1 TIMOTE 1:5 - Bible sar

⁵ Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ *unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.

Bibəl ta Sar̄

⁵ Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.

1 TIMOTE 1:5 Referans Kwoze

1 TIMOTE 1:19

Ī-ngɔ̄m̄ taā kem ō, ādə̄ kemií ɔjiī yá̰á̰ kógə̄ḿ kə́ majaĺ aĺ ō. De kə́rēý gə̄ mbātə́n̄ koō najə̄ yā kemdə́ kə́ ɔjədə́ yá̰á̰ kógə̄ḿ kə́ majaĺ aĺ ngeé ń toō. I tītə̄ ń noō n nin̄-rāān̄neé adə̄ taā kem yādə́ əsōń kɔ̄ɔ́ ní.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

2 TIMOTE 2:22

Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ *unjə̄ njáý njáý ní.

2 TIMOTE 1:5

Əga kemḿ dɔ taā ń ī-taā kem Nə́ɓā kə́ rɔ̄kum tə́ ní. Kaaí Lois ō, kó̰ó̰í Enis ō, taān̄ kem kə́ rɔ̄kum tə́ kété noí tə́, ba m̄-ger̄ majə kadə̄ ḭ̄ ī-taā kem i tītə̄ yādə́ ō.

2 TIMOTE 1:3

Ndɔ̄ɔ́ ō kadaá ō, dan ń m-ā m̄-ndɔ̄ȳ anī, m̄-gír̄ dɔí tə́. Adə̄ m̄-ndadə̄ Nə́ɓā ń m̄-rāā kəla yān tītə̄ yā kaaḿ gə̄, kanjə̄ kadə̄ kemḿ ɔjəm̄ yá̰á̰ kógə̄ḿ kə́ majaĺ ní.

1 PIYER 3:21

Man̄ ngeé ń toō i yá̰á̰ kə́ ɔjə kum gotə *batém ń ngɔlaā ajəsí ní: Batém ngeé ń toō i batém tə́gó yá̰á̰ kə́ yḛr gə̄ kə́ rɔ̄ deē tə́ kɔ̄ɔ́ alé, banī i de kə́ ənī míndən adə̄ Nə́ɓā kanjə̄ kadə̄ kemən ɔjən yá̰á̰ kə́ majaĺ. Batém ní ajəsí i kə ta kūl̄ koy ń Jeju oy ta ndól̄ ní.

1 PIYER 3:16

Banī ə̄nīī rɔ̄sí lɔm ɔ́jiīneédə́ gír ō, ī-ɓōlíī ndíĺdə́ ō. Ādī najə̄ gətóo dɔsí tə́, yā kadə̄ ré tetən̄ najə̄ dɔsí tə́ anī, ngé tə́da najə̄ kə́ majaĺ dɔ háĺ kə́ majə ń sḭḭ̄ ə́ngeī kə ta kūl̄ ɓoo naā yāsí kə Kərist ní, rɔ̄də́ sɔl̄də́ tām̄ najə̄ kɔr̄də́ tə́.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ *unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

2 PIYER 1:7

ə̄ndāī rāā tɔdɔ̄ naā yā ngákó̰o̰ naā gə̄ dɔ rāā yá̰a̰ kə gō ń Nə́ɓā ndigə ní tə́ ō, ə̄ndāī tár dɔ rāā tɔdɔ̄ naā yā ngákó̰o̰ naā gə̄ tə́ ō.

Makətūbə̄ ń Pol ndang adə̄ Rom gə̄ ní 10:4

Tɔdɔ̄ loo ń *ndū najə̄ a aw̄ kə de gēé kə̄ tū tə́ ní i *Kərist, yā kadə̄ deē malang ń taā kemən ní, kɔ́ɔ̄ téləń de kə́ gōtə́ ta kum Nə́ɓā tə́.

TITƏ 1:15

De gə̄ ń nin̄ i de gə̄ kə́ unjə̄n̄ *unjə̄ njáý njáý ní, yá̰a̰ malang i yá̰á̰ kə́ unjə̄ *unjə̄ njáý njáý tām̄ yādə́ tə́, banī de gə̄ ń nin̄ i de kə́ yḛr gə̄ ō, nin̄ i ngé taā kem aĺ gə̄ ō ní, yá̰á̰ kə́ *unjə̄ njáý njáý tām̄ yādə́ nin̄ tə́ gətóo. Tɔdɔ̄ kur̄ dɔdə́ ō, kemdə́ ō, i kə́ yḛr.

