1 PIYER 1:12 - Bible sar

¹² Najə̄ ń Nə́ɓā əndā ta *ngé koō ta gə̄ tə́ adə̄ ədan̄ ní, ni teē kumdə́ dɔ tə́ adə̄ gerə̄n̄ kadə̄ najə̄ ní i tām̄ yādə́ nin̄ tə́ alé, banī i tām̄ yāsí sḭḭ̄ tə́. Ngé kɔjə Najə̄ kə́ Majə gə̄ ədan̄sí najə̄ ní ngɔlaā i kə tɔ́gə yā *Ndíĺ kə́ Táĺ. Ndíĺ kə́ Táĺ ngeé ń toō ní, i Nə́ɓā ń ndi dɔ rā̰ tə́ ní n əla seneé ní. *De kə́ dɔ rā̰ tə́ gə̄ gə̄gē nin̄ kɔ́ gə̄ kə dɔdə́ sāān̄ ger̄ najə̄ ní ō.

Bibəl ta Sar̄

¹² Najə̄ ń Nə́ɓā əndā ta ngé koō ta gə̄ tə́ adə̄ ədan̄ ní, ni teē kumdə́ dɔ tə́ adə̄ gerə̄n̄ kadə̄ najə̄ ní i tām̄ yādə́ nin̄ tə́ alé, banī i tām̄ yāsí sḭḭ̄ tə́. Ngé kɔjə Najə̄ kə́ Majə gə̄ ədan̄sí najə̄ ní ngɔlaā i kə tɔ́gə yā Ndíĺ kə́ Táĺ. Ndíĺ kə́ Táĺ ngeé ń toō ní, i Nə́ɓā ń ndi dɔ rā̰ tə́ ní n əla seneé ní. De kə́ dɔ rā̰ tə́ gə̄ gə̄gē nin̄ kɔ́ gə̄ kə dɔdə́ sāān̄ ger̄ najə̄ ní ō.

1 PIYER 1:12 Referans Kwoze

JA̰A̰ 15:26

Loo ń m-ā m-ūgə̄ rɔ̄ Bɔbə̄ Ngōn̄ tə́ anī, m-ā m-ə́la kə nge ndi sesí ń i Ndíĺ najə̄ kə́ rɔ̄kum ní yā kadə̄sí. Loo ń a ugə̄ anī, a əda najə̄ kə́ kum tə́ yāḿ.

EPEJƏ 3:10

I yā kadə̄ ngé ko̰o̰ ɓē gə̄ ō, kɔ́ɔ̄ yá̰a̰ gə̄ ō ń ndin̄ dɔ rā̰ tə́ ní, gerə̄n̄neé kum kedə̄ kə́ tayā tayā gə̄ yā Nə́ɓā ngɔlaā kə ta kūl̄ ngé kán̄ naā gēé.

1 KORḚNTƏ 2:10

Tá i jḭḭ̄ n Nə́ɓā teē kumjí dɔ tə́ kə ta kūl̄ *Ndíĺ kə́ Táĺ ní. Tɔdɔ̄ Ndíĺ asə kəndā ma̰ȳ yá̰a̰ malang, ká i yá̰á̰ kə́ Nə́ɓā núm̄ kə́ to loo mundə̄ tə́ ɓáý gə̄gē, ni-asə kəndā ma̰ȳ.

HEBƏRO 4:2

Tɔdɔ̄ jḭḭ̄ j-oōī Najə̄ kə́ Majə tītə̄ yā ngé kə́ kem dəla loo tə́ gə̄. Nin̄-oōn̄ najə̄, ba najə̄ ń oōn̄ ní rāā yá̰á̰ kógə̄ḿ tām̄ yādə́ tə́ alé. Tɔdɔ̄ dan ń nin̄-oōn̄ ní, taān̄ kem alé.

MARK 16:15

Ba ədadə́ na: Āwī kə̄ loo gə̄ tə́ malang, ə̄nīī mbēr̄ Najə̄ kə́ Majə ādə̄ de gə̄ malang oōn̄.

1 PIYER 1:25

Banī najə̄ yā Nə́ɓā to gotoó ngándáńg Tá najə̄ ní i Najə̄ kə́ Majə ń ɔjən̄sí ní.

