Yòwanìrzɛ̀ 8:44 - Mokpwe: Bakwery (New Testament)

⁴⁴ È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

Yòwanìrzɛ̀ 8:44 Referans Kwoze

Hwègbèèlì 13:10

rzìi a òhwa nanù ema, “O wa, e ŋmanà wa ama Mòkarzɛ̀! O hwèlì ndi e mɔ̀kɔ̀yèlì wa tɔ̀ mamɛ ema e hvòmɛ̀nɛ̀yi. O òndi na inyayi jà àrzɛ̀ ja wòhwe ja meyanò. Tɔ̀ ima hvònda ò wa ò arza ndi ò lì tikòwa e jɔ̀kɛ̀ ya ama e Rzàŋgò ò lì e timbirzɛ hweyà hwe lì kɔ̀.

1 Yòwanìrzɛ̀ 3:12

È rzi hwɛ ndi nàa Keni. Keni à mà hwɛ ndì mòtò wà ama Mòkarzɛ̀ ndèŋgànɛ̀lɛ̀ à mà oŋwa ŋmanyàŋgò wà eni. Mamɛ ndèŋgatɛ à mà mò òŋwa e? À mà mò òŋwa ndi ehwànja mɔ̀ Keni hwègbèèlì hwe eni hwe mà onda ndi wòhwe ndi hwègbèèlì hwe ama ŋmanyàŋgò wà eni hwe mà hwɛ ehve-ehve.

2 Kɔ̀rintìyà 11:3

Ndi tɔ̀ nanù, na oka wɔ̀ŋgɔ̀ nanù ema, na oma Mòkarzɛ̀ à mà lukɛlɛ Èhva, nanù mɛnɛ hvɛ ndi hwa e o lukɛlɛ aŋga nanù e rza ika mèèmà me anyu me arzɛ oma Yerzù Krirztò, ndèŋgànɛlɛ e rza o mo gbèeyà na mèèmà me anyu me arzɛ.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Yòwanìrzɛ̀ 8:38

Imba na e òhweyà ndi mamɛ ema na ɛni ò ma Tatɛ̀. Ndi inyɔ e gbeyà ndi mamɛ e ɛni na e rzàŋgò ya anyu.”

Yòwanìrzɛ̀ 8:41

Inyɔ e gbeyà ndi hwèŋge hweyà ema e rzàŋgò ya anyu e gbeyà.” Hwà mà timbirzɛlɛlɛ na mbùnakɛ̀ nanù ema, “I rza enje ndi hwàna hwa mòrzònje, e rzàŋgò mɛnɛ ema i hwɛnì e hwèlì ndi Lohwɛ̀ mɔ̀ ŋmìti.”

1 Yòwanìrzɛ̀ 3:15

Tɔ̀ njɛnɛ ema à rzìŋgɛ̀yi ŋmanyàŋgò wà eni à hwèlì ndi mòòŋwèlì, ndèŋgànɛlɛ è hwi nanù ema tɔ̀ mòòŋwèlì tɔ̀ mɔ̀kɔ à rza ò hwɛnɛ lòŋgɛ là gbìndèyà ò tenì yà eni.

Matiyò 13:38

e hvaya e hwèlì ndi e rze ya arzɛ, i hvɔ̀ŋgɔ̀ ja gbamù i hwèlì ndi hwatò ema hwa hwèlì ò rze ya lìkànèyà la ama Lohwɛ̀, hwèwùlè hvɛ hwe hwèlì ndi hwaŋga hwatò ema hwa hwèlì na mòkarzɛ̀.

Judɛ 1:6

Nà arza ò lì è ɔ̀ŋgɛ̀lɛ̀nɛ hvɛ nanù ema iŋgi aŋgèlì ema ì rzìi lìya ò èki ema Lohwɛ̀ à mà hwa rzèkeyà, ndi ì mà kìnyɛ̀lɛ̀ èki yà awu yà jɔ̀kɛ̀ yà hwèlìyelì, Lohwɛ̀ à mà hwa ika ò hwèwòwà hwe jìtìtì ekì ema hwa hwɛ̀ɛ̀ natɛ̀ɛ tɔ̀ lì aka Wùùnyà wò hwèkàyìrzèlì wò ndɛnɛ.

1 Yòwanìrzɛ̀ 2:4

Tɔ̀ ima mòtò ema à ohwa nanù ema, “Nà mò hwi” ndi à rzi ika imbenda jà eni, à hwèlì ndi mòtò wà mòlàŋgà ndèŋgànɛlɛ è jɔ̀kɛ̀ è rza enje ò tenì yà eni.

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”

1 Pètrò 5:8

Ya aŋgowe, e wowe hvonda. Mòkarzɛ̀ e mɔ̀kɔ̀yèlì wa anyu a hwèlì a ahwa ndi nàa njila ema e rzìŋga o lì arza njɛnɛ ema a tàawa.

Hwèwulùwèlì 9:11

È kìŋgɛ ema e hwa kànèyà e hwèlì ndi e aŋgèlì ema e ɔŋgeya eŋge ehvɔ̀ndi ema e rza ohvɛ lìrzùkù. Lìinà la eni o e mbɔrzi ya Hibrù lì hwèlì ndi Abàdɔ̀ni, ndèŋgànɛ̀lɛ̀ o e mbɔrzi ya Grììkì lì hwèlì ndi Apolìyɔ̀ni (jànda i hwèlì ndi nanù ema, mòtò ema a hvaŋga).

Hwègbèèlì 5:3

Aŋga ndi Pètrò à mà mò ijòwa nanù ema, “Ìi Ànàniyarzì mamɛ ndèŋgàtɛ ò imanɛlɛ nanù ema mòkarzɛ̀ a ò kànèyà. Nàŋgɛ rzɔ mòkarzɛ̀ à mà ò gbeyà ò ma kɔ̀yeyà Èlìŋgɛ̀ yà Wòtani eyà na òma ò wa ò ma utɛ lòŋgò la wòŋgò wòlì ema ò ma àhwirzɛ̀ eŋge etò.

