1 SAMUEL 3:1 - Bible sar

¹ Ba Samuel ń i ngōn̄ ní, a rāā kəla yā Kɔ́ɔ̄ɓē i ta kum Eli tə́. Dan ngeé ń noō tə́ ní Kɔ́ɔ̄ɓē a ɔr̄ najə̄ kə deé i láẃ láẃ aĺ ō, a rāā kadə̄ deē a̰a̰ yá̰a̰ i láẃ láẃ aĺ ō.

Bibəl ta Sar̄

¹ Ba Samuel ń i ngōn̄ ní, a rāā kəla yā Kɔ́ɔ̄ɓē i ta kum Eli tə́. Dan ngeé ń noō tə́ ní Kɔ́ɔ̄ɓē a ɔr̄ najə̄ kə deé i láẃ láẃ aĺ ō, a rāā kadə̄ deē a̰a̰ yá̰a̰ i láẃ láẃ aĺ ō.

1 SAMUEL 3:1 Referans Kwoze

PĀ GƏ̄ 74:9

Yá̰a̰ gə̄ ń ɔjən̄ kə̄ ndágá kadə̄ ḭ̄ i danjí tə́ ní, j-a̰a̰də́ ngɔlaā aĺ ō. Ngé koō ta gə̄ gətóon̄ ngɔlaā ō. De kə́ danjí tə́ kə́ ger̄ ndɔ̄ ń gír yá̰a̰ gə̄ ń noō malang a gāngə̄n̄neé ní gətóo ō.

1 SAMUEL 3:21

Kɔ́ɔ̄ɓē na̰y kə̄ loo rāā tə́ kadə̄ Samuel a̰a̰n *Silo. Tɔdɔ̄ Kɔ́ɔ̄ɓē ɔr̄ najə̄ seneé *Silo, ba najə̄ ní rāā adə̄ kumən teē dɔ Kɔ́ɔ̄ɓē tə́.

1 SAMUEL 2:11

Gō tə́ anī Elkana tél aw̄ gogə́ ɓē yān kə́ Rama tə́. Ba ngōn̄ tá na̰y gogə́ *Silo yā rāā kəla yā Kɔ́ɔ̄ɓē ta kum Eli nge tun̄ yá̰á̰ tə́.

1 SAMUEL 2:18

Ba Samuel ń ni i ngōn̄ ní a rāā kəla i ta kum Kɔ́ɔ̄ɓē tə́. Kūbə̄ kə́ gírən tə́ i epod *lḛ́ḛ.

IJAI 13:12

M-ā m̄-rāā kadə̄ loo kənge deē ndul i yá̰á̰ kə́ tōr̄ tɔȳ loo kənge lɔ́ŕ kə́ *unjə̄ njáý njáý, tɔȳ loo kənge lɔ́ŕ kə́ Opir.

1 SAMUEL 3:15

Samuel to nang tə́ bátə́ loo tīī. Gō tə́ anī ḭḭ aw̄ teē ta *kújə yā Kɔ́ɔ̄ɓē. Ni ɓōĺ kaw̄ kɔjə Eli gotə yá̰á̰ ń a̰ā̰ ní.

1 SAMUEL 2:35

Gō tə́ anī m-ā m̄-gə̄rā nge tun̄ yá̰á̰ kə́ sew kə́ ni a rāā i yá̰á̰ ń kemḿ ndigə ní ō, yá̰á̰ ń ɓōn i kemḿ tə́ ní ō. M-ā m̄-rāā kadə̄ gír kɔjə yān a ndi kem kəla tun̄ yá̰á̰ tə́ ndi kə́ dan gān̄g aĺ. Ni a njə̄rā i ta kum mban̄g yāḿ ń urən̄ yibə̄ dɔn tə́ ní ngándáńg.

1 SAMUEL 2:36

Ba de kə́ gír kojə yāí tə́ ń a na̰y ní a aw̄ yā kəsō kə̄ nang tə́ no nge tun̄ yá̰á̰ ní tə́ najə̄ yā súū kə́ kum mbutə tə́ ō, yá̰a̰ kəsa tə́ ō, ba a əda na: m̄-rāāī ɓɔ́, ə̄ndām̄ tū kəla kógə̄ḿ yā *ngé tun̄ yá̰a̰ gə̄ tə́, ādə̄ m-ə́ngeń yá̰a̰ kəsa kə́ taḿ tə́.

Gōsə̄ najə̄ gə̄ 29:18

Dan ń Nə́ɓā teē kum ngé ka̰a̰ yá̰a̰ gə̄ dɔ yá̰á̰ tə́ to̰ aĺ anī de gə̄ a rāān̄ i yá̰á̰ ń kemdə́ ndigə ní kanjə̄ kəhɔ rɔ̄də́ dɔ tə́, banī deē ń rāā yá̰á̰ ń *ndū najə̄ əda ní rɔ̄n nelə̄n!

EJEKIEL 7:26

Yá̰á̰ kə́ to kum kaȳ aĺ gə̄ a reēn̄ i kə gō naá. Najə̄ kə́ majaĺ gə̄ kə́ kənī mbī naā tə́ dan a gān̄g alé. De gə̄ a dəjen̄ *nge koō ta kadə̄ a̰a̰ yá̰á̰ kógə̄ḿ kə ədadə́ ō, *nge tun̄ yá̰a̰ a ndóō de gə̄ yá̰a̰ to̰ aĺ ō, *kum kɔɔ̄ gə̄ a adə̄n̄ de gə̄ kɔjə̄ to̰ aĺ ō.