dɔ loon aĺ gə̄ ō, kadə̄ nin̄-ndan̄ ngan̄g dɔ taā kem tə́ ō, dɔ táŕ tə́ ō, dɔ tə́gā ta tə́ ō.

1 PIYER 5:1

Ngɔlaā ní m-ā m-ɔ̄r̄ najə̄ i kə *kum kɔɔ̄ gə̄ ń ndin̄ dɔ dáńsí tə́ á mā i *kum kɔɔ̄ madə̄də́ ō ní. Yá̰á̰ kə́ tōr̄ ń rāā *Kərist ní, mā m-á̰a̰ā̰ kə kumḿ ō. *Kɔsə gɔn ń ndɔ̄ń tə́ a teēn̄neé kə̄ ndágá ní, mā i tū tə́ ō. Yá̰á̰ ń m̄-dəjesí sḭḭ̄ *kum kɔɔ̄ gə̄ ní n toó:

GALATƏ 6:1

Ngákó̰ó̰ḿ gə̄, ré ə́hɔī deē kógə̄ḿ loo rāā yá̰á̰ kə́ gō tə́ aĺ tə́ anī, sḭḭ̄ ń *Ndíĺ Nə́ɓā i kemsí tə́ ní, ī-rāāī seneé kə kem kə́ sɔl̄ lɔmɔɔ́ ādə̄ tél reē dɔ róbə́ kə́ súmūú tə́. Ī-ngɔ̄m̄ rɔ̄í majə na sōgə́ īkɔ́ ə̄sō kum yá̰a̰ nāā tə́ ō.

TITƏ 2:6

Əda balsáa gə̄ ō, kadə̄ tū yá̰a̰ gə̄ tə́ malang ɓáa nin̄ i de kə́ ngé ka̰a̰ yá̰á̰ kə́ majə tá rāā gə̄. Īkɔ́ ī-rāā yá̰á̰ kə́ majə kété tá kadə̄ de gə̄ ndájīn̄. Ādə̄ yá̰á̰ ndóō yāí i yá̰á̰ ndóō kə́ kumən unjə̄ ō, o̰o̰ī tɔdɔ̄ ō.

MATIYE 23:8

Ba sḭḭ̄, ī-lōōī kadə̄ de gə̄ ɓārə́n̄sí ngoldə́ gə̄, tɔdɔ̄ sḭḭ̄ malang i ngákó̰o̰ naā gə̄ ō, ngolsí i kógə̄ḿ beē ō.

1 TIMOTE 5:17

Kum kɔɔ̄ gə̄ ń ɔrən̄ no loo kán̄ naā majə ní, ādə̄ de gə̄ adə̄n̄də́ yá̰á̰ kəndā nja yādə́ loo nja kə́ jōó tə́. Ba kə́ ngá̰ý ɓáa i ngé gə̄ ń əndān̄ rɔ̄də́ ta kəla kə́ ɔȳ ngá̰ý tə́, adə̄ i ta kəla kɔjə najə̄ tə́ ō, ndóō de gə̄ yá̰a̰ tə́ ō ní.

Makətūbə̄ ń Pol ndang adə̄ Rom gə̄ ní 13:7

Nin̄ kógə̄ḿ kógə̄ḿ malang ní, ādīdə́ yá̰á̰ ń sɔɔ̄ kadə̄ ādīdə́ ní, nge lambóo a ādīin̄ lambóo ō, nge taā tīr̄ a ādīin̄ yá̰a̰ tīr̄ ō, ré i de kə́ kadə̄ ī-ɓōlíī ndílən a, ī-ɓōlíī ndílən ō, ré i de kə́ kadə̄ ī-rɔȳnīī a, ī-rɔȳnīī ō.

KƏLA RĀĀ 15:4

Dan ń nin̄-ugə̄n̄ *Jerusalem anī Egəlijə ō, ngámbang kəla gə̄ ō, *kum kɔɔ̄ gə̄ ō, əhɔn̄də́ kə̄ rɔ̄də́ tə́, ba nin̄-ɔjən̄də́ gotə yá̰a̰ malang ń Nə́ɓā rāā kə ta kūl̄də́ ní.

