1 PIYER 4:4 - Bible sar

⁴ Ba ngɔlaā ní ɔr kum de kə́ ndágá gə̄ sesí ngá̰ý, tām̄ sḭḭ̄ ī-rāāī háĺ kə́ majaĺ kə́ tītə̄ ń noō gə̄ sedə́ to̰ alé, adə̄ nin̄-tájə̄n̄sí.

Bibəl ta Sar̄

⁴ Ba ngɔlaā ní ɔr kum de kə́ ndágá gə̄ sesí ngá̰ý, tām̄ sḭḭ̄ ī-rāāī háĺ kə́ majaĺ kə́ tītə̄ ń noō gə̄ sedə́ to̰ alé, adə̄ nin̄-tájə̄n̄sí.

1 PIYER 4:4 Referans Kwoze

1 PIYER 3:16

Banī ə̄nīī rɔ̄sí lɔm ɔ́jiīneédə́ gír ō, ī-ɓōlíī ndíĺdə́ ō. Ādī najə̄ gətóo dɔsí tə́, yā kadə̄ ré tetən̄ najə̄ dɔsí tə́ anī, ngé tə́da najə̄ kə́ majaĺ dɔ háĺ kə́ majə ń sḭḭ̄ ə́ngeī kə ta kūl̄ ɓoo naā yāsí kə Kərist ní, rɔ̄də́ sɔl̄də́ tām̄ najə̄ kɔr̄də́ tə́.

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

KƏLA RĀĀ 18:6

Banī *Jipə gə̄ mbātə́n̄ najə̄ yān ō, tájə̄nən̄ ō. Loo ń noō tə́ Pol *yéȳ kūbə̄ yān yakə yakə ba ədadə́ na: Ādə̄ mósə́sí tél əsō dɔsí sḭḭ̄ kɔ́ gə̄ tə́! Najə̄n i dɔḿ tə́ alé. Əla gír ngɔr ń toō tə́ ní m-ā m-āw̄ kə̄ rɔ̄ ngé gə̄ ń nin̄ i *Jipə aĺ gə̄ ní tə́.

Makətūbə̄ ń Jud ndang ní 1:10

De gə̄ ngeé ń toō ní, yá̰á̰ ń nin̄-gerə̄n̄ aĺ ɓáa tájə̄n̄ yá̰á̰ ní, ba yá̰á̰ ń nin̄-gerə̄n̄ láẃ ngá̰ý tītə̄ dā̰ kə́ bembeé gə̄ beé kanjə̄ gír̄ yá̰á̰ dɔ tə́ ní, i yá̰á̰ kə́ a tḭ̄ḭ̄ i tadə́.

KƏLA RĀĀ 13:45

Dan ń *Jipə gə̄ a̰a̰n̄ kadə̄ de gə̄ ní i ngá̰ý anī, nii asədə́ nák adə̄ nin̄ a tɔ́sə̄n̄ i najə̄ yā Pol kə̄ ndágá ō, a tájə̄nən̄ i mbée ō.

2 PIYER 2:22

Yá̰á̰ ń rāādə́ ní ɔjə kadə̄ gōsə̄ najə̄ əda i yá̰á̰ kə́ rɔ̄kum, əda na: Bísə́ tél kə̄ ta tōmbən tə́ gogə́ əsa ō, kó̰o̰ bor̄ ń ndogə̄nən̄ man̄ ní, tél aw̄ ɓɔ́ɓə̄lɔ̄ rɔ̄n gogə́ bɔrɔɔ́ ō.

2 PIYER 2:12

Banī ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō a rāān̄ yá̰a̰ i kanjə̄ gír̄ yá̰a̰, tītə̄ yā dā̰ kə́ bembeé gə̄ ń ojən̄də́ i kə rī kəhɔ tɔ̄l̄də́ ní beē. Nin̄-tájə̄n̄ yá̰á̰ ń nin̄-gerə̄n̄ aĺ ní. Nin̄ a oyn̄ i yo kə́ tītə̄ yā dā̰ kə́ bembeé gə̄ beé.

Makətūbə̄ ń Pol ndang adə̄ Rom gə̄ ní 13:13

Ādə̄ háĺjí i háĺ kə́ unjə̄ yā ngé njə̄rā dan kadaá gə̄: Jə-lōōī kəsa wa ō, ka̰ȳ kasə ngá̰ý ō, sāā naā loo kaya tə́ ō, jə-lōōī kɔ̄l̄ naā ō, kəndā naā nii ō.

Najə̄ kə́ Majə yā Jeju ń Luk ndang ní 15:13

Ba gō tə́ ndɔ̄ ngá̰ý aĺ ɓá anī, nge kə́ dūú ní kán̄ yá̰a̰ yān malang, ba aw̄ gō nang kógə̄ḿ kə́ sa̰y ngá̰ý tə́, aw̄ nujəń kɔ̄ɔ́ loo rāā kaya tə́.

EPEJƏ 5:18

Ī-lōōī kadə̄ kasə rāāsí, tām̄ nge ń noō i ta róbə rāā yá̰á̰ kə́ gō tə́ aĺ gə̄. Ba ādī *Ndíĺ kə́ Táĺ rosə kemsí.

MATIYE 23:25

Sḭḭ̄ ngé ndóō de gə̄ ndū najə̄ gə̄ ō, *Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ī-tə́goī gidə kópə ka̰ȳ yá̰a̰ ō, gidə səmbē kə́ laa ō, banī kemdə́ rosə kə yá̰a̰ gə̄ ń ə́ngeī loo ɓogə tə́ ní ō, kə yá̰a̰ gə̄ ń ə́ngeī sɔɔ̄ń ngur kə́ majaĺ gə̄ kə́ kemsí tə́ ní ō.