1 TIMOTE 2:1 - Bible sar

¹ Adə̄ kété no yá̰á̰ gə̄ tə́ malang ní, ādə̄ de gə̄ dəjen̄ Nə́ɓā yá̰a̰ ō, ndɔ̄ȳnən̄ ō, rāānən̄ ɓɔ́ ō, ndadə̄ adə̄nən̄ ō, tām̄ yā de gə̄ tə́ malang.

Bibəl ta Sar̄

¹ Adə̄ kété no yá̰á̰ gə̄ tə́ malang ní, ādə̄ de gə̄ dəjen̄ Nə́ɓā yá̰a̰ ō, ndɔ̄ȳnən̄ ō, rāānən̄ ɓɔ́ ō, ndadə̄ adə̄nən̄ ō, tām̄ yā de gə̄ tə́ malang.

1 TIMOTE 2:1 Referans Kwoze

2 TESALONIK 1:3

Ngákó̰ó̰jí gə̄, majə kadə̄ jə-ndadə̄ Nə́ɓā ngándáńg tām̄ yāsí tə́. Nge ń noō i gō tə́, tɔdɔ̄ taā kem yāsí aw̄ kum kə̄ kété kété kə ngangāá ngá̰ý ō, tár yāsí kə́ tām̄ yā naā tə́ a aw̄ i kum kə̄ kété kété ō.

JAKƏ 5:16

Ədaī naā gír majaĺ yāsí gə̄ ō, ī-ndɔ̄yī tām̄ yā naā tə́ ō, yā kadə̄ rɔ̄sí ngáań. Ndɔ̄ȳ yā de kə́ gōtə́ ní tɔ́gən i ngá̰ý ō, a rāā kəla ō.

EPEJƏ 5:20

Ī-ndadī Bɔbə̄jí Nə́ɓā ngándáńg tām̄ yā yá̰a̰ gə̄ tə́ malang kə rī Kɔ́ɔ̄ɓē yājí Jeju *Kərist.

2 TIMOTE 2:24

Ba majə kadə̄ nge rāā kəla yā Kɔ́ɔ̄ɓē kɔ̄l̄ alé. Majə kadə̄ ni-ndi lɔm kə de gēé malang ō, asə ndóō de gə̄ yá̰a̰ ō, tə́gā tan dɔ najə̄ kɔr̄ ngé tɔ́sə̄ najə̄ gə̄ tə́ ō.

1 TIMOTE 2:4

Ni-gḛy kadə̄ de gə̄ malang ajən̄ ō, aw̄n̄ bátə́ kadə̄ gerə̄n̄ najə̄ kə́ rɔ̄kum ō.

PILIPƏ 1:3

Kə dɔ ndɔ̄ gə̄ ń m-ā m̄-gírəń dɔsí tə́ noō, m̄-ndadə̄ m-ādə̄ Nə́ɓā yāḿ tām̄ yāsí tə́ malang.

HEBƏRO 6:11

Ba jə-gḛy kadə̄ sḭḭ̄ kógə̄ḿ kógə̄ḿ ní, o̰o̰sí tɔdɔ̄ Nə́ɓā bátə́ ta tɔ̄l̄ ta tə́. Loo ń noō tə́ yá̰á̰ ń ə̄ndāī kemsí dɔ tə́ ní a reē yā kudə gírí kə taá malang.

TITƏ 3:2

tájə̄nəń deē aĺ ō, rɔ̄ɔ̄nəń deē aĺ ō, kadə̄ nin̄ i ngé mā̰ȳ rɔ̄də́ láẃ ngá̰ý dɔ yá̰a̰ rāā kə́ gō tə́ aĺ yā deē tə́ ō, kadə̄ ɔjənə̄ń háĺ kə́ sɔl̄ lɔ́ḿ lɔ́ḿ yādə́ kə̄ no de gə̄ malang tə́ ō.

TITƏ 2:11

Tɔdɔ̄ rajə deē ń i ta róbə́ kə́ kadə̄ de gə̄ malang ajən̄neé ní, Nə́ɓā ɔjə kə̄ ndágá.

1 TIMOTE 5:5

Dəyá̰ kə́ ngaa koy ń deē yān gətóo ō, ndi i kə kérneé ō ní, əndā kemən i dɔ Nə́ɓā tə́ ō, na̰y i kə̄ loo ndɔ̄ȳn tə́ ō, loo rāān ɓɔ́ tə́ ndɔ̄ɔ́ ō kadaá ō.

