Yòwanìrzɛ̀ 8:12 - Mokpwe: Bakwery (New Testament)

¹² Yerzù à mà òhwìrzɛ̀nɛ̀ hvɛ hwatò, à mà òhwa nanù ema, “Imba ndì na hwèlì etùlù ya e rze. È mɔ̀ ema a nò nɔŋgi a rza tanɛ lì ɛ̀ndɛ ò jìtìtì, ndi à ò hwɛnɛ etùlù ya lòŋgɛ.”

Yòwanìrzɛ̀ 8:12 Referans Kwoze

Yòwanìrzɛ̀ 12:46

Nà jelì ndi ò rze nàa ŋmàye, aŋga nanù tɔ̀ ima mɔ̀ ema a nò lòkɛ̀yì imba a rzi lììya ò jìtìtì.

Yòwanìrzɛ̀ 9:5

Nà òma na hwèlì anu rze, imba ndi na hwèlì ŋmàye mò rze.”

Yòwanìrzɛ̀ 12:35

Yerzù rzìi à alàhwɛ̀ nanù ema, “Ŋmaye mò hwɛ na inyɔ ò ŋmana hvòka wa hvònda. È ɛ̀ndɛ ò wòrzò nàŋgɛ ema e òhvi mònò ŋmàye, aŋga jììtìtì i rza e lìŋgɛ̀lɛ̀. È mɔ̀ ema ayɛ̀ndɛya ò jìtìtì a rza hwi èki a ɛ̀ndɛ.

Matiyò 5:14

È gbeyi ndi nàa ètùlù ema e uŋmɛ̀lɛ̀ hwatò hwa arzɛ hwa ene rze e njiya ya ama Lohwɛ̀. Mbòwà e ma e òŋgàhwi ò ŋmanyu ya mòòlì e rza tanɛ lì utàmà.

Yòwanìrzɛ̀ 3:19

Nànù ndi è mbàkò yà ama Lohwɛ̀ è hwèlì: ŋmàye mò mà jà ò rze yà mɔ̀nyɛ̀ ndi hwatò hwa lìŋgàni ndi jììtìtì lì aka ŋmàye, èhwanja hwègbèèlì hwe awu hwe hwèlì wòhwe.

2 Pètrò 2:4

Lohwɛ̀ à rzìi hwɛmɛ i aŋgèlì ema ì mà gbeyà wòhwe, ndi à mà hwa aŋgba ò tenì yà mùnya ema mò rza lìma. Ò èki ema wɔ̀ hwa kàkahwà nà iŋgɔ̀kɔ̀hwi nà jììtìtì ò lì ambɛ̀lɛ̀lɛ̀ Wùnyà wò Hwèkàyìrzèlèlì.

Hwègbèèlì 13:47

Eyà ema Lohwɛ̀ a jò kànèlì nanù ema i gbeye, e hwèlì ndi nanù ema, ‘Nà ma ò gbeyà ndi nàa ŋmàye ò hwaŋga hwatò ema hwa rza enje wònyà Yudà, aŋga nanù, hwatò hwa arzɛ hwa e rze ya arzɛ hwa ò luwa lì òŋgìrzɛ̀ lì akeyà na ò wa.’”

Hwègbèèlì 26:23

Wɔ̀ hwà mà òhwa nanù ema è Mɔ̀ ema à Ɔ̀kirzɛ̀hwɛ̀yi a hwɛnì lì taka rzìi a hwɛ e mòtò hwa wòrzò ò lì hvùmùwà ò kpelì. A ò òhweyà hwatò nanù ema ŋmàye mò hvànyeya hwatò hwa wònyà Yudà na ò hwaŋga hwatò ema hwa rza enje wònyà Yudà nàŋgɛ.”