KƏLA RĀĀ 14:23

Nin̄-gə̄rān̄ *kum kɔɔ̄ gə̄ kem Egəlijə gə̄ tə́ kógə̄ḿ kógə̄ḿ adə̄n̄ ngé taā kem gə̄, ba gō tə́ anī *ndin̄ ɓō tām̄ yā Nə́ɓā tə́ ō, ndɔ̄ȳn̄ ō, pá tá kadə̄ ɓɔ̄ɔ̄n̄də́ kə Kɔ́ɔ̄ɓē ń taān̄ kemən ní ɓáý.

JEJU TEĒ KUM JA̰A̰ 4:4

Kōr̄ kāgə̄ mbang kə́ rang gə̄ kutə jōó gidə i sɔ́ ndi gīrə̄n̄ gidə kōr̄ kāgə̄ mbang ní. Ba *kum kɔɔ̄ gə̄ kutə jōó gidə i sɔ́ ndin̄ dɔ kōr̄ kāgə̄ mbang gə̄ ní tə́. Nin̄-o̰ō̰n̄ kūbə̄ kə́ ndaa ō, *jākā mbang kə́ rāā kə lɔ́r i dɔdə́ gə̄ tə́ ō.

3 JA̰A̰ 1:1

I mā *kum kɔɔ̄ n m̄-ndang makətūbə̄ ń toō m-ə́lań m-ādə̄ kó tár yāḿ Gayus ń m̄-tárən rɔ̄kum ní.

2 JA̰A̰ 1:1

I mā *kum kɔɔ̄ n m̄-ndang makətūbə̄ ń toō m-ə́lań m-ādə̄ Dəyá̰ ń Nə́ɓā gə̄rān ní, nin̄ kə ngánən gēé. Mā m̄-táŕdə́ rɔ̄kum. I mā ngóy n m̄-táŕdə́ alé, banī de gə̄ malang ń gerə̄n̄ najə̄ kə́ rɔ̄kum ní tárən̄də́ ō.

JAKƏ 5:14

Ré de kə́rēý i moy anī, majə kadə̄ ni-ɓāŕ kum kɔ̄ɔ́ gə̄ kə́ Egəlijə tə́ kadə̄ urən̄ yibə̄ dɔn tə́ kə rī Kɔ́ɔ̄ɓēé pá tá ndɔ̄ȳn̄ dɔn tə́.

JAKƏ 3:17

Banī deē ń aw̄ kə kum kedə̄ kə́ dɔɔ́ ní a ngɔ̄m̄ rɔ̄n kanjə̄ rāā yá̰á̰ kə́ majaĺ kógə̄ḿ pá tá ndi kə kem sɔl̄ lɔmɔɔ́ ō, dɔn i kə́ sɔl̄ ō, ndigə najə̄ gō madə̄n gə̄ tə́ láẃ ō, a̰a̰ kum tō ndoō yā de gə̄ ngándáńg ō, kan̄ kə́ majə a rosə kemən ō, ni-ɔr̄ kam̄ de gə̄ aĺ ō, ni gól̄ loo aĺ ō.

KƏLA RĀĀ 20:17

Pol ndi Milet ba əla kəla gō *kum kɔɔ̄ gə̄ kə́ kem Egəlijə kə́ Epejə tə́ kadə̄ reēn̄.

KƏLA RĀĀ 15:6

Ngámbang kəla gə̄ ō, *kum kɔɔ̄ gə̄ ō, kánə̄n̄ naā yā kəndā ma̰ȳ najə̄ ní.

NDŪ NAJƏ̄ 33:9

Nin̄ ɔjən̄ kə̄ ndágá kadə̄ táriīn̄ tɔȳ bɔbə̄də́ gə̄ ō, kó̰ó̰də́ gə̄ ō, ngákó̰ó̰də́ gə̄ ō, ngáńdə́ gə̄ ō. Tɔdɔ̄ oōn̄ taí, adə̄ rāān̄ yá̰á̰ ń ə́dádə́ ní. Nin̄ əndān̄ kumdə́ gír *madə̄ naā yāí tə́.

1 TIMOTE 5:2

kó̰o̰ dəyá̰ gə̄ tītə̄ kə́ nin̄ i kó̰ó̰í gə̄ ō, mandə gə̄ tītə̄ kə́ nin̄ i ngákó̰ó̰í kə́ dəyá̰ gə̄ ō, kə háĺ kə́ *unjə̄ njáý njáý.