Yòwanìrzɛ̀ 9:8 - Mokpwe: Bakwery (New Testament)

⁸ Hwatò ema hwà mà lìya lì mò kòmbɛ̀nɛ̀ ema hwà mà mò ɛnɛ nanù ema à mà hwɛ ndi mòtò wa ndima, hwà mà àyijòwànɛ̀ mɔ̀kɔ na ɔ̀nɛyi nanù ema, “Rzeke ònò mòtò ònò ema a yɔki lì lìya lì ɔmbɔɔ e?”

Yòwanìrzɛ̀ 9:8 Referans Kwoze

Lukàrzɛ̀ 18:35

Nà òmà Yerzù a mà kòmbɛ̀nɛ̀ è mbòwà yà Jèrìkò, ò mà hwɛ mòtò mɔ̀kɔ ema à ma hwɛ ndima. Òŋgò mòtò rzìi a lìya ò tòŋgòŋgò yà njìya, ò lì ɔmbɔ̀.

Makòrzì 10:46

Yerzù nà hwà-òkòwèlì hwa eni hwa mà uke ò mbòwà yà Jèrìkò. Ŋgindi ya hwatò è mà hwɛ lì hwa nɔ̀ŋgɔ. Nà òmà hwa mà kòmbɛ̀nɛ̀ lìrzukù la èŋge mbòwà, hwa mà ùŋma mòtò mɔ̀kɔ ema à mà hwɛ̀lɛ̀hwɛ̀ Bàtìmàyùrzì. Bàtìmàyùrzì à mà hwɛ ndi è ŋmanà wa mùnyanà wa ama Tìmàyèyùrzì, à mà hwɛ ndi ndima. À mà lìya ò tòŋgòŋgò ya njiya rzìi a ɔ̀mbɔ̀.

Lukàrzɛ̀ 1:58

Hwatò ema hwà mà hwɛ lì lìya lì mò kòmbɛ̀nɛ̀, nà lìtumba la eni hwa mà hwèya ema Rzàŋgò à mò uŋmɛ̀lɛ̀yi ììlì ndɛnɛ̀, wɔ̀ hvɛ hwa mà lìŋgà.

Yòwanìrzɛ̀ 9:9

Lòŋgò la hwatò hwa òhwa nanù ema, “Mɔ̀,” hwanɛ̀yi hvɛ hwà mà òhwa nanù ema, “Jàyɛ̀! Rzeketɛ mɔ̀, a mò àkɛ̀nɛ̀ lì àkɛ̀nɛ̀.” Rzìi òŋgò mòtò mɔ̀ ŋmìti à mà òhwa nanù ema, “Imba.”