Yòwanìrzɛ̀ 7:26 - Mokpwe: Bakwery (New Testament)

²⁶ Ɔ̀ŋgɔ a tɔ̀yìrzɛ na hwatò ò mòtèyi, ndi hwàmbaki hwa hwatò hwa rza mò òhwìrzɛ̀nɛ̀ tɔ̀ eyà. Ŋga hwa hwi na e jɔ̀kɛ̀ nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi!

Yòwanìrzɛ̀ 7:26 Referans Kwoze

Yòwanìrzɛ̀ 7:48

È ma màà lì ɛnɛ mòtìmbèlì mɔ̀kɔ tɔ̀ Hvàlìrzàyì mɔ̀kɔ ema à mò lòkɛ̀ e? Tɔ̀ mɔ̀kɔ a rza mò lòkɛ̀.

Hvìlipìyà 1:14

Èhwànja na aŋgɛhwɛyi o hwèwòwà e ŋgànà ema e ma kɔ̀mɛlɛ rzàyi-rzàyi ja hwàlòkèlì o lì ètìrzɛ̀ mèèmà me awu, o eŋgànɛ̀lɛ̀ wɔ̀ hwà mà ètìrzɛ̀ mèèmà o lì ohwa Eyà ya Lohwà e rzi hwɛ lì oka tɔ̀ wɔ̀ŋgɔ̀.

Hwègbèèlì 4:13

Hwèlìyèlì hwe hwàkàyirzèlì hwe ma tàmà ò lì ɛnɛ nanù ema Pètrò nà Yòwanìrzɛ̀ hwà mà hwɛ lì òhwa e rzi hwɛ lì òka wɔ̀ŋgɔ̀. Èhwanja hwà mà ayembɛ nanù ema, hwa rzi rzɔŋgɔ̀ hwèyòkòwèlì ndèŋgànà hwà mà hwɛ hvɛ ndi hwatò hwa ŋgundu. Aŋga ndi hwa a ayèmbɛ nanù ema hwanu hwatò hwà mà hwɛ ndi na Yerzù ò ihvònda ja arzɛ.

Yòwanìrzɛ̀ 12:42

Tɔ̀ nɛ hwatò rzayì-rzayì nà tɔ̀ lòŋgò là hwàmbakì hwa hwatò hwa mà lòkɛ̀ Yerzù. Ndi nà òma hwa mà òke Ihvàlìrzàyì wɔ̀ŋgɔ̀ hwa rzi à uŋmɛ̀lɛ̀ wɔ̀ hwiti, ehwànja hwa mà òka wɔ̀ŋgɔ̀ ema hwa ò hvàyàhwa ò tenì yà è ndawò yà màkanɛ̀.

Yòwanìrzɛ̀ 9:22

Rzàŋgò na nyàŋgò wa eni hwà mà òhwa ndi nanù èhwanja hwà mà òka hwatò hwa lìkànèyà là wònyà Yudà wɔ̀ŋgɔ̀. Hwatò hwa wònyà Yudà hwà mà òhwa nanù ema tɔ̀ ima mɔ̀ ema a òhwi nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, hwa mò hvaya ò ndawò ya màkanɛ̀.

Lukàrzɛ̀ 7:30

Ndi Ì Hvàlìrzàyì nà hwà-òkòlèlì hwa mbenda hwa rzi emeyà lìkàkɛ̀nɛ la ama Lohwɛ̀ èhwanja hwà mà rzɔ̀rzɔ̀ lì lùhwìrzɛ̀ lì ama Yòwanìrzɛ̀).

Matiyò 22:16

Hwàŋga hwatò hwà mà òmeya Yerzù Hwà-òkòwèlì hwa awu, mòndeŋge na hwatò hwa èhvèhva yà ama Hɛ̀rɔ̀dì. Hwanu hwatò rzi hwa ijòwa Yerzù nanù ema, “Ìi Mòòkòlèlì, i hwi nanù ema ò òhwa e jɔ̀kɛ̀. Ndèŋgànà i hwi hvɛ nanù ema hwèyòkòlèlì hwe aŋgɔ̀ lì hvòmɛ̀nɛ̀ imbenda ja ama Lohwɛ̀ hwe hwèlì ndi jɔ̀kɛ̀. Màlùteyà ma hwatò na hwèhwɛ̀ɛlì hwe hwèhvòlò hwe awu hwe rza eŋgòwa hwèyòkòlèlì hwe aŋgɔ̀.

Lukàrzɛ̀ 23:13

Pìlatò à ma rzàŋgà Ipìlìrzì ndɛnɛ, nà hwàtìmbèlì, nà hwahvɛhvɛ hwatò,

Yòwanìrzɛ̀ 3:1

O ma hwɛ mòtìmbèlì mɔ̀kɔ wa wònyà Yudà ema mɔhvɛ à mà hwɛ ndi mòtò wa ehvehva ya Hvàlìrzàyì, à mà hwɛ̀lɛ̀hwɛ̀ ndi Nikòdemòrzi.

Yòwanìrzɛ̀ 4:29

“È jèe, è ɔ̀ŋgɔ è mòtò ema à mà nò òhweyà tɔ̀ ima eyà ema nà mà gbeyɛ. Rzeke è Mɔ̀ ema à Ɔ̀kirzɛ̀hwɛ̀yi ònò ema jà ambɛ̀lɛ e?”

Yòwanìrzɛ̀ 7:25

Lòŋgò là hwatò ema hwà mà hwɛ lì lìya ò Jèrurzalɛ̀mù rzìi hwa wòteya ò lì àyijòwànɛ̀ mɔ̀kɔ na ɔ̀nɛyi nanù ema, “Rzekɛ ònò mòtò ndi hwa hwèlì lì keka ò lì òŋwa e?

Yòwanìrzɛ̀ 7:31

Ndi tɔ̀ nanù rzayì-rzayì ja hwatò ò ìtììtènì ja èŋge ŋgìndì hwa mà mò lòkɛ̀. Wɔ̀ hwà mà hwɛ lì òhwa nanù ema, “È Mɔ̀ ema a Ɔ̀kirzɛ̀hwɛ̀yi a jelì tɛ, a ò gbeyà hwèmbànèlì hwe mànyakà ema hwe ò aka hwenè hweyà ema ònò mòtò amà gbeyà e?”

Yòwanìrzɛ̀ 18:20

Yerzù à mà mò alàhwɛ̀ nanù ema, “Imba nà mà màa lì òhweyà hwatò hwa arzɛ hwene hweyà hwe arzɛ ò mòte. Nà mà hwɛ ndi lì òkòlɛ̀ ò ndawò jà màkanɛ̀, nà ò Ndawò yà Lohwà. Hwèki ema hwatò hwa Yudà hwa arzɛ hwà mà hwɛ lì arzàŋganɛ. Nà rzi òhwe tɔ̀ eyà ò jùtùtà.