1 PIYER 1:8 - Bible sar

⁸ Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

Bibəl ta Sar̄

⁸ Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

1 PIYER 1:8 Referans Kwoze

JA̰A̰ 20:29

Jeju ədan na: I tām̄ ka̰a̰ ń á̰a̰m̄ ní n ī-taāń kem ní a? Ngé gə̄ ń a̰a̰mə̄n̄ aĺ ba taān̄ kem ní, rɔ̄də́ nel̄də́.

2 KORḚNTƏ 5:7

Tɔdɔ̄ jḭḭ jə-njə̄rā i kə gō taā kem yājí, ba i kə gō yá̰á̰ ń j-a̰ā̰ kə kumjí ní alé.

Makətūbə̄ ń Pol ndang adə̄ Rom gə̄ ní 15:13

Ādə̄ Nə́ɓā kə́ nge rāā kadə̄ de gə̄ əndān̄ kemdə́ dɔ yá̰á̰ tə́ adə̄sí rɔ̄nel̄ ō, kem sɔl̄ lɔm ō, kə́ majə ɔtə̄ kə taá, kə ta kūl̄ taā ń sḭḭ̄ ī-taāī kemən ní, yā kadə̄ kəndā kem dɔ yá̰á̰ tə́ yāsí i kəndā kem dɔ yá̰á̰ tə́ ngá̰ý kə ta kūl̄ tɔ́gə yā *Ndíĺ kə́ Táĺ.

HEBƏRO 11:1

Taā kem i yá̰a̰ kə́ deē ger̄ mámák kadə̄ yá̰a̰ gə̄ ń ə̄ndā kemən dɔ tə́ ní, deē a ənge. Yá̰a̰ gə̄ ń deē a̰a̰də́ kə kumneé aĺ ní, taā kem ɔjə kə̄ ndágá kadə̄ yá̰á̰ gə̄ ní ton̄ rɔ̄kum.

JA̰A̰ 16:22

I beé n ngɔlaā sḭḭ̄ rɔ̄sí nel̄sí aĺ ō ní. Banī m-ā m̄-tél yā ka̰a̰sí gogə́, loo ń noō tə́ rɔ̄sí a nel̄sí ō, de kə́ yā kɔr̄ rɔ̄nel̄ ní kemsí tə́ kɔ̄ɔ́ a gətóo ō.

2 KORḚNTƏ 4:18

Tɔdɔ̄ j-əndā kumjí i dɔ yá̰á̰ kə́ deē a̰a̰ kə kumneé tə́ alé, banī i dɔ yá̰á̰ kə́ deē a a̰a̰ kə kumneé aĺ tə́. Yá̰á̰ ń deē a̰a̰ kə kumneé ní i yá̰á̰ kə́ a to dan i ngá̰ý alé, banī yá̰á̰ ń deē a̰a̰ kə kumneé aĺ ní, i yá̰á̰ kə́ a to ngándáńg.

1 PIYER 1:6

Ká ré yá̰á̰ kə́ tōr̄ gə̄ a reēn̄ dɔsí tə́ yā nāāsí yā kadə̄ rɔ̄sí nel̄sí aĺ gə̄gē anī, ī-rāāī rɔ̄nel̄ najə̄n tə́.

HEBƏRO 11:27

I kə ta kūl̄ taā kem n ni əya̰ ɓē kə́ Ejiptə kɔ̄ɔ́, kanjə̄ ɓōĺ wōn̄g yā mban̄g ní. Ni əre wurən njam tītə̄ kə́ ni-a̰a̰ Nə́ɓā ń deē asə ka̰a̰n kə kumneé aĺ ní beē.

1 PIYER 2:7

Tām̄ yāsí sḭḭ̄ ngé taā kem gə̄ tə́ ɓáa mbal̄ ngeé ń toō ní, i *mbal̄ kə́ gātə̄n i ngá̰ý. Banī tām̄ yā ngé gə̄ ń taān̄ kem aĺ tə́ ní, ndangən̄ kem makətūbə̄ yā Nə́ɓā tə́ na: Mbal̄ ń ngé kəndā kújə gə̄ mbātə́n̄ kɔ̄ɔ́ ní, tél mbal̄ kíĺ kújə.

PILIPƏ 4:4

Ī-rāāī rɔ̄nel̄ kə ndɔ̄ gə̄ najə̄ ɓoo kə́ ī-ɓooī naā kə Kɔ́ɔ̄ɓēé tə́. m̄-tél m-ə́dásí to̰: Ī-rāāī rɔ̄nel̄!

1 PIYER 5:4

Dan ń ngār kə́ bo yā ngé kul̄ yá̰a̰ gə̄ a teē hɔy anī, sḭḭ̄ ā ə́ngeī *jākā mbang kə́ to kɔsə gɔn ń gíŕ ndə́lēn a gān̄g aĺ bátə́ ní.

EPEJƏ 6:24

De gə̄ malang ń tárən̄ Kɔ́ɔ̄ɓē yājí Jeju Kərist kə táŕ kə́ a to ngándáńg ní, ādə̄ Nə́ɓā rāā kem majə sedə́.

PILIPƏ 1:25

Adə̄ m̄-ger̄ kemḿ tə́ majə kadə̄ m-ā m̄-ndi kə kumḿ. M-ā m̄-ndi sesí sḭḭ̄ malang yā rāań sesí kadə̄ āwī kum kə̄ kété kété ō, kadə̄ rɔ̄sí nelə̄ńsí loo taā kem tə́ ō.