JEJU TEĒ KUM JA̰A̰ 5:11

Anī m-á̰a̰ *de kə́ dɔ rā̰ tə́ gə̄ kə́ nin̄ i ngá̰ý ō, m-ōō ndūdə́ ō. Dūbūúdə́ i nja kutə kə̄ gogə́, ran̄ gīrə̄n̄ gidə kōr̄ kāgə̄ mbang ní ō, yá̰á̰ kə́ kə kumuú kə́ sɔ́ gə̄ ní ō, *kum kɔɔ̄ gə̄ ní ō.

2 KORḚNTƏ 6:6

J-ɔjə kə̄ ndágá kadə̄ jḭḭ i ngé rāā kəla gə̄ yā Nə́ɓā, i kə ta kūl̄ háĺjí kə́ *unjə̄ njáý njáý ō, ger̄ yá̰a̰ yājí ō, tə́gā ta yājí ō, kem majə yājí ō. I kə ta kūl̄ *Ndíĺ kə́ Táĺ ō, tár yājí kə́ rɔ̄kum ō,

2 KORḚNTƏ 1:22

Ni-əndā tə́ré yá̰á̰ kógə̄ḿ rɔ̄jí tə́ yā kɔjəń kadə̄ jḭḭ i deē yān gə̄ ō, adə̄jí *Ndíĺ kə́ Táĺ kemjí tə́ tītə̄ yá̰a̰ kəhɔ gātə̄jí beē, yā kɔjəńjí kadə̄ na n-adə̄jí yá̰á̰ kə́ majə gə̄ ń ni ngɔ̄m̄ tām̄ yājí tə́ ní rɔ̄kum ō.

Makətūbə̄ ń Pol ndang adə̄ Rom gə̄ ní 15:19

i kə tɔ́gə́ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, i kə tɔ́gə yā *Ndíĺ kə́ Táĺ ō. Adə̄ m-ɔ́jə Najə̄ kə́ Majə yā Kərist kə taá malang, m-ə́lá gír i *Jerusalem ō, kem ɓē gə̄ ń ran̄ kə gō gidə ɓē kə́ Jerusalem ní ō, bátə́ gō nang kə́ Iliri tə́.

KƏLA RĀĀ 2:33

Nə́ɓā ɔsən kə̄ dɔɔ́ kə tɔ́gəneé, adə̄ ni-ənge *Ndíĺ kə́ Táĺ ń Bɔbə̄ Ngōn̄ ənī míndən yā kadə̄ ní. I Ndíĺ kə́ Táĺ ngeé ń ni-ənge ní n ni-rāā adə̄ reē á á̰a̰ī ō, ōōī ō toó.

DANIEL 12:13

Ḭ̄ Daniel, āw̄ bátə́ ūgə̄ ta tɔ̄l̄ ta tə́. Ā ɔ̄r̄ koō ō, ḭ́ḭ dɔɔ́ yā taā yá̰a̰ kəndā nja yāí ta ngóy ndɔ̄ gə̄ tə́ ō.

DANIEL 12:9

Anī ni tūr̄ ədam̄ na: Daniel, āw̄, tām̄ najə̄ gə̄ ń noō I najə̄ gə̄ kə́ ngɔ̄mə̄n̄ loo mundə̄ tə́ ō, əndān̄ mbō̰ ta tə́ kɔ̄ɔ́ ō, bátə́ ndɔ̄ kə́ ta ngóy tə́.

HEBƏRO 2:4

Nə́ɓā ɔjə kadə̄ i rɔ̄kum i kə ta kūl̄ yá̰á̰ kə́ yáā gə̄ ō kə́ to ɓōĺ gə̄ ō, kə́ to kɔr kum gə̄ kə́ gíŕdə́ i ngá̰ý ō, kə ta kūl̄ kadə̄ de gə̄ kadə̄ karī gə̄ yā *Ndíĺ kə́ Táĺ ń ni-nə̄bō kə gō kem ndigə yānneé ní ō.

GALATƏ 1:16

Ba loo ń ni teē kumḿ dɔ Ngōnən tə́ kadə̄ m-ɔ́jə de gə̄ kə́ nin̄ i Jipə aĺ gə̄ Najə̄ kə́ Majə yān ní, m-āw̄ rɔ̄ deē kógə̄ḿ tə́ m̄-dəjen kɔjə̄ aĺ ō,

GALATƏ 1:12

Tá i deē n ɔjəm̄ aĺ ō, ndóōm̄ aĺ ō, ba i Jeju *Kərist nəkɔ́ n teē kumḿ dɔ tə́ ní.

