Yòwanìrzɛ̀ 5:34 - Mokpwe: Bakwery (New Testament)

³⁴ Rzekɛtɛ ema e mòtò wa hwènàmà ndi à nò tɛmeya mbòŋgi. Ndi na e òhweyà ndi lì hvòmɛ̀nɛ̀ e mbòŋgi ya ama Yòwanìrzɛ̀, aŋga nanù e nò lòkɛ̀ rzìi e rzùŋgàhwa.

Yòwanìrzɛ̀ 5:34 Referans Kwoze

1 Yòwanìrzɛ̀ 5:9

Nà oma irzɔ i lòkɛ̀ hweyà ema hwatò hwa ohwa, tɔ̀ mamɛ ema Lohwɛ̀ a jo òhweyà e hwèlì wòlìto lì aka mamɛ hwatò hwa jo òhweyà. Ène eyà e hwèlì ndi nanù ehwànja Lohwɛ̀ mɔ̀ ŋmitɛ-ŋmitɛ ndi à jo òhweyà lì hvomɛ̀nɛ̀ è Ŋmanà wà eni.

Yòwanìrzɛ̀ 20:31

Ndi hwenè hweyà hwe tìlahwì aŋga nanù e lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà Lohwà. O mò lòkɛ̀yì tɛ o ò luwa lòŋgɛ la gbìndèyà ò lìna la eni.

1 Tìmotì 4:16

O alɛ̀mbɛ gbamù o tɔ̀ mamɛ ema o òkolɛ hwatò. O ɛ̀ndɛ̀nɛ̀ ndi èwòlò ya aŋgɔ̀ o worzo aŋga nanù Lohwɛ̀ a o rzuŋga lòŋgɛ la aŋgɔ̀, na lì rzuŋga hvɛ mