1 PIYER 3:4 - Bible sar

⁴ Ba ādī majə yāsí i majə kə́ ngarān̄g kemsí tə́. Ādī i majə kə́ a nujə aĺ bátə́ ń i majə yā háĺ kə́ sɔl̄ lɔ́ḿ lɔ́ḿ ō, yā ndíl de kə́ ndi jəke ō ní tá. I majə ń noō n i majə kə́ gātə̄n i ngá̰ý ta kum Nə́ɓā tə́ ní.

Bibəl ta Sar̄

⁴ Ba ādī majə yāsí i majə kə́ ngarān̄g kemsí tə́. Ādī i majə kə́ a nujə aĺ bátə́ ń i majə yā háĺ kə́ sɔl̄ lɔ́ḿ lɔ́ḿ ō, yā ndíl de kə́ ndi jəke ō ní tá. I majə ń noō n i majə kə́ gātə̄n i ngá̰ý ta kum Nə́ɓā tə́ ní.

1 PIYER 3:4 Referans Kwoze

KOLOSƏ 3:12

Sḭḭ̄ ń Nə́ɓā gə̄rāsí ō, sḭḭ̄ ń i deē yān gə̄ ō, ni-táŕsí ō ní, úniī kum ko̰o̰ kə́ tām̄ yā madə̄sí gə̄ tə́ ō, rāā majə ō, kɔjə rɔ̄ aĺ ō, sɔl̄ dɔ ō, tə́gā ta ō, ə́laī rɔ̄sí tə́ tītə̄ kūbə̄ beé.

1 SAMUEL 16:7

Banī Kɔ́ɔ̄ɓē əda Samuel na: Ī-lōō ka̰a̰ gidən kə́ ndágá kə́ majə ō, ka̰a̰ ngālən kə́ ngá̰ý ō. Tɔdɔ̄ m̄-gērān alé. Najə̄ ń toō i najə̄ ka̰a̰ yá̰á̰ ń kə́ deē ndul tə́ alé. De gə̄ a a̰a̰n̄ i gidə deē ndágá banī Kɔ́ɔ̄ɓē a a̰a̰ i kem deē.

Makətūbə̄ ń Pol ndang adə̄ Rom gə̄ ní 2:29

Banī i yá̰á̰ kə́ to loo mundə̄ tə́ n rāā adə̄ deē i *Jipə ní ō, i kəja mɔtə kə́ dan wur tə́ n i *kəja mɔtə ní ō. Kəja mɔtə ngeé ń toō ní i yā Ndíl banī i yā *ndū najə̄ alé. De kə́ beé ní i Nə́ɓā n i nge tɔ̄yn banī i deē ndul alé.

MATIYE 11:29

Úniī njúkə yāḿ ə̄nīī kɔ́ɔ́sí tə́ ba ī-téliī ngé ndóō yá̰a̰ yāḿ gə̄. Tɔdɔ̄ mā i de kə́ sɔl̄ lɔ́ḿ ō, m-ɔ́jə rɔ̄ḿ aĺ ō, loo ń noō tə́ ā ɔ̄rī koō.

TITƏ 3:2

tájə̄nəń deē aĺ ō, rɔ̄ɔ̄nəń deē aĺ ō, kadə̄ nin̄ i ngé mā̰ȳ rɔ̄də́ láẃ ngá̰ý dɔ yá̰a̰ rāā kə́ gō tə́ aĺ yā deē tə́ ō, kadə̄ ɔjənə̄ń háĺ kə́ sɔl̄ lɔ́ḿ lɔ́ḿ yādə́ kə̄ no de gə̄ malang tə́ ō.

MATIYE 23:26

Ḭ̄ *Parijiyḛ kə́ nge kum tɔ̄ɔ̄ ń toō, ī-tə́go kem kópə ka̰ȳ yá̰á̰ ō, kem səmbē kə́ laa ō, kété pá tá gō tə́ anī ādə̄ gidədə́ *unjə̄ njáý njáý ō.