Yòwanìrzɛ̀ 6:70

Yerzù rzìi a hwa alàhwɛ̀ nanù ema, “Rzeke nà mà è hvɔ̀rzɔ̀ inyɔ lìyòmɛ na hwahwàkɛ ndi mɔ̀kɔ hwa anyu a hwèlì ndi mòkarzɛ̀”

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.

2 Pètrò 2:4

Lohwɛ̀ à rzìi hwɛmɛ i aŋgèlì ema ì mà gbeyà wòhwe, ndi à mà hwa aŋgba ò tenì yà mùnya ema mò rza lìma. Ò èki ema wɔ̀ hwa kàkahwà nà iŋgɔ̀kɔ̀hwi nà jììtìtì ò lì ambɛ̀lɛ̀lɛ̀ Wùnyà wò Hwèkàyìrzèlèlì.

Hwèwulùwèlì 13:14

Ò nyòla yà hweyà hwe mànyaka ema à mà ŋgbààhwe è wònjà ò lì gbeyà, eŋge èembe yà worzo, yɔ̀ à mà lùkɛ̀lɛ̀ hwatò hwa è rze yà mɔ̀nyɛ̀. Ndeŋgànɛ̀lɛ̀ mɔ̀ à ma hwɛ ndi lì gbeyà nanù ò worzo wò eŋge èembe ema è mà ohva èhwènà ndɛnɛ. À mà òhweyà hwatò nanù ema hwa wondɛ èrzìrzà ema wɔ̀ hwa ò kanɛ̀, ema è àyɛ̀kɛ̀nɛ̀ eŋge èembe ema è mà ohva èhwènà yà rzɔ̀lɔ̀ ndi tɔ̀ nanù è e hwèlì lòŋgɛ.

Hwèwulùwèlì 22:15

Hwàto ema hwa rza o kpeeyɛ o tenì ya eŋge mbowà ndɛɛndɛ, hwa hwèlì ndi hwatò ema hwa gbeyà hweyà hwe mbìndo, hwatò ema hwa aŋgba màaŋga, hwatò ema hwa gbeyà mòrzònje, hwatò ema hwa oŋwa hwatò, hwatò ema hwa kanɛ̀ mòohwà mà mòlàŋga, hwatò ema hwa lìŋgàni lì kɔ̀ɔ hweyà na e wɔ̀ ema hwa kɔ̀ɔ hweyà.

Matiyò 12:34

Inyɔ ini hvèyi! Nɛ inyɔ e tànɛyi lì òhwa eyà ya gbamù ema inyɔ hwiti è hwèlì wòhwe e? Èhwanja, hweyà ema hwe òndi mòtò ò ŋmèma mò eni hwe ɔ̀ndi à wurzirzɛ ò wàna yà èni.

Matiyò 13:15

Nà òhwa ndi nanù èhwanja hwanù hwatò hwa rza tànɛyi lì òkòwa hvɛ tɔ̀ eyà. Wɔ̀ hwa umbi hvɛ matò nà mììrzɔ̀ mà awu. Hwa rza ò hweyà nà lì ɛnɛ hvɛ tɔ̀ eyà. È rzi hwɛ tɛ nanù, òma wɔ̀ hwa ɛnɛ nà lì embàneyà. Aŋga nanù òma wɔ̀ hwa hweyàna na matò ma awu ndèŋgànà òma mèèmà me awu meyɔhvɛ̀ me rzɔ̀ŋgìtɛ̀nɛ̀. Wɔ̀ hwa gbèyi tɛ nanù hwa nò timbeya òma nà mà hwa òŋgirzɛ.’

Yòwanìrzɛ̀ 7:17

Ndi tɔ̀ ima mɔ̀ ema arza lì gbeyà lì emeyà lì ama Lohwɛ̀ a ò hwiya ŋga hwèyòkòlèlì hwe ami hwe uwɛ̀lɛ̀lɛ̀yi ndi òma Lohwɛ̀, ŋga ò è wònjà ya amì.

Yòwanìrzɛ̀ 8:55

Tɔ̀ nɛ inyɔ e rza mò hwiyɛ, imba na mò hwi na òhwi tɛ ema na rza mò hwi, ò ma na hwèlì mòlàŋgà na òma inyɔ e hwèlì. Ndi imba na mò hwi ndèŋgànɛ̀lɛ̀ na hweyàna e mbɔrzi ya eni.

1 Yòwanìrzɛ̀ 1:8

Jo òhwi tɛ ema i rza ohvi tɔ̀ wòhwe, nanù oma ja alukɛlɛ ndi irzɔ hwiti ndèŋgànɛlɛ o ma e jɔ̀kɛ̀ e rza enje na irzɔ.

1 Yòwanìrzɛ̀ 2:21

Nà rza e tìleya ndi ene kaatì ehwànja e rza hwi e jɔ̀kɛ̀. Nà e tìleya ndi ehwànja e hwi e jɔ̀kɛ̀, ndèŋgànɛ̀lɛ̀ ehwànja tɔ̀ mòlàŋgà mo rza uwɛ̀lɛ̀lɛ̀yi o tenì ya e jɔ̀kɛ̀.

Hwègbèèlì 24:9

Rzìi hwanɛ̀yi hwatò hwa wònyà Yudà wɔ hvɛ hwa làtà ò mene mèrzàmbelì ò lì òhwa nanù ema hweyà hwe arzɛ ema Tɛ̀tùlùrzì a òhwi hwe hwèlì ndi e jɔ̀kɛ̀.