Makətūbə̄ ń Pol ndang adə̄ Rom gə̄ ní 10:15

Ré Nə́ɓā əla deē aĺ anī, loo kadə̄ deē a ɔjədə́ najə̄ yā Kɔ́ɔ̄ɓē i ba̰ý? Tɔdɔ̄ makətūbə̄ əda na: Ka̰a̰ ngé kəda najə̄ kə́ majə loo reē tə́ i yá̰á̰ kə́ majə ngá̰ý!

Makətūbə̄ ń Pol ndang adə̄ Rom gə̄ ní 1:17

Tɔdɔ̄ Najə̄ kə́ Majə ɔjə loo rāā ń Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́ ní: I kə gō taā kemeé ngóy, ta kəla gíŕ tə́ bátə́ ta tɔ̄l̄ ta tə́, tītə̄ ń ndangən̄neé kem makətūbūú na: Deē ń i de kə́ gōtə́ ta kum Nə́ɓā tə́ kə ta kūl̄ taā kem yān ní, a ndi kə kumneé i kə ta kūl̄ taā kem.

Najə̄ kə́ Majə yā Jeju ń Luk ndang ní 15:10

Ādə̄ m-ə́dásí, *de kə́ dɔ rā̰ tə́ gə̄ yā Nə́ɓā a rāān̄ rɔ̄nel̄ kə́ ngá̰ý tītə̄ ń noō ō, tām̄ yā nge rāā majaĺ kə́ kal kógə̄ḿ beē kə́ tūr̄ hálən tə́.

MATIYE 11:25

Dan ngeé ń noō tə́ ní Jeju ɔr̄ najə̄, əda na: Bɔbə́ḿ, ḭ̄ ń i Kɔ́ɔ̄ɓē dɔ rā̰ tə́ ō dɔ nang tə́ ō ní, m̄-ɓōkíī tɔ̄ȳ tām̄ ɓɔ̄ɔ̄ ń ī-ɓɔ̄ɔ̄ dɔ yá̰a̰ gə̄ ń toō kɔ̄ɔ́ tām̄ yā ngé kum kedə̄ gə̄ tə́ ō, ngé ger̄ yá̰a̰ gə̄ tə́ ō, ba ī-teē kum de kə́ dūú gə̄ dɔ tə́ ní.

AMOS 3:7

Yá̰á̰ ń Kɔ́ɔ̄ɓē Nə́ɓā sāā rāā ní, ni a rāā yá̰á̰ ní kanjə̄ kɔjə ngé kəla yān gə̄ ń i *ngé koō ta gə̄ ní alé i tītə̄ ń noō ō.

DANIEL 9:24

Gāngə̄n̄ ɓāl̄ sīrí dɔ gír deē yāí gə̄ tə́ ō, dɔ ɓē yāí kə́ *táĺ tə́ ō, yā rāań kadə̄ gír mbātə́ najə̄ gān̄g, kadə̄ gír rāā yá̰á̰ kə́ majaĺ gān̄g ō, kadə̄ Nə́ɓā mā̰yń rɔ̄n dɔ majaĺ gə̄ tə́ ō, kadə̄ yá̰á̰ kə́ gōtə́ kə́ ngándáńg ɔjəń rɔ̄n kə̄ ndágá ō, kadə̄ yá̰á̰ kə́ ka̰ā̰ ō najə̄ ń *nge koō ta əda ní ō reē udən̄neé gíŕ kə́ rɔ̄ tə́ ō, kadə̄ urən̄neé yibə̄ dɔ *loo kə́ táĺ ngá̰ý tə́ ō.

1 TESALONIK 2:9

Ngákó̰ó̰jí gə̄, ādə̄ əga kemsí dɔ kəla ń jə-rāā tə́ ní ō, dɔ kɔr ń j-ɔr sesí tām̄ táŕ kə́ kemjí tə́ ní ō. Dan ń j-ɔjəsí Najə̄ kə́ Majə yā Nə́ɓā ní, jə-rāā kəla ndɔ̄ɔ́ ō, kadaá ō, kadə̄ j-ɔȳń deē kógə̄ḿ dáńsí tə́ alé.

Najə̄ kə́ Majə yā Jeju ń Luk ndang ní 9:6

Ngé ndóō yá̰a̰ gə̄ ní aw̄n̄. Nin̄-njə̄rān̄ kə gō ngán ɓē gə̄ malang ɔjən̄neé Najə̄ kə́ Majə ō, rāān̄neé adə̄ rɔ̄ ngé mo̰y gə̄ ngáā kə gō loo gə̄ malang ō.