Makətūbə̄ ń Pol ndang adə̄ Rom gə̄ ní 7:22

*Ndū najə̄ yā Nə́ɓā nel̄ kemḿ ngá̰ý,

2 KORḚNTƏ 4:16

I tām̄ najə̄ ń noō tə́ n j-əhɔń rɔ̄jí tɔgə ní. Ré rɔ̄jí kə́ ndágá a nujə i mbée gə̄gē anī, ndíĺjí kə́ kemeé a tél i kə́ kijə kə dɔ ndɔ̄ gə̄.

1 TESALONIK 4:11

Ī-ndiī jəke kə naá ō, ə̄ndāī kumsí gír kəla yāsí sḭḭ̄ kɔ́ gə̄ tə́ ō. Ī-rāāī kəla kə jīsí tītə̄ ń j-ədańsí ní.

EPEJƏ 4:2

Ɔ́jiī rɔ̄sí aĺ ō, ādī dɔsí sɔl̄ ō, ə́reī wursí njam ō. Ī-tə́gāī tasí dɔ naā tə́ sɔɔ̄ń táŕ kə́ ī-táriī naā ō.

1 PIYER 3:15

Banī *Kərist ń i Kɔ́ɔ̄ɓē ní, ɔ̄rī kamə̄n tayā ngarān̄g kemsí tə́. Ī-ndiī dɔ rɔ̄sí tə́ kə dɔ ndɔ̄ gə̄, yā kadə̄ ɔ́jiī gíŕ yá̰á̰ ń ə̄ndāī kemsí dɔ tə́ ní kə̄ no ngé gə̄ ń a dəjen̄sí gíŕ tə́ ní.

1 TIMOTE 2:2

Tām̄ yā mban̄g gə̄ tə́ ō, ngé ko̰o̰ ɓē gə̄ tə́ malang ō. Tá kadə̄ jə-ndiīń jəke ō, kə kem kə́ sɔl̄ lɔmɔɔ́ ō, yā kadə̄ jə-rāāīneé yá̰a̰ malang kə gō ń Nə́ɓā ndigə ní ō, jə-rāāīneé yá̰á̰ kə́ ɔjə kadə̄ jə-ɓōlíī ndíĺ Nə́ɓā ō.

Najə̄ kə́ Majə yā Jeju ń Luk ndang ní 11:40

Sḭḭ̄ i de kə́ ger̄ yá̰a̰ aĺ gə̄! Nə́ɓā ń rāā gidə yá̰á̰ ní rāā kemən ō aĺ a?

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

IJAI 57:15

Yá̰á̰ ń Nə́ɓā kə́ *táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ *táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

PĀ GƏ̄ 25:9

Ngé gə̄ ń sɔlə̄n̄ dɔdə́ ní, ni-aw̄ sedə́ kə̄ tū yá̰á̰ kə́ gōtə́ tə́ ō, ɔjədə́ róbə yān ō.

JAKƏ 1:21

Tām̄ najə̄ ń toō tə́ ní ə́ya̰ī yá̰á̰ kə́ yḛr gə̄ malang ō, yá̰a̰ malang kə́ rāā kə kem nduluú ō kɔ̄ɔ́, ba najə̄ ń Nə́ɓā dubə̄ kemsí tə́ ní, ə́hɔī kə̄ rɔ̄sí tə́ majə kə sɔl̄ dɔɔ́, tɔdɔ̄ najə̄ ní asə kajəsí.

2 TIMOTE 2:25

Ni a gɔŕyɔ̄ ngé mbātə́ najə̄ gə̄ ní i kə kem kə́ sɔl̄ lɔmɔɔ́. Na majanī Nə́ɓā a rāā sedə́ kadə̄ tūrə̄n̄ háĺdə́ ō, gerə̄n̄ najə̄ kə́ rɔ̄kum ō.

2 TESALONIK 3:12

Ba de gə̄ ń noō ní, j-ədadə́ ō, j-ɔjə̄də́ ō, kə rī Kɔ́ɔ̄ɓē Jeju *Kərist, kadə̄ rāān̄ kəla ba əsan̄ yá̰á̰ kə́ teē kə ta kūl̄ tətōdə́ nin̄ kɔ́ gə̄.

MATIYE 5:5

Rɔ̄nel̄ i kə ngé gə̄ ń nōōn̄ ní, tɔdɔ̄ Nə́ɓā a sɔl̄ kemdə́.

IJAI 29:19

De gə̄ kə́ nin̄ i yá̰á̰ kógə̄ḿ aĺ gə̄ a əngen̄ rɔ̄nel̄ kə́ a bo i kum kə̄ kété kété kem Kɔ́ɔ̄ɓē tə́, de gə̄ kə́ nin̄ ndoōn̄ tɔȳ madə̄də́ gə̄ a ndāmə̄n̄ ndām̄ rɔ̄nel̄ najə̄ yā Nə́ɓā kə́ *táĺ yā Israel tə́.

PĀ GƏ̄ 149:4

Tɔdɔ̄ Kɔ́ɔ̄ɓē rāā majə kə gír deē yān gēé, ni ajə ngé gə̄ ń télən̄ kə rɔ̄də́ kə̄ nang tə́ ní ɔsəń gɔndə́.

PĀ GƏ̄ 147:6

Kɔ́ɔ̄ɓē rāā kə ngé gə̄ ń télən̄ kə rɔ̄də́ kə̄ nang tə́ ní. Ba tél kə ngé kem ndul gēé kə̄ nang tə́ adə̄ ɔdən̄ nang lá láḿ.

Makətūbə̄ ń Pol ndang adə̄ Rom gə̄ ní 6:6

Banī majə kadə̄ ī-gerī najə̄ ń toō majə: Əndan̄ háĺjí kə́ jóo kə máyá̰ naā tə́ kə Kərist tū kāgə̄ kə́ dēsə́ tə́, yā kadə̄ tɔ́gə rāā majaĺ yā de kə́ loo kōkə̄ ní teē kɔ̄ɔ́ ō, majaĺ rāāńjí ɓəlo tə́ to̰ aĺ ō.

Najə̄ kə́ Majə yā Jeju ń Luk ndang ní 16:15

Ba Jeju ədadə́ na: Sḭḭ̄ i ngé kɔjə rɔ̄sí gə̄ ta kum de gə̄ tə́, kadə̄ sḭḭ̄ na i de kə́ súmūú gə̄, ba Nə́ɓā ger̄ kemsí, tɔdɔ̄ yá̰á̰ ń de gə̄ ɔsən̄ kə̄ dɔɔ́ ní i yá̰á̰ kə́ to yḛr kum ngá̰ý ta kum Nə́ɓā tə́.

PĀ GƏ̄ 51:6

I īkɔ́ ngóy kal kógə̄ḿ beē n m̄-rāā yá̰á̰ kə́ majaĺ seí ní. Mā m̄-rāā yá̰á̰ ń i yá̰á̰ kə́ majaĺ ta kumií tə́ ní. Adə̄ ré ā ə̄ndā najə̄ dɔḿ tə́ anī najə̄ i yāí ō, ā ī-gān̄g sarya ɓáa yá̰á̰ kə́ kadə̄ deē əda dɔí tə́ a gətóo ō.

PĀ GƏ̄ 45:13

Tir gə̄ ń i de kə́ ngé kənge yá̰á̰ tɔȳ gír de kə́ rang gə̄ ní, a adīn̄ kadə̄ karī gə̄ kadə̄ nelīneé sedə́.

1 PIYER 1:23

Tɔdɔ̄ tél ojən̄sí gogə́ rang i kə kum kōō kə́ a ndum alé, banī i kə kum kōō kə́ dum̄ ndum, adə̄ i kə ta kūl̄ najə̄ yā Nə́ɓā ń i najə̄ kə́ ndi kə kumneé ō, a to kum gotən ō ní.

KOLOSƏ 3:3

Tɔdɔ̄ sḭḭ̄ i de kə́ koy kɔ̄ɔ́ gə̄, adə̄ ī-ndiī kə kumsí i loo ɓɔ̄ɔ̄ rɔ̄ tə́, naā tə́ kə Kərist kem Nə́ɓā tə́.

GALATƏ 5:23

dɔ sɔl̄ ō, kəhɔ rɔ̄ ō. *Ndū najə̄ mbātə́ yá̰a̰ gə̄ ń noō alé.

PĀ GƏ̄ 131:2

Banī kemḿ tetə kə̄ nang tə́ ō, m̄-ndi jəke ō, tītə̄ ngōn̄ kə́ kɔrə̄n ta mba tə́ kə́ tél ndi kadə kó̰o̰n tə́ beē. m̄-tél m̄-ndi i tītə̄ yā ngōn̄ ń noō.

2 KORḚNTƏ 10:1

Mə̄kɔ́ Pol m̄-rāāsí ɓɔ́, mā ń de gə̄ ədan̄ dɔḿ tə́ na ré jə-ndi ta kum naā tə́ anī najə̄ḿ na gətóo, ba ré mā i sa̰y anī na m̄-ɓōĺsí aĺ bátə́ ní. m̄-rāāsí ɓɔ́, kə ta kūl̄ háĺ kə́ sɔl̄ lɔm yā *Kərist ō, kə ta kūl̄ kem majə yān ō.

MATIYE 21:5

Ədaī ngōmandə kə́ *Siyo̰ na: Á̰a̰ mban̄g yāí a reē kə̄ rɔ̄í tə́. Ni i de kə́ najə̄n gətóo. Ndi i gidə kərō kə́ dəyá̰ tə́, gidə ngōn̄ kərō tə́.

IJAI 11:4

Ni a gān̄g sarya yā ngé ndoō gə̄ i kə gō róbə́ yá̰á̰ kə́ gōtə́. De kə́ kem ɓēé gə̄ ń de kə́ nge rɔ̄ɔ̄ dɔdə́ tə́ gətóó ní, ni a gān̄g sarya kə́ gōtə́ tām̄ yādə́ tə́. Ni a ənda de kə́ kem ɓē yān tə́ gə̄ kə najə̄ kə́ tan tə́ tītə̄ kə́ i kə sálang kāgāá beē. Najə̄ kə́ tan tə́ a tɔ̄l̄ de kə́ majaĺ gə̄.

JEREMI 51:59

Kété ní, Seraya kə́ ngōn̄ Neriya, kə́ ngōn̄ Maseya, i nge rāā kəla gə̄ kə́ ndogó mbangāá yā Sedekias, mban̄g kə́ *Juda tə́. Ɓāl̄ ko̰o̰ ɓē kə́ nge ko̰ sɔ́ yā Sedekias tə́ anī, Seraya aw̄ seneé *Babilon. Yá̰á̰ kə́ to kum kaȳ aĺ gə̄ malang ń i gáŕ kadə̄ reēn̄ dɔ ɓē kə́ Babilon tə́ ní ō, najə̄ gə̄ malang ń ɔrə̄n̄ dɔ ɓē ń toō tə́ ní, Jeremi ndangdə́ kem ndāŕ ndang najə̄ kə́ ɓír̄ gidə naā tə́ tə́.

Makətūbə̄ ń Pol ndang adə̄ Rom gə̄ ní 1:23

Kadə̄ ndɔ̄ȳn̄ Nə́ɓā ń i de kə́ bo kə́ ta ngóyn gətóó ní a, nin̄-ndɔ̄ȳn̄ ndíĺ yá̰á̰ kə́ tɔ́sə̄ kum gotə de gə̄ ō, yel̄ gə̄ ō, dā̰ gə̄ ō, kur̄ kə́ kagə nang tə́ gə̄ ō ń i yá̰á̰ kə́ a ndumən̄ karī gə̄ ní.