1 SAMUEL 2:5 - Bible sar

⁵ Ngé gə̄ ń kété nin̄ i ngé ndān̄ gə̄ ní, ngɔlaā a rāān̄ i kəla yā madə̄də́ gə̄ yā kəngeń yá̰a̰ kəsa, ba ngé gə̄ ń kété nin̄ i ngé ɓō gə̄ ní, ngɔlaā rāān̄ kəla to̰ alé. Dəyá̰ kə́ kujə gə̄gē ojə ngán gə̄ nja sīrí, ba rɔ̄ kó̰ó̰ ngáń kósə ndəlē kɔ̄ɔ́.

Bibəl ta Sar̄

⁵ Ngé gə̄ ń kété nin̄ i ngé ndān̄ gə̄ ní, ngɔlaā a rāān̄ i kəla yā madə̄də́ gə̄ yā kəngeń yá̰a̰ kəsa, ba ngé gə̄ ń kété nin̄ i ngé ɓō gə̄ ní, ngɔlaā rāān̄ kəla to̰ alé. Dəyá̰ kə́ kujə gə̄gē ojə ngán gə̄ nja sīrí, ba rɔ̄ kó̰ó̰ ngáń kósə ndəlē kɔ̄ɔ́.

1 SAMUEL 2:5 Referans Kwoze

Najə̄ kə́ Majə yā Jeju ń Luk ndang ní 1:53

Ngé gə̄ ń ɓō rāādə́ ní, ni-adə̄də́ yá̰a̰ kəsa kə́ majə gə̄ ādə̄ əsa ndānə̄n̄, ba tə̄ɓā ngé kənge yá̰a̰ gə̄ ādə̄ ɔtə aw̄n̄ jīdə́ karī.

PĀ GƏ̄ 113:9

Ni-əndā dəyá̰ kə́ kujə kújə ngaawaá, ba rāān adə̄ téĺ kó̰ó̰ ngán gə̄ kə́ rɔ̄n nelə̄n. *Aleluya!

JEREMI 15:9

Nge ń ojə ngán gə̄ i sīrí ní tɔ́gən teē kɔ̄ɔ́. Ni-taā koō yon. Mbang udə kɔ̄ɔ́ dɔn tə́ dan ń loo i dan kadə ndaá ɓáý ní. Rɔ̄n sɔlən ngá̰ý adə̄ ger̄ yá̰á̰ kə́ yā rāā alé. Ngé gə̄ ń na̰yn̄ ní, m-ā m-ə́yadə́ kadə̄ oyn̄ yo kaskar kem jī madə̄ ba̰ā̰də́ gə̄ tə́. Najə̄ ń Kɔ́ɔ̄ɓē əda ní n noó.

PĀ GƏ̄ 34:10

Sḭḭ̄ ń Kɔ́ɔ̄ɓē ɔr̄ kam̄sí tayā tām̄ yān tə́ ní, ī-ɓōlíī ndílən! Tɔdɔ̄ ngé gə̄ ń ɓōlə́n̄ ndílən ní a nalə̄n̄ yá̰á̰ kógə̄ḿ alé.

Najə̄ kə́ Majə yā Jeju ń Luk ndang ní 16:25

Anī Abəraham tél ədan na: Ngōnə̄ḿ, ādə̄ əga kemií na, dan ń ḭ̄ ī-ndi dɔ nang tə́ ɓáý ní, ḭ̄ ə́ngé yá̰á̰ kə́ majə yāí gə̄ ō, Lajar ní ənge i yá̰á̰ kə́ majaĺ gə̄ ō. Ngɔlaā ní ni-ənge kem sɔl̄ banī yāí i kadə̄ ə́ngé yá̰á̰ kə́ tōr̄.

IJAI 54:1

Jerusalem, ḭ̄ ń kété ə́nge ngōn̄ aĺ ní, ī-rāā rɔ̄nel̄! Ḭ̄ ń kété ī-ger̄ rɔ̄tōr̄ yā kojə ngōn̄ aĺ ní, úr kɔĺ rɔ̄nel̄ ō, ādə̄ rɔ̄í nelī ō. Kɔ́ɔ̄ɓē ədaī na: Ḭ̄ dəyá̰ ń əya̰īn̄ kɔ̄ɔ́ ní, ngɔlaā ngání gə̄ i ngá̰ý tɔȳ yā dəyá̰ ń ngaan i noó ní.

1 SAMUEL 1:6

Banī Penina a əda Ana i najə̄ kə́ tōr tōr̄ gə̄ dejə a əlań rɔ̄sɔl̄ dɔn tə́ tām̄ ngōn̄ ń Kɔ́ɔ̄ɓē adə̄n aĺ ní tə́.

1 SAMUEL 1:20

adə̄ Ana ndān̄ ngōn̄. Dan ń ndɔ̄ kojə yān asə anī ojə ngōn̄ kə́ dəngam, ba əndā rīn na i Samuel, tɔdɔ̄ ni-əda na n-gəden na i jī Kɔ́ɔ̄ɓē tə́.

GALATƏ 4:27

Tɔdɔ̄ ndangən̄ kem makətūbə̄ yā Nə́ɓā tə́ na: Dəyá̰ kə́ kujə, ḭ̄ ń ójə ngōn̄ aĺ ní, ī-rāā rɔ̄nel̄. Ḭ̄ ń ī-ger̄ tápə̄ yā kojə ngōn̄ aĺ ní, ə́la ndīĺ rɔ̄nel̄. Tɔdɔ̄ ngán kem dəyá̰ kə́ kəya̰ kɔ̄ɔ́ i ngá̰ý tɔȳ ngán kem dəyá̰ kə́ ndi jī ngaan tə́.

RUTƏ 4:15

Ngōn̄ kaaí ní a rāā kadə̄ dɔí a ḭḭ dɔɔ́ wáńg wáńg ō, a ngɔ̄m̄ ɓə́gáí ō. Umií kə́ dəyá̰ i só tə́ tɔȳ ngání kə́ dəngam gə̄ sīrí. Tɔdɔ̄ ni tariī ō, ojə ngōn̄ kaaí ń toō adī ō.

IJAI 33:9

Ɓē əhɔ ndoō ō, tutə kɔ̄ɔ́ ō. Mbal̄ bo gə̄ kə́ Liban ń əlan̄ rɔ̄sɔl̄ dɔdə́ tə́ ngá̰ý ní, tutən̄ malang kɔ̄ɔ́. Ndágə mbō kə́ Saro̰ tə́ to i tītə̄ dəla loo beé. Kāgə̄ gə̄ gətóon̄ kɔ̄ɔ́ dɔ mbal̄ gə̄ kə́ Basan tə́ ō, dɔ mbal̄ gə̄ kə́ Karmel tə́ ō.