Najə̄ kə́ Majə yā Jeju ń Luk ndang ní 2:26

Ndíĺ kə́ Táĺ ədan na a a̰a̰ *Kərist yā Kɔ́ɔ̄ɓē pá tá na a oy ɓáý.

MATIYE 16:17

Loo ń noō tə́ Jeju tél ədan na: Ḭ̄ i kə rɔ̄nelēé Simo̰ ngōn̄ Jonas, tɔdɔ̄ i Bɔbə́ḿ kə́ ndi dɔ rā̰ tə́ n teē kumií dɔ yá̰á̰ ń toō tə́ ní, ba i deē ndul alé.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

DANIEL 10:1

Kem ɓāl̄ ko̰o̰ ɓē kə́ nge ko̰ mətá tə́ yā Sirus mban̄g kə́ Persə tə́ ní, ədan̄ Daniel ń a ɓāŕnən̄ na i Beltasar ní najə̄ yā Nə́ɓā kógə̄ḿ. Najə̄ ní i najə̄ kə́ rɔ̄kum ō, ɔjə i dɔ yá̰á̰ kə́ ngan̄g ngá̰ý gə̄ kə́ a rāān̄ yā rāā yá̰a̰ ō. Daniel ger̄ kum najə̄ ní i kə ta kūl̄ yá̰á̰ ń ni a̰ā̰ ní.

DANIEL 8:13

Loo ń noō tə́ m-ōō ndū *de kə́ dɔ rā̰ tə́ kógə̄ḿ ɔr̄ najə̄. anī de kə́ dɔ rā̰ tə́ kə́ rang dəje nge ń a ɔr̄ najə̄ ní na: Yá̰a̰ gə̄ ń a rāān̄ yā rāā yá̰á̰ á nī əda najə̄n kété toō a rāān̄ yá̰á̰ i bátə́ rəngá̰ý tə́? Yá̰á̰ tun̄ kə́ kə dɔ ndɔ̄ gə̄ ní a ɔgə̄n̄ tun̄ i bátə́ rə́ngáý tə́? Yá̰a̰ rāā kə́ gōtə́ aĺ ń najə̄ yá̰a̰ malang sák sák ní a o̰o̰ ɓē i bátə́ rə́ngáý tə́? A tə́ɓān̄ *loo kə́ táĺ ō, de kə́ dɔ rā̰ tə́ gə̄ ō kə njadə́ i bátə́ rə́ngáý tə́?

DANIEL 2:47

Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.

DANIEL 2:22

I ni n i nge teē kə gíŕ yá̰a̰ kə́ lú ngá̰ý gēé dɔɔ́ ō, yá̰á̰ kə́ to loo mundə̄ tə́ gə̄ ndágá ō ní. Ni ger̄ yá̰á̰ kə́ kum til tə́ ō, loo kə́ unjə̄ kow ndi i rɔ̄n tə́ ō.

DANIEL 2:19

Anī Nə́ɓā ɔjə Daniel yá̰á̰ kə́ to loo mundə̄ tə́ ní ndɔ̄ɔ́ kə nīí. Loo ń noō tə́ Daniel tɔ̄ȳ Nə́ɓā kə́ dɔ rā̰ tə́,

IJAI 32:15

Ndɔ̄ kógə̄ḿ tə́ anī, Kɔ́ɔ̄ɓē a ɓōkə́ ndílən dɔjí tə́. Loo ń noō tə́ dəla loo a tél ndɔr̄ kāgə̄ gə̄ kə́ a anə̄n̄ ō, ndɔr̄ ní a tél i ku kāgə̄ gə̄ kə́ rɔ̄kum ō.

Gōsə̄ najə̄ gə̄ 1:23

Ōōī gír kə́ kemḿ tə́. Á̰a̰ī, m-ā m̄-rāā kadə̄ ndílə́ḿ a risə dɔsí tə́, m-ā m-ə́dásí najə̄ yāḿ kadə̄ ī-gerī.

Teē Ngán Israel gə̄ 25:20

A tūrə̄n̄ kumdə́ kə̄ rɔ̄ naā tə́ yā kadə̄ a̰a̰n̄ loo kum kə̄ dɔ ta sandúkə́ ń jā̰n̄ bɔ̄gə̄də́ utə̄n̄neé dɔ ní tə́.