1 TIMOTE 3:9

Kadə̄ nin̄-ngɔ̄mə̄n̄ yá̰á̰ ń taā kem teē kumjí dɔ tə́ ní, kə gír̄ kə́ *unjə̄ njáý njáý.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ *unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

PĀ GƏ̄ 51:10

Ədam̄ najə̄ mā̰ȳ rɔ̄ yāí na a adə̄m̄ rɔ̄nel̄ ngá̰ý. Loo ń noō tə́ mā ń ī-tétə̄ kə̄ngāḿ rárák kɔ̄ɔ́ ní, m-ā m̄-rāā rɔ̄nel̄.

1 PIYER 4:8

Yá̰á̰ ń kadə̄ ī-rāāī kété no yá̰á̰ gə̄ tə́ malang ní, i kadə̄ ī-táriī naā ngá̰ý dɔ dáńsí tə́, tām̄ tár i yá̰á̰ kə́ a rāā kadə̄ deē əndā njan dɔ majaĺ kə́ ngá̰ý gə̄ tə́.

JAKƏ 4:8

Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī *unjə̄ njáý njáý.

KƏLA RĀĀ 23:1

Pol əndā kumən dɔ ngé sarya kə́ bo gə̄ tə́ ba əda na: Ngákó̰ó̰ḿ gə̄, hálə́ḿ ń m̄-mgɔ̄m̄ ta kum Nə́ɓā tə́ bátə́ ɓōólaā ní, kemḿ ɔjəm̄ ngōn̄ yá̰á̰ kógə̄ḿ sḛ́ý kə́ majaĺ dɔ tə́ alé.

PĀ GƏ̄ 24:4

I deē ń jīn *unjə̄ njáý njáý ō kemən ndaa tá táĺ ō ní. I deē ń əga rɔ̄n gidə Nə́ɓā tə́ rāań yá̰á̰ kə́ majaĺ aĺ ō, túbə yā góləń deē aĺ ō ní.

1 JA̰A̰ 3:3

Ba náā nəkɔ́ ń əndā kemən dɔn tə́ tītə̄ ń noō ní, ādə̄ kɔ́ɔ̄ i kə́ *unjə̄ njáý njáý tītə̄ ń Kərist i de kə́ *unjə̄ njáý njáý ní.

HEBƏRO 10:22

I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ *unjə̄ njáý njáý ō.

1 KORḚNTƏ 13:1

Ká ré m-ɔ̄rəń i ta yā de kə́ dɔ nang tə́ gə̄ ō, yā *de kə́ dɔ rā̰ tə́ gə̄ ō, ba m̄-tár aĺ anī, najə̄ kɔrə̄ḿ gə̄ ton̄ i tītə̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ beé, aláa i tītə̄ kōō ɓɔ kə́ ɓār̄ beé.

Makətūbə̄ ń Pol ndang adə̄ Rom gə̄ ní 14:15

Ré yá̰á̰ ń ə́sá ní rāā adə̄ rɔ̄ ngōkó̰ó̰í nelə̄n aĺ anī, yá̰á̰ ń ī-rāā noó i kə tárá to̰ alé. I beé ní, ī-lōō kadə̄ ngōkó̰ó̰í ń *Kərist oy tām̄ yān tə́ ní udə kɔ̄ɔ́ najə̄ yá̰a̰ kəsa tə́ ngóy.

Makətūbə̄ ń Pol ndang adə̄ Rom gə̄ ní 9:1

Najə̄ ń m-ā m-ə́da toó i najə̄ kə́ rɔ̄kum. Mā i deē yā *Kərist ō, m̄-sor̄ aĺ ō. Tá *Ndíĺ kə́ Táĺ ədam̄ kemḿ tə́ kadə̄ i rɔ̄kum ō.

KƏLA RĀĀ 24:16

I tām̄ najə̄ ń noō tə́ n m-ā m-ə́hɔń rɔ̄ḿ tɔgə ngándáńg kadə̄ najə̄ gətóoń dɔḿ tə́ ta kum Nə́ɓā tə́ ō, ta kum de gə̄ tə́ ō ní.

KƏLA RĀĀ 15:9

Nin̄ ō, jḭḭ̄ ō ní jə-tītī naā ta kum Nə́ɓā tə́. Ni-ɔr̄ majaĺ kə́ kemdə́ tə́ kɔ̄ɔ́ adə̄ kemdə́ *unjə̄ njáý njáý i kə ta kūl̄ taā ń nin̄-taān̄ kem ní.

MATIYE 12:35

De kə́ majə a teē kə yá̰á̰ kə́ majə gə̄ dan yá̰a̰ kənge yān kə́ majə gə̄ tə́ ō, de kə́ majaĺ a teē kə yá̰á̰ kə́ majaĺ gə̄ dan yá̰a̰ kənge yān kə́ majaĺ gə̄ tə́ ō.

MATIYE 5:8

Rɔ̄nel̄ i kə ngé gə̄ ń kemdə́ *unjə̄ njáý njáý ní, tɔdɔ̄ a a̰a̰n̄ Nə́ɓā.

1 JA̰A̰ 3:23

Ba yá̰á̰ ń ni-əda kə gō míndən ní n toó: I kadə̄ jə-taāī kem Ngōnən Jeju *Kərist ō, jə-táriī naā ō, tītə̄ ń ədań ní.

HEBƏRO 13:18

Ī ndɔ̄yī tām̄ yājí tə́, tɔdɔ̄ jə-ger̄ majə kadə̄ kemjí ɔjəjí yá̰á̰ kə́ majaĺ alé. Tām̄ jə-gḛy ngɔ̄m̄ háĺjí yā rāāń majə tū yá̰a̰ gə̄ tə́ malang ō.

HEBƏRO 9:14

mósə *Kərist ń adə̄ Nə́ɓā rɔ̄n nəkɔ́ kə́ kanjə̄ yá̰á̰ kə́ majaĺ tákə̄ kə ta kūl̄ *Ndíĺ kə́ Táĺ kə́ ndi ngándáńg ní a rāā yá̰á̰ kə́ majə ngá̰ý tɔȳ aĺ a? Ni a ɔr̄ kəla rāājī ń aw̄ yā tɔ̄l̄jí ní kemjí tə́ kɔ̄ɔ́ yā kadə̄ kemjí unjə̄ ō, kadə̄ jə-rāāī kəla yā Nə́ɓā kə́ ndi kə kumneé.

GALATƏ 5:6

Tām̄ yā ngé gə̄ ń ɓoon̄ naā kə *Kərist Jeju ní, kəja mɔtə aáā, *kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

NDŪ NAJƏ̄ 10:12

Ngán Israel gə̄, yá̰á̰ ń Kɔ́ɔ̄ɓē Nə́ɓā yāsí ndi a ngóō ta kadə̄ ī-rāāī ngɔlaā ní i rí? Ni a ngóō i kadə̄ ī-ɓōlíī ndílən ba úniī gō róbə yān gə̄ ō, ī-tárniī ō, ī-rāāī kəla yān kə ngarā̰ kemsí malang ō, kə rɔ̄sí malang ō.

SOPONI 3:7

M-ə́da rɔ̄ḿ najə̄, m-ə́da na: ngɔlaā ní ɓē a ɓōĺ gidəḿ, a ndigə tāā yāḿ gə̄. Adə̄ najə̄ gə̄ ń m-ə́lań ɓōĺ kemən tə́ ní, m-ā m̄-rāā yá̰a̰ gə̄ ń m-ə́dá ní aĺ ō, m-ā m̄-rāā yá̰a̰ kə ɓēé aĺ ō. I beé aĺ bátə́, tām̄ de kə́ kemeé gə̄ nāgə́n̄ láẃ rāān̄ yá̰á̰ kə́ majaĺ gə̄.

Makətūbə̄ ń Pol ndang adə̄ Rom gə̄ ní 12:9

Kadə̄ tár naā yāsí i kə gól̄ looó alé. Ā̰yī yá̰á̰ kə́ majaĺ kɔ̄ɔ́ kə nja ngárāá, ba ī-ɓooī naā kə yá̰á̰ kə́ majaá.

1 TIMOTE 1:18

Ngōnə̄ḿ Timote, yá̰a̰ gə̄ ń m-ə́daī kadə̄ ī-rāā ní, i kə gō najə̄ gə̄ ń Nə́ɓā əndā ta *ngé koō ta yān gə̄ tə́ adə̄ ədan̄ dɔí tə́ kété ní. Ādə̄ najə̄ gə̄ ngeé ń toō adīn̄ tɔ́gə kadə̄ ī-rɔ̄ɔń rɔ̄ɔ̄ kə́ majə ń ā ī-rāā yā ra ta tə́ ní.

1 JA̰A̰ 3:10

Yá̰á̰ ń a ɔr̄ dɔ nin̄-ngáń Nə́ɓā naā tə́ kə ngán *diabəl gēé ní n toó: Deē ń rāā yá̰á̰ kə́ gōtə́ aĺ ní, ni i yā Nə́ɓā aĺ ō, deē ń tár ngōkó̰o̰n aĺ ní, ni i yā Nə́ɓā aĺ ō.