1 PIYER 4:1 - Bible sar

¹ Dan ń rɔ̄ *Kərist tōrə̄n ní, majə kadə̄ i gír̄ kə́ kógə̄ḿ beē nəkɔ́ ń toō n sḭḭ̄ āwīneé dɔsí tə́ yā rań ta yá̰á̰ kə́ tōr̄ gə̄ tə́ ní ō. Tɔdɔ̄ deē ń a̰a̰ tápə̄ kem dā̰ rɔ̄n tə́ ní, nin̄-əya̰n̄ naā kə majaĺ kɔ̄ɔ́.

Bibəl ta Sar̄

¹ Dan ń rɔ̄ Kərist tōrə̄n ní, majə kadə̄ i gír̄ kə́ kógə̄ḿ beē nəkɔ́ ń toō n sḭḭ̄ āwīneé dɔsí tə́ yā rań ta yá̰á̰ kə́ tōr̄ gə̄ tə́ ní ō. Tɔdɔ̄ deē ń a̰a̰ tápə̄ kem dā̰ rɔ̄n tə́ ní, nin̄-əya̰n̄ naā kə majaĺ kɔ̄ɔ́.

1 PIYER 4:1 Referans Kwoze

GALATƏ 5:24

De gə̄ ń nin̄ i yā *Kərist ní, əndan̄ rɔ̄də́ kə máyá̰ tū kāgə̄ kə́ dēsə́ tə́, adə̄ nin̄-oyn̄ naā tə́ kə ngur yá̰a̰ gə̄ kə́ kemdə́ tə́.

1 PIYER 3:18

Tām̄ *Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

Makətūbə̄ ń Pol ndang adə̄ Rom gə̄ ní 6:11

I beé ní, sḭḭ̄ á̰a̰ī rɔ̄sí de kə́ koy kɔ̄ɔ́ gə̄ tə́ tām̄ yā yá̰á̰ kə́ majaĺ tə́, ba á̰a̰ī rɔ̄sí de kə́ ndi kə kumuú gə̄ tə́ tām̄ yā Nə́ɓā tə́ kə gō ɓoo naā yāsí kə́ kə Jeju *Kərist.

GALATƏ 2:20

m̄-ndi kə kumḿ ɓá tā ba i mā alé, i *Kərist n ndi kə kumneé kemḿ tə́ ní. Tɔdɔ̄ ndiḿ kə́ deē ndul tə́ kə́ ngɔr ń toō tə́ ní, m-ndi i kə ta kūl̄ taā kə́ m̄-taā kem Ngōn̄ Nə́ɓā kə́ tárəm̄, tɔdɔ̄ ni-adə̄ rɔ̄n kum gotəḿ.

Makətūbə̄ ń Pol ndang adə̄ Rom gə̄ ní 6:7

Tɔdɔ̄ deē ń oy ní, ni-teē ɓəlo rāā yá̰á̰ kə́ majaĺ tə́ kɔ̄ɔ́.

EPEJƏ 6:13

Tām̄ najə̄ ń noō tə́ ní, ə́laī yá̰a̰ rɔ̄ɔ̄ yā Nə́ɓā rɔ̄sí tə́, yā kadə̄ ndɔ̄ kə́ majaĺ tə́ anī ī-raīń ngan̄g ō, ī-raī dɔɔ́ ō, dan ń ī-tetiī rɔ̄ɔ̄ gə̄ malang ní.

IJAI 1:16

Ī-tə́goī rɔ̄sí, ī-rāāī rɔ̄sí ādī *unjə̄ njáý njáý. Yá̰á̰ rāāsí kə́ majaĺ gə̄ ní, āwīiń sa̰y kɔ̄ɔ́ ta kumḿ tə́. Ādī asəsí rāā yá̰á̰ kə́ majaĺ.

PILIPƏ 2:5

Ādī háĺsí i háĺ Jeju *Kərist.

Makətūbə̄ ń Pol ndang adə̄ Rom gə̄ ní 6:2

I tītə̄ ń noō alé. Tɔdɔ̄ dan ń jḭḭ̄ i kə́ koy kɔ̄ɔ́ gə̄ ta yá̰a̰ rāā kə́ majaĺ tə́ ní, loo kadə̄ jə-ndiī dan rāā majaĺ tə́ ɓáý to̰ i ba̰ý?

HEBƏRO 12:3

Ādə̄ sḭḭ̄ ī-gírī dɔ Jeju tə́. Ni-tə́gā tan tū yá̰a̰ malang ń de kə́ ngé rāā yá̰a̰ majaĺ gə̄ rāān̄ seneé tə́ ní. Adə̄ ī-lōōī kadə̄ tɔ́gə́sí ur̄ wak sɔɔ̄ń kemsí kə́ ɔr.

HEBƏRO 4:10

Tɔdɔ̄ deē ń udə tū kɔr̄ koō ń Nə́ɓā əndā dɔ danaá tə́ ní, kɔ́ɔ̄ ɔr̄ koō kəla yān tītə̄ ń Nə́ɓā ɔrə̄ń koō kəla yān ní ō.

EJEKIEL 16:41

a tə́lan̄ hor dɔ kújə yāí gə̄ tə́ ō. Sarya ń i kə́ gān̄g dɔí tə́ ní, nin̄ a unən̄ yā rāań yá̰a̰ seí i tītə̄ ń noō ta kum kósə dəyá̰ madí kə́ ngá̰ý gə̄ tə́. M-ā m̄-gān̄g ta ndɔ̄ ájə́ba yāí kɔ̄ɔ́ ō, ā ásə kəgā ngé sāāí gə̄ to̰ aĺ ō.

1 PIYER 2:21

Tɔdɔ̄ yá̰á̰ kə́ tōr̄ rāā *Kərist tām̄ yāsí tə́. Ni-ɔjəsí i yá̰á̰ kə́ kadə̄ ī-ndájī, kadə̄ úniī gō tóon.

NDŪ NAJƏ̄ 27:10

Beé ní, ā ōōī ndū Kɔ́ɔ̄ɓē Nə́ɓā yāsí. Adə̄ ā ī-rāāī yá̰a̰ gə̄ ń ədasí ní ō, yá̰a̰ gə̄ ń gō míndə yān gə̄ ədan̄sí ní ō, tītə̄ ń m-ə́dańsí ɓōólaā ní.

MARK 3:3

Ba Jeju əda de kə́ jīn tutə ní kə ḭḭ kə ra dɔɔ́ ta kum de gə̄ tə́ malang.