1 SAMUEL 7:9 - Bible sar

⁹ Samuel əhɔ ngōn̄ batə̄ kə́ ta mba tə́ tɔ̄l̄ ba róō horoó adə̄ Kɔ́ɔ̄ɓē. Gō tə́ anī no kə̄ dɔ Kɔ́ɔ̄ɓē tə́ tām̄ yā *Israel gə̄ tə́. Anī Kɔ́ɔ̄ɓē adə̄n yá̰á̰ ń dəjen ní.

Bibəl ta Sar̄

⁹ Samuel əhɔ ngōn̄ batə̄ kə́ ta mba tə́ tɔ̄l̄ ba róō horoó adə̄ Kɔ́ɔ̄ɓē. Gō tə́ anī no kə̄ dɔ Kɔ́ɔ̄ɓē tə́ tām̄ yā Israel gə̄ tə́. Anī Kɔ́ɔ̄ɓē adə̄n yá̰á̰ ń dəjen ní.

1 SAMUEL 7:9 Referans Kwoze

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

PĀ GƏ̄ 99:6

Moijə nin̄ kə *Aaro̰ i dan *ngé tun̄ yá̰a̰ yān gə̄ tə́, ba ɓāŕnən̄. Samuel i dan ngé rāān ɓɔ́ kadə̄ kə rāā sedə́ gə̄ tə́, ba ɓārə́n. Nin̄ ɓārə́n̄ Kɔ́ɔ̄ɓē, anī ni ndigədə́.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

1 SAMUEL 7:17

Pá tá a tél a aw̄ gogə́ ɓēé Rama ɓáý. Tɔdɔ̄ kújə yān i noó ō, a gān̄g sarya yā *Israel gə̄ i noó ō, rāā loo tun̄ yá̰a̰ yā Kɔ́ɔ̄ɓē i noó ō.

JAKƏ 5:16

Ədaī naā gír majaĺ yāsí gə̄ ō, ī-ndɔ̄yī tām̄ yā naā tə́ ō, yā kadə̄ rɔ̄sí ngáań. Ndɔ̄ȳ yā de kə́ gōtə́ ní tɔ́gən i ngá̰ý ō, a rāā kəla ō.

1 SAMUEL 16:2

Samuel əda na: M-ā m-āw̄ i ba̰ý? Ré Saul oō anī a tɔ̄lə̄m̄. Kɔ́ɔ̄ɓē əda Samuel na: Ā ə́hɔ mandə man̄g jīí tə́, ba ā ə́da na ī-reē na i tun̄ yá̰á̰ yā kadə̄ Kɔ́ɔ̄ɓē.

1 SAMUEL 10:8

Āw̄ Gilgal kété. Ba m-ā m-āw̄ gōí tə́ yā kaw̄ ndējə̄ Nə́ɓā *yá̰a̰ tun̄ kə́ róō horoó kə taá malang ō, *yá̰a̰ tun̄ kə́ tām̄ yā kem kógə̄ḿ tə́ ō. Ā ī-ngóōm̄ ndɔ̄ sīrí. Ré m-ūgə̄ anī m-ā m-ə́daī yá̰á̰ ń kadə̄ ī-rāā ní.

1 SAMUEL 9:12

Anī ngámandə gə̄ ní tél ədan̄də́ na: A̰á̰ā̰, ugə̄ i ngɔr ɓáý. Reē kem ɓē yājí tə́ ɓōólaā. Tɔdɔ̄ ɓōólaā i ndɔ̄ ń de kə́ kem ɓēé gə̄ a tunə̄n̄neé yá̰a̰ dɔ loo kə́ kḭḭ kə̄ dɔɔ́ tə́ ní, adə̄ āwī láẃ.

NGÉ SARYA 6:28

Dan ń de kə́ kem ɓēé gə̄ teēn̄ dəloí á a̰a̰n̄ kadə̄ *loo tun̄ yá̰a̰ kadə̄ ɓesə̄ Baal i kə́ nujə kɔ̄ɔ́ ō, kāgə̄ ɓesə̄ kə́ yā ɓōĺ gidə kə́ kudə kadə tə́ i kə́ tə́gā kɔ̄ɔ́ ō, man̄g kə́ bəra kə́ nge ko̰ jōó i kə́ tɔ̄l̄ ba róō horoó dɔ *loo tun̄ yá̰á̰ kə́ rāā ngɔr ɓáý tə́ ō,

NGÉ SARYA 6:26

Kə rāā loo kə́ yā tunə̄ń yá̰a̰ kadə̄ Kɔ́ɔ̄ɓē Nə́ɓā yān kə gōó kadə̄ majə ta tél mbal̄ tə́ dɔɔ́ ō, kə əhɔ man̄g kə́ bəra ní kə tɔ̄l̄ ba kə róō horoó adə̄ Nə́ɓā kə kāgə̄ ɓesə̄ kə́ yā ɓōĺ gidə ń ni tə́gā ní ō.

LEBI GƏ̄ 22:27

Ngōn̄ man̄g, aké ngōn̄ batə̄, aké ngōn̄ bə̄yā̰ kə́ kojə kijə a rāā ndɔ̄ sīrí gíŕ kó̰ó̰ tə́, ba əla gír dɔ ndɔ̄ kə́ nge ko̰ sɔ́sɔ́ tə́ ní, ré deē róō horoó adə̄ Kɔ́ɔ̄ɓē anī, Kɔ́ɔ̄ɓē a ndigə.

NDŪ NAJƏ̄ 9:26

m̄-rāān ɓɔ́ m-ə́da na: Kɔ́ɔ̄ɓē Nə́ɓā, ī-lōō nujə kə gír deē yāí gə̄ ń ī-gān̄g dɔdə́ loo de kə́ bo tə́ ō, ī-teē sedə́ kɔ̄ɔ́ Ejiptə kə tɔ́gí kə́ ngá̰ý ō ní.

1 SAMUEL 2:35

Gō tə́ anī m-ā m̄-gə̄rā nge tun̄ yá̰á̰ kə́ sew kə́ ni a rāā i yá̰á̰ ń kemḿ ndigə ní ō, yá̰á̰ ń ɓōn i kemḿ tə́ ní ō. M-ā m̄-rāā kadə̄ gír kɔjə yān a ndi kem kəla tun̄ yá̰á̰ tə́ ndi kə́ dan gān̄g aĺ. Ni a njə̄rā i ta kum mban̄g yāḿ ń urən̄ yibə̄ dɔn tə́ ní ngándáńg.

1 SAMUEL 12:17

I dan yā kəja gémē gə̄ n toó aĺ a? Ba m-ā m̄-dəje Kɔ́ɔ̄ɓē adə̄ rāā kadə̄ man̄ ndang ō, edə ō. Loo ń noō tə́ kumsí a teē adə̄ ā ī-gerī kadə̄ majaĺ ń ī-rāāī kə Kɔ́ɔ̄ɓēé á ī-dəjen mban̄g ní i majaĺ kə́ bo ngá̰ý.