1 TIMOTE 1:4 - Bible sar

⁴ kadə̄ ə́da de gə̄ kadə̄ əhɔn̄ gō súū kə́ kɔr̄ gə̄ aĺ ō, gō kɔr̄ gír kaa gə̄ kə́ ta ngóýdə́ gətóo gə̄ aĺ ō. Tɔdɔ̄ nge ń noō a teē ta róbə a adə̄ i nējə̄ naā najə̄ gə̄, ba a rāā kəla tām̄ yā yá̰á̰ ń Nə́ɓā núm̄ á ra i dɔ taā kem tə́ ní alé.

Bibəl ta Sar̄

⁴ kadə̄ ə́da de gə̄ kadə̄ əhɔn̄ gō súū kə́ kɔr̄ gə̄ aĺ ō, gō kɔr̄ gír kaa gə̄ kə́ ta ngóýdə́ gətóo gə̄ aĺ ō. Tɔdɔ̄ nge ń noō a teē ta róbə a adə̄ i nējə̄ naā najə̄ gə̄, ba a rāā kəla tām̄ yā yá̰á̰ ń Nə́ɓā núm̄ á ra i dɔ taā kem tə́ ní alé.

1 TIMOTE 1:4 Referans Kwoze

TITƏ 3:9

Banī ndəle gíŕ yá̰á̰ kə́ kanjə̄ kumən gə̄ ō, kɔr̄ gír kaa gə̄ ō, tṵ́ṵ̄ naā gə̄ ō, tɔ́tə̄ naā dɔ *ndū najə̄ tə́ ń i yá̰á̰ kə́ teē yá̰a̰ aĺ ō, i yá̰á̰ kə́ kanjə̄ kumən gə̄ ō ní, ī-lōō kəla taí danaá.

TITƏ 1:14

Ādə̄ nin̄-əhɔn̄ gō gotə najə̄ kə́ tūr̄ gidə kadə̄ majə gə̄ yā *Jipə gə̄ aĺ ō, əhɔn̄ gō yá̰a̰ gə̄ ń ngé tūr̄ gidədə́ kɔ̄ɔ́ ta najə̄ kə́ rɔ̄kum tə́ gə̄ ran̄ kə de gēé ta rāā ní aĺ ō.

1 TIMOTE 4:7

Banī ī-mbātə́ kɔr̄ súū kə́ to mbóo gə̄ ń i najə̄ kə́ kanjə̄ kumən gə̄ yā ɓə́ga dəyá̰ gə̄ ní. Ī-ndóō rāā yá̰a̰ kə gō ń Nə́ɓā ndigə ní.

2 TIMOTE 4:4

Nin̄ a unən̄ mbīdə́ kɔ̄ɔ́ ta najə̄ kə́ rɔ̄kum tə́, ba a tūrə̄n̄ rɔ̄də́ i kə̄ rɔ̄ súū kə́ kɔr̄ gə̄ tə́.

2 PIYER 1:16

Tɔdɔ̄ j-əndā tɔ́gə́jí i dɔ súū gə̄ kə́ de gə̄ ɔrə̄n̄ kə kum kedēé ngá̰ý tə́ n j-ɔjəńsí najə̄ reē kə́ kə tɔ́gɔ́ ngá̰ý yā Kɔ́ɔ̄ɓē yājí Jeju *Kərist ní alé, banī jḭḭ kɔ́ gə̄ j-a̰a̰n kə kumjí dan ń ni-ndə́leń ngá̰ý tə́ ní.

1 TIMOTE 6:20

Ɓɔ́ Timote, yá̰a̰ ɓɔ̄ɔ̄ ní, ī-ngɔ̄m̄ ādə̄ to kə taá. Ī-mbātə́ kɔr̄ najə̄ kə́ kanjə̄ kumən gə̄, tɔdɔ̄ najə̄ gə̄ ní mbātə́n̄ naā kə taā kemeé ō, ī-mbātə́ najə̄ kə́ kɔy kə̄ naā tə́ ń i yá̰a̰ ger̄ kə́ rɔ̄kum aĺ ní ō.

HEBƏRO 13:9

Ī-lōōī kadə̄ yá̰á̰ ndóō kə́ mbā kə́ gíŕdə́ i dáńg dáńg gə̄, rāān̄sí ādī ndúmī ta róbə. Kadə̄ kem majə kə́ Nə́ɓā rāā sejí n adə̄jí tɔ́gə ní, i yá̰á̰ kə́ majə, tɔȳ kadə̄ i *ndū najə̄ gə̄ dɔ yá̰a̰ kəsa tə́. Ngé gə̄ ń unən̄ gō ndū najə̄ kə́ dɔ yá̰a̰ kəsa gə̄ tə́ ní əngen̄ yá̰á̰ kógə̄ḿ gírí alé.

2 TIMOTE 2:14

Ɔ́jə́də́ yá̰a̰ gə̄ ń toō adə̄ əga kemdə́ dɔ tə́. Ī-rāādə́ ɓɔ́ ta kum Nə́ɓā tə́ kadə̄ lōōn̄ tṵ́ṵ̄ naā tām̄ yā kum najə̄ gə̄ tə́. Tɔdɔ̄ nge ń noō a teē yá̰a̰ alé, ba a nujə i ngé gə̄ ń oōn̄ ní ngóy.

2 TIMOTE 2:22

Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ *unjə̄ njáý njáý ní.

1 TIMOTE 6:11

Ba ḭ̄ ń i deē yā Nə́ɓā ní, ā̰ȳ kɔ̄ɔ́ ta yá̰a̰ gə̄ ń noō tə́. Ba ī-sāā yá̰a̰ rāā kə́ gōtə́ ō, yá̰a̰ rāā kə́ kə gō ń Nə́ɓā ndigə ní ō, taā kem ō, tár ō, kəhɔ rɔ̄ tɔ́gə ō, háĺ kə́ sɔl̄ lɔm ō.

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, *Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, *de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

TITƏ 1:1

I mā Pol n m-ə́la kə makətūbūú mādə̄sí ní. Mā i nge kəla yā Nə́ɓā ō, ngōmbang kəla yā Jeju *Kərist ō. Əndān̄ dɔḿ tə́ kadə̄ m-ɔ́jə́ ngé gə̄ ń Nə́ɓā gə̄rādə́ ní najə̄ kadə̄ taān̄ kem ō, kadə̄ m-ə́dádə́ najə̄ kə́ rɔ̄kum kə́ əhɔn̄ naā kə yá̰a̰ rāā kə́ kə gō ń Nə́ɓā ndigə ní kadə̄ gerə̄n̄ ō.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ *unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

EPEJƏ 3:2

Kun ń Nə́ɓā unəm̄ rāań kəla tām̄ yāsí tə́ kə gō kem majə yānneé ní, sḭḭ̄ ōōī gotə.

2 TIMOTE 2:23

Ba ə́ya̰ nējə̄ naā najə̄ kə́ kanjə̄ kumən gə̄ ō, kə́ to mbóo gə̄ ō kɔ̄ɔ́, tɔdɔ̄ ī-ger̄ kadə̄ a ojə i kɔ̄l̄ naā.