1 TIMOTE 2:8 - Bible sar

⁸ Adə̄ m̄-gḛy kadə̄ dəngam gə̄ ɔyn̄ jīdə́ kə̄ dɔɔ́ ndɔ̄ȳnəń Nə́ɓā kə̄ loo gə̄ tə́ malang. Majə kadə̄ nin̄-ndɔ̄ȳn̄ kə kem kə́ *unjə̄ njáý njáý, kanjə̄ wōn̄g ō, kanjə̄ kɔ̄l̄ naā ō.

Bibəl ta Sar̄

⁸ Adə̄ m̄-gḛy kadə̄ dəngam gə̄ ɔyn̄ jīdə́ kə̄ dɔɔ́ ndɔ̄ȳnəń Nə́ɓā kə̄ loo gə̄ tə́ malang. Majə kadə̄ nin̄-ndɔ̄ȳn̄ kə kem kə́ unjə̄ njáý njáý, kanjə̄ wōn̄g ō, kanjə̄ kɔ̄l̄ naā ō.

1 TIMOTE 2:8 Referans Kwoze

PĀ GƏ̄ 134:2

Ə́laī jīsí kum kə̄ *loo kə́ táĺ tə́ ō, ī-tɔ̄yī Kɔ́ɔ̄ɓē ō.

PĀ GƏ̄ 63:4

Kem majə yāí majə tɔȳ ndi kə kumuú. M-ā m̄-ɓōkíī tɔ̄ȳ.

HEBƏRO 10:22

I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ *unjə̄ njáý njáý ō.

TITƏ 3:8

Najə̄ ń noō i Najə̄ kə́ Majə kadə̄ deē taā kem. Adə̄ m-gḛy kadə̄ ī-ra dɔ tə́ ngá̰ý, yā kadə̄ de gə̄ ń taān̄ kem Nə́ɓā ní, əndān̄ kumdə́ gíŕ yá̰á̰ kə́ majə gə̄ tə́ rāān̄. Nge ń noō i yá̰á̰ kə́ majə ō, a rāā majə kə de gēé malang ō.

JAKƏ 4:8

Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī *unjə̄ njáý njáý.

Najə̄ kə́ Majə yā Jeju ń Luk ndang ní 24:50

Gō tə́ anī, ni-ɔydə́ gōn tə́, ba aw̄n̄ kumdə́ kə́ Betani. Loo ń noō tə́ ni-ɔy jīn kə̄ dɔɔ́ ba tɔ́r̄ tan dɔdə́ tə́.

IJAI 1:15

Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

1 PIYER 3:7

Yāsí sḭḭ̄ ngaa dəyá̰ gə̄ n toó: Ré ī-ndiī kə nə̄yá̰sí gēé anī, majə kadə̄ ī-gerī na nin̄ i de kə́ ngan̄g aĺ ngá̰ý gə̄. Ī-ɓōlíī ndíĺdə́, tɔdɔ̄ i gáŕ kadə̄ nin̄ a əngen̄ ndi kə kumuú ń Nə́ɓā a adə̄ de gə̄ karī ní sesí ō. Ī-rāāī tītə̄ ń noō i yā kadə̄ yá̰á̰ kógə̄ḿ utə̄ń ta róbə ndɔ̄ȳ yāsí gə̄ alé.

1 TIMOTE 5:14

Adə̄ dəyá̰ kə́ ngaa koy kə́ na̰y mandə ɓáý gə̄ ní, m̄-gḛy kadə̄ táān̄ dəngam gə̄ ō, ojən̄ ngán gə̄ ō, əndān̄ kumdə́ gír de kə́ kem kújə yādə́ gə̄ tə́ majə ō. I beé tá nin̄ a adə̄n̄neé ngé rɔ̄ɔ̄ sejí gə̄ ta róbə kəda najə̄ kə́ majaĺ dɔjí tə́ alé.

KƏLA RĀĀ 21:5

Ba dan ń ndɔ̄jí təgā á j-əsō róbó yā kaw̄ anī, nin̄ malang kə nə̄yá̰də́ gə̄ kə ngáńdə́ gə̄ əndān̄jí róbó bátə́ ugə̄n̄ sejí gidə ɓē tə́. J-ɔsə kejəjí nang tə́ ta bā bo tə́ ba jə-ndɔ̄ȳ Nə́ɓā kə̄ loo ń noō tə́.

KƏLA RĀĀ 10:4

Kɔrney əndā kumən dɔn tə́ ba ɓōĺ rāān adə̄ əda na: I rí Kɔ́ɔ̄ɓē? Nge kəla ní tél ədan na: Nə́ɓā ndigə ndɔ̄ȳ yāí gə̄ ō, ndigə yá̰a̰ gə̄ ń ī-rāań kə ngé ndoō gēé ní ō, dɔn ndígə̄nalií aĺ ō.