1 KORḚNTƏ 15:3

Yá̰á̰ ń m-ɔ́jə́sí ta kəga dɔ no yá̰á̰ gə̄ tə́ malang ní, i yá̰á̰ ń ɔjəmə̄n̄ mā kə̄ kété ō ní. Ɔjəmə̄n̄ kadə̄ *Kərist oy tām̄ majaĺ yājí tə́, i kə gō najə̄ ń ndangən̄ kem makətūbə̄ yā Nə́ɓā tə́ ní.

KƏLA RĀĀ 17:30

Nə́ɓā əhɔ gír ɓāl̄ gə̄ ń de gə̄ gerə̄n̄neé yá̰a̰ aĺ tə́ ní to̰ alé. Banī ngɔlaā ni-tāā de gə̄ malang kə̄ loo gə̄ tə́ kadə̄ tūrə̄n̄ háĺdə́.

1 TESALONIK 3:12

Ādə̄ Kɔ́ɔ̄ɓē rāā adə̄ tár yāsí kə́ tām̄ yā naā tə́ ō, tām̄ yā de gə̄ tə́ malang ō, to tītə̄ yājí ń j-aw̄ń tām̄ yāsí tə́ ní.

Makətūbə̄ ń Pol ndang adə̄ Rom gə̄ ní 6:17

Banī ādə̄ jə-tɔ̄yī Nə́ɓā, tɔdɔ̄ kété ní sḭḭ̄ i ɓəlo gə̄ yā yá̰á̰ kə́ majaĺ, ba ngɔlaā sḭḭ̄ ōōī ta Nə́ɓā adə̄ ī-rāāī yá̰á̰ ń ndóōn̄sí ní kə ngarān̄g kemsí gēé malang.

Makətūbə̄ ń Pol ndang adə̄ Rom gə̄ ní 1:8

Yá̰á̰ kə́ ta kəga dɔ ní, m̄-ndadə̄ Nə́ɓā yāḿ kə ta kūl̄ Jeju *Kərist tām̄ yāsí tə́ malang. Tɔdɔ̄ kə gō dɔ nang malang ní najə̄ taā kem yāsí ɓār̄ ngá̰ý.

PĀ GƏ̄ 72:19

ādə̄ tɔ̄ȳn̄ Nə́ɓā kə́ nge rī ɓār̄ ngándáńg! ādə̄ kɔsə gɔn yān taā loo malang dɔ nang tə́! *Adə̄ i tītə̄ ń noō, adə̄ i tītə̄ ń noō!

2 KORḚNTƏ 8:6

I tām̄ najə̄ ń noō tə́ n jə-rań kə Titə ta kaw̄ tɔ̄l̄ ta kəla kem majə ní tə́ loosí kə gōgēé, tītə̄ ń ni-əlań gíŕ ní.

EPEJƏ 3:13

Adə̄ ī-lōōī kadə̄ wur kɔl gə̄ ń əsōn̄ dɔḿ tə́ tām̄ yāsí tə́ ní, ɔrə̄n̄ tɔ́gə́sí kɔ̄ɔ́, tɔdɔ̄ nge ń noō i kɔsə gɔn yāsí.

ESDRAS 6:10

I beé tá nin̄ a asən̄neé ndējə̄ Nə́ɓā kə́ dɔ rā̰ tə́ *yá̰a̰ tun̄ kə́ kotə majə ō, ndɔ̄ȳ tām̄ yā kadə̄ mban̄g ō, ngánən gə̄ ō ndin̄neé kə dɔdə́ dɔɔ́ ní.

JEREMI 29:7

Ādī o̰o̰sí tɔdɔ̄ majə yā ɓē ń m-ə́wásí m-āw̄ sesí kemeé ní ō, ī-rāāī Kɔ́ɔ̄ɓē ɓɔ́ tām̄ yān tə́ ō, tɔdɔ̄ sḭḭ̄ ā ī-ndiī majə i kə ta kūl̄ majə yānneé.

EPEJƏ 6:18

Ī-ndɔ̄yī kə kum mbang gə̄ malang kə ta kūl̄ Ndíl. Əhɔī rɔ̄sí tɔgə loo ndi já̰já̰ tə́ ō, ī-rāāī Nə́ɓā ɓɔ́ tām̄ yā deē yān gə̄ tə́ malang ō.

PILIPƏ 4:6

Ī-sōlī yá̰á̰ kógə̄ḿ alé. Ba tū yá̰a̰ gə̄ tə́ malang ɓáa, yá̰á̰ ń ndoōn rāāsí ní, ī-dəjeī Nə́ɓā kə ndɔ̄yɔ̄ɔ́ ō, ī-rāāniī ɓɔ́ ō, ī-ndadə̄ ādə̄niī ō.