HEBƏRO 11:13

De gə̄ ń noō malang oyn̄ i kə taā kemeé kemdə́ tə́, kanjə̄ kadə̄ əngen̄ yá̰á̰ ń Nə́ɓā ənī míndən yā kadə̄də́ ní. Ba nin̄-ndan̄ sa̰y a̰a̰n̄ dɔ ō, rāānən̄ lápə́ya ō. Adə̄ nin̄-ədan̄ na nin̄ na tə̄rā gə̄ ō, ngé njə̄rā mbā gə̄ ō, dɔ nang tə́ laā.

IJAI 53:1

Najə̄ kə́ kijə ń j-oō ní, i náā n taā kem ní? I náā n a̰a̰ tɔ́gə yā Kɔ́ɔ̄ɓē ger̄ ní?

Makətūbə̄ ń Pol ndang adə̄ Rom gə̄ ní 1:15

Adə̄ i tām̄ ń toō tə́ n sḭḭ̄ ń ī-ndiī Rom ní, ngur kaw̄ kɔjəsí Najə̄ kə́ Majə rāām̄ ngá̰ý ní.

KƏLA RĀĀ 16:10

Gō yá̰a̰ ń noō ń ndɔ̄bə̄ Pol tə́ ní, kə̄ ta jī tə́ noō jə-sāā kaw̄ Masedəwan, tām̄ jə-ger̄ majə ngá̰ý kadə̄ Nə́ɓā ɓāŕjí i kadə̄ j-aw̄ j-ɔjə de kə́ gō nang ngeé ń noō tə́ gə̄ Najə̄ kə́ Majə.

KƏLA RĀĀ 10:44

Piyer ɔr̄ gíŕ yá̰a̰ gə̄ ń toō təgā aĺ ɓáý anī, *Ndíĺ kə́ Táĺ reē dɔ de gə̄ malang ń oōn̄ najə̄ kɔrə̄n ní tə́.

KƏLA RĀĀ 8:25

Dan ń Piyer nin̄ kə Ja̰a̰ ədan̄ najə̄ kə́ kum tə́ dɔ najə̄ yā Kɔ́ɔ̄ɓē tə́ ō, ɔjən̄ najə̄ yān ō oy anī, tél aw̄n̄ gogə́ *Jerusalem. Ta téĺdə́ tə́ ní, ɔjən̄ Najə̄ kə́ Majə kem ngán ɓē gə̄ ngá̰ý kə́ gō nang kə́ Samari tə́.

KƏLA RĀĀ 4:31

Dan ń nin̄-ndɔ̄ȳn̄ oy anī, loo ń kánə̄n̄ naā tū tə́ ní ndebə. *Ndíĺ kə́ Táĺ rosə kemdə́ malang ō, nin̄-ənīn̄ kemdə́ ɔjən̄neé najə̄ yā Nə́ɓā kanjə̄ ɓōĺ ō.

KƏLA RĀĀ 4:8

Loo ń noō tə́ Piyer ń *Ndíĺ kə́ Táĺ rosə kemən ní ədadə́ na:

1 TIMOTE 3:16

Rɔ̄kum, yá̰á̰ kə́ to loo mundə̄ tə́ ń taā kem adə̄jí ní, i yá̰á̰ kə́ bo ngá̰ý. Kərist tél deē, ɔjəń rɔ̄n kə̄ ndágá adə̄ de gə̄ a̰a̰nən̄, *Ndíl kə́ Táĺ teē kum de gə̄ dɔ tə́ kadə̄ ni i de kə́ gōtə́ ō, *de kə́ dɔ rā̰ tə́ gə̄ a̰a̰nən̄ ō, de gə̄ ənīn̄ mbēr̄ najə̄ yān dan gíŕ nápar de gə̄ tə́ ō, de gə̄ taān̄ kemən dɔ nang tə́ laā ō, ɔsənən̄ kə̄ dɔɔ́ ɔsən̄neé gɔnən ō.

1 PIYER 4:6

I tām̄ najə̄ ń noō tə́ n ɔjən̄neé de kə́ koy gə̄ Najə̄ kə́ Majə ō ní. Kété ní gāngə̄n̄ sarya dɔdə́ tə́ i tītə̄ yā gotə de gə̄ malang. Ba ɔjən̄də́ Najə̄ kə́ Majə ní i yā kadə̄ kə ta kūl̄ *Ndíl kə́ Táĺ ní, nin̄-asən̄neé ndi kə kumdə́ tītə̄ ń Nə́ɓā ndiń kə kumneé ní.