Makətūbə̄ ń Pol ndang adə̄ Rom gə̄ ní 14:17

Tɔdɔ̄ najə̄ *Ɓē ko̰o̰ yā Nə́ɓā i najə̄ kə́ dɔ yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, ba i najə̄ yá̰á̰ kə́ gōtə́ ō, kem sɔl̄ lɔm ō, rɔ̄nel̄ kə́ *Ndíĺ kə́ Táĺ adə̄ ní.

JA̰A̰ 14:24

Deē ń tárəm̄ aĺ ní, a rāā yá̰a̰ gə̄ ń m-ə́dá ní alé. Ba najə̄ ń m-ə́dásí ní i najə̄ yāḿ mā alé, i najə̄ yā Bɔbə̄ Ngōn̄ ń əlam̄ ní.

JA̰A̰ 8:42

Jeju tél ədadə́ na: Ré bɔbə̄sí i Nə́ɓā anī, ā ī-tármī, tām̄ m̄-teē i rɔ̄ Nə́ɓā tə́ n m̄-reē toó. m̄-reē i kə dɔḿ alé, banī i ni n əlam̄ ní.

PILIPƏ 3:3

I jḭḭ̄ n i ngé *kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju *Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

GALATƏ 5:22

Banī Ndíl a ojə i tár ō, rɔ̄nel̄ ō, kem sɔl̄ lɔm ō, tə́gā ta ō, kem ndaa ō, kem majə ō, taā kem ō,

GALATƏ 5:6

Tām̄ yā ngé gə̄ ń ɓoon̄ naā kə *Kərist Jeju ní, kəja mɔtə aáā, *kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.

2 KORḚNTƏ 9:15

Ādə̄ de gə̄ tɔ̄ȳn̄ Nə́ɓā tām̄ yā yá̰á̰ kə́ dum̄ kəda gotə ń ni-adə̄ de gə̄ karī tə́ ní!

2 KORḚNTƏ 1:22

Ni-əndā tə́ré yá̰á̰ kógə̄ḿ rɔ̄jí tə́ yā kɔjəń kadə̄ jḭḭ i deē yān gə̄ ō, adə̄jí *Ndíĺ kə́ Táĺ kemjí tə́ tītə̄ yá̰a̰ kəhɔ gātə̄jí beē, yā kɔjəńjí kadə̄ na n-adə̄jí yá̰á̰ kə́ majə gə̄ ń ni ngɔ̄m̄ tām̄ yājí tə́ ní rɔ̄kum ō.

KƏLA RĀĀ 16:34

Ni-aw̄ kə Pol ō, Silas ō kem kújə yān tə́ ba adə̄də́ yá̰a̰ kadə̄ əsan̄. Rɔ̄ dəngam ní ō, ngéén gə̄ ō, nel̄də́ ngá̰ý najə̄ taā ń nin̄-taān̄ kem Nə́ɓā tə́ ní.

JA̰A̰ 14:21

Deē ń ngɔ̄m̄ gō míndə́ḿ gə̄ ō, rāā yá̰a̰ gə̄ ń gō míndə́ḿ əda ō ní, i deē ń noō n tárəm̄ ni. Bɔbə́ḿ a tár deē ń tárəm̄ ní. M-ā m̄-tárən ō, m-ā m̄-rāā kadə̄ a a̰a̰m̄ ō.

JA̰A̰ 14:15

Ré ī-tármī anī, ā ī-rāāī yá̰a̰ gə̄ ń gō míndə́ḿ əda ní,

MATIYE 10:37

Deē ń tár bɔbə̄n aláa kó̰o̰n tɔȳm̄ ní, kɔ́ɔ̄ asə tél deē yāḿ alé. Deē ń tár ngōnən kə́ dəngam aláa kə́ dəyá̰ tɔȳm̄ ní, kɔ́ɔ̄ asə tél deē yāḿ alé.

PĀ KƏ́ MAJƏ 5:16

Kem tan sɔl̄ lum ō, m̄-gḛy rɔ̄n malang ō. Ngáń kə́ dəyá̰ kə́ Jerusalem gə̄, kó tár yāḿ n noó, madə́ḿ n noó!

1 KORḚNTƏ 16:22

Ré de kə́rēý táŕ Kɔ́ɔ̄ɓē Jeju *Kərist aĺ anī, ādə̄ ndɔ̄ĺ i dɔn tə́. Marana ta.

PĀ KƏ́ MAJƏ 5:9

Dəyá̰ kə́ mandə tɔȳ dəyá̰ gə̄ malang, nge ń ḭ̄ ī-rāā tɔdɔ̄n ngá̰ý ní yá̰á̰ ń ni tɔȳń madə̄n kə́ rang gə̄ á ī-rāańjí ɓɔ́ kə ngangá ngá̰ý beē ní i rí?

PĀ KƏ́ MAJƏ 1:7

Ḭ̄ ń nelə̄m̄ seí ní, ɔ́jəm̄ mu ń ā āw̄ kə yá̰a̰ kul̄ yāí gēé dɔ tə́ ní. Ɔ́jəm̄ loo ń dan kadə ndaá anī a taān̄ koō tū tə́ ní, yā kadə̄ m̄-to tītə̄ dəyá̰ kə́ nge ngɔ̄də̄ gō dəngam gə̄ tə́ kadə yá̰a̰ kul̄ yā madí gə̄ tə́ alé.

EPEJƏ 3:19

Ā ī-gerī tár yā Kərist kə́ tɔȳ yá̰a̰ gə̄ malang, loo ń noō tə́ Nə́ɓā a ndi kemsí tə́ kə taá kə ta kūl̄ Ndílneé.