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Yòwanìrzɛ̀ 7:17

Ndi tɔ̀ ima mɔ̀ ema arza lì gbeyà lì emeyà lì ama Lohwɛ̀ a ò hwiya ŋga hwèyòkòlèlì hwe ami hwe uwɛ̀lɛ̀lɛ̀yi ndi òma Lohwɛ̀, ŋga ò è wònjà ya amì.

Hwèwulùwèlì 21:24

Hwàto hwa arzɛ hwa e rze ya mɔ̀nyɛ̀, hwa o gbeyàna moŋgo ŋmàye o lì gbeyà hweyà hwe awu ema hwa àŋgàmɛ̀nɛ̀ lì gbeyà wùnyà tɛ. Ikìŋgɛ ja e rze ya mɔ̀nyɛ̀ jo o jànà mònàmɛ̀ mo awu o eŋge mbowà ndɛɛndɛ.

Lukàrzɛ̀ 2:32

Ŋmàye mò eni mò ò gbeyà hwaŋga hwatò ema hwa rza enje wònyà Yudà hwa ò hwiyà, ndèŋgàna a ò jànà èluhwe ò hwatò hwa aŋgɔ̀ hwa Irzàyɛ̀lì.”

Judɛ 1:13

Hwanu hwatò hwa gbèyi ndi nàa hwèehwè hwe ndɛnɛ ema hwe hvemàa ò ŋmànja. Nà oma hwe hvema, hwe oma è mbindo ò mokòkò mò ŋmànja. Nànù ndi ɛ̀ɛ̀mɛ̀ ya awu ya wòhwe è wurza. Hwa gbèyi ndi nàa mbɛtɛtu ema jà amàmìyɛ̀nɛ̀ èki yà arzɛ. Jììtìti ema i rzɔ̀ɔŋgɔ̀wu ɔndi Lohwɛ̀ à mà hwa uteya ndèŋgànɛlɛ jò ò hwɛ̀ɛ natɛ̀ɛ nà ò gbìndèyà.

2 Pètrò 2:17

Hwanu hwatò hwa hwèlì ndi nàa hwetùŋgu hwe màlìhwa ema hwe rzɔ̀njɔ̀. Wɔ̀ hwa hwèlì ndi nàa lìmbàki ema mùùlì mò lìŋgòwànà. Lohwɛ̀ à mà màà lì hwa rzekeya èki ò tenì yà jììtìtì ndɛnɛ.

Judɛ 1:6

Nà arza ò lì è ɔ̀ŋgɛ̀lɛ̀nɛ hvɛ nanù ema iŋgi aŋgèlì ema ì rzìi lìya ò èki ema Lohwɛ̀ à mà hwa rzèkeyà, ndi ì mà kìnyɛ̀lɛ̀ èki yà awu yà jɔ̀kɛ̀ yà hwèlìyelì, Lohwɛ̀ à mà hwa ika ò hwèwòwà hwe jìtìtì ekì ema hwa hwɛ̀ɛ̀ natɛ̀ɛ tɔ̀ lì aka Wùùnyà wò hwèkàyìrzèlì wò ndɛnɛ.

Yòwanìrzɛ̀ 12:36

È lòkɛ̀ ŋmàye, nàŋgɛ ema mò hwèlì na inyɔ, aŋga nanù e hwɛ ndi hwàanà hwa ŋmàye.” O mburza hwèyòhwèlì hwe ama Yerzù, rzìi a anjiya aŋga, a ɛndɛ lì utàmà èki ema hwa rzìi tànɛyi lì mò ɛnɛ.

1 Yòwanìrzɛ̀ 1:6

Irzɔ jo òhwa tɛ nanù ema i hwèlì mɔ̀kɔ na mɔ̀ rzi e hwɛ nanù ema mòŋgɛ ma arzu ma hwèlì ndi mòŋgɛ ma jìtìtì, oma i kɔ hweyà, ndèŋgànɛlɛ hwɛ̀ɛ̀mɛ̀ hwe arzu hwe rza enje jɔ̀kɛ̀.