KƏLA RĀĀ 10:2

Ni i de kə́ nge rāā yá̰a̰ kə gō ń Nə́ɓā ndigə ní ō, tá ni ō de kə́ kem kújə yān tə́ gə̄ malang ō ní, rāān̄ kəla adə̄n̄ Nə́ɓā ō. Ni-rāā kə *Jipə kə́ ngé ndoō gə̄ ngá̰ý ō, ndɔ̄ȳ Nə́ɓā kə kum mbang gə̄ malang ō.

KƏLA RĀĀ 7:60

Gō tə́ anī ɔsə kejən nang tə́ ba əga kɔŕ ngá̰ý əda na: Kɔ́ɔ̄ɓē, ī-lōō kəndā najə̄ yá̰á̰ kə́ majaĺ ń toō dɔdə́ tə́. Dan ń əda najə̄ ń noō oy anī əhɔ tan kə̄ naā tə́.

1 KORḚNTƏ 7:7

Yá̰á̰ kə́ nelə̄m̄ ngá̰ý i kadə̄ de gə̄ malang ton̄ tītə̄ḿ mā beé. Banī yá̰a̰ gə̄ ń de gə̄ əngen̄ kógə̄ḿ kógə̄ḿ kə dɔdə́ gēé jī Nə́ɓā tə́ ní to tītə̄ naā alé. Deē kógə̄ḿ ənge i nge ń toō, banī de kə́ rang ənge i nge ń noō.

KƏLA RĀĀ 10:31

ba ədam̄ na: Kɔrney, Nə́ɓā oō ndɔ̄ȳ yāí ō, dɔn ndígə̄nal rāā ń ī-rāā kə ngé ndoō gēé ní aĺ ō.

JA̰A̰ 4:21

Jeju ədan na: Dəyá̰, ī-taā kemḿ, ndɔ̄ a reē noó kadə̄ ā ī-rɔyī i dɔ mbal̄ ń toō tə́ aĺ ō, i Jerusalem aĺ ō.

Najə̄ kə́ Majə yā Jeju ń Luk ndang ní 23:34

Anī Jeju əda na: Bɔbə́ḿ, ī-māȳ rɔ̄í dɔdə́ tə́, tɔdɔ̄ nin̄-gerə̄n̄ kum yá̰á̰ ń nin̄-rāān̄ toó alé. Gō tə́ anī nin̄-túgə̄n̄ wə̄lā kēgə̄n̄neé naā kūbə̄ yān gə̄.

MATIYE 21:21

Anī Jeju tél ədadə́ na: Ādə̄ m-ə́dásí najə̄ kə́ bo ngá̰ý, ré ī-taāī kem ba kemsí tɔ́sə̄sí dɔ tə́ aĺ anī, i yá̰á̰ ń m̄-rāā kə kāgə̄ kótōó toō ngóy n ā ī-rāāī ní alé. Mbal̄ ń ra toó gə̄gē, ré ə́daniī na kə ɔtə kɔ̄ɔ́ loo ń toō tə́, ba kə aw̄ kə əsō kum bā bo tə́ anī, a ɔtə yā kaw̄ kəsō kum bā bo tə́.

MATIYE 5:44

Ba mā m-ə́dásí na: Ī-táriī madə̄ ba̰ā̰sí gə̄ ō, ī-ndɔ̄yī tām̄ yā ngé gə̄ ń rāān̄sí ndoō tə́ ní ō,

PĀ GƏ̄ 66:18

Loo kə́ beé tə́ ré m̄-gír̄ i yá̰á̰ kə́ majaĺ kemḿ tə́ anī, Kɔ́ɔ̄ɓē a oō najə̄ yāḿ alé.

PĀ GƏ̄ 26:6

Kɔ́ɔ̄ɓē, m̄-tə́go jīḿ m-ɔ́jəń kadə̄ najə̄ gətóo dɔḿ tə́, yā kadə̄ m̄-njə̄rań kə gō gidə *loo tun̄ yá̰a̰ yāí

PĀ GƏ̄ 24:4

I deē ń jīn *unjə̄ njáý njáý ō kemən ndaa tá táĺ ō ní. I deē ń əga rɔ̄n gidə Nə́ɓā tə́ rāań yá̰á̰ kə́ majaĺ aĺ ō, túbə yā góləń deē aĺ ō ní.

Makətūbə̄ yā Job 16:17

Tá jīḿ rāā yá̰á̰ kógə̄ḿ kə dɔ́nɔ́ aĺ ō, ndɔ̄ȳ yāḿ i kə́ *unjə̄ njáý njáý ō.

MATIYE 6:12

Ī-mā̰ȳ rɔ̄í dɔjí tə́ najə̄ yá̰á̰ kə́ gōtə́ aĺ gə̄ ń jə-rāā seí ní tə́, tītə̄ ń jḭḭ kɔ́ gə̄ jə-mā̰yń rɔ̄jí dɔ ngé rāājí majaĺ gə̄ tə́ ō ní.

Gōsə̄ najə̄ gə̄ 21:27

Yá̰a̰ tun̄ yā ngé kem ndul gə̄ i yá̰á̰ kə́ to yḛr kum, tɔdɔ̄ nin̄-tunə̄n̄ yá̰á̰ ní i kə ngamaá kemdə́ tə́.

Gōsə̄ najə̄ gə̄ 15:8

Yá̰a̰ tun̄ yā ngé kem majaĺ gə̄ i yá̰á̰ kə́ yḛr ta kum Kɔ́ɔ̄ɓē tə́, banī ndɔ̄ȳ yā de kə́ súmūú gə̄ nelə̄n.

PĀ GƏ̄ 35:13

Dan ń ton̄ mo̰y ní, m-ō̰ō̰ kūbə̄ kəhɔ ndoō ō, m̄-*ndi ɓō tām̄ yā Nə́ɓā tə́ m̄-téləń kə rɔ̄ḿ kə̄ nang tə́ ō, m̄-ndɔ̄ȳ ndɔ̄ȳ kə́ kógə̄ḿ beē kə̄ nja naā tə́ ō.

1 MBAN̄G GƏ̄ 3:11

adə̄ ni-tél əda mban̄g na: Ḭ̄ ī-dəjem̄ i kutə ɓālīí kə́ kadə̄ reē ta madə̄ tə́ aĺ ō, i yá̰a̰ kənge aĺ ō, i yo madə̄ ba̰ā̰í gə̄ aĺ ō, ba ī-dəje i kadə̄ kə ī-ger̄ kɔr̄ kam̄ yá̰á̰ kə́ majə ō, kə́ majaĺ ō, naā tə́ yā ko̰o̰ń ɓē kə gō gēé ní,

PĀ GƏ̄ 28:2

Ōō ndūḿ ń m̄-rāāīneé ɓɔ́ dan ń m-ə́gań kɔŕ kə̄ dɔí tə́, m-ɔ́yń jīḿ kə̄ dɔɔ́ kum kə̄ *loo kə́ táĺ ngá̰ý yāí ń, ī-ndi kemeé tə́ ní.

PĀ GƏ̄ 141:2

Ādə̄ ndɔ̄ȳ yāḿ ḭḭ kum kə̄ dɔɔ́ rɔ̄í tə́ tītə̄ sa hor kajaja beé ō, ādə̄ jīḿ ń m-ɔ́y kə̄ dɔɔ́ ní i tītə̄ *yá̰a̰ ndējə̄ kə́ loo sɔlí beé ō.

1 KORḚNTƏ 1:2

əlan̄ kə makətūbə̄ ń toō adə̄n̄ Egəlijə yā Nə́ɓā ń ndin̄ kem ɓē kə́ Korḛntə tə́ ní. Nin̄-adə̄n̄ ngé gə̄ ń ɓārə́n̄də́ kadə̄ ndin̄ tām̄ yā Nə́ɓā tə́ á nin̄ i de gə̄ yā Nə́ɓā kə ta kūl̄ ɓoo naā yādə́ kə Jeju *Kərist ní ō, adə̄n̄ de gə̄ malang ń ndin̄ kə̄ loo gə̄ tə́ malang ba a ɓārə́n̄ rī Kɔ́ɔ̄ɓē yājí Jeju Kərist ní ō, tām̄ ni i Kɔ́ɔ̄ɓē yādə́ ō, Kɔ́ɔ̄ɓē yājí ō mbak.

2 KORḚNTƏ 2:14

Banī jə-ndadə̄ j-adə̄ Nə́ɓā, tām̄ ni-ndɔ́r̄jí aw̄ sejí gō *Kərist ń tetə rɔ̄ɔ̄ tə́ ní ngándáńg ō, ni-unjí rāań adə̄ de gə̄ gerə̄n̄ Kərist kə̄ loo gə̄ tə́ malang ō. Adə̄ to i tītə̄ sēē ítər kə́ otə majə kə́ taā loo beé.

PILIPƏ 1:12

Ngákó̰ó̰ḿ gə̄, m̄-gḛy kadə̄ ī-gerī na yá̰á̰ ń teē dɔḿ tə́ ní, rāā adə̄ Najə̄ kə́ Majə aw̄ kum kə̄ kété ɓáý.

1 TESALONIK 1:8

Tɔdɔ̄ najə̄ yā Kɔ́ɔ̄ɓē ń ḭḭ loosí ní, ugə̄ i Masedəwan ō, Akayi ō, ngóy alé. Tām̄ de gə̄ oōn̄ najə̄ taā kem yāsí i kə̄ loo gə̄ tə́ malang, adə̄ j-a j-ɔr̄ najə̄n kə de gēé to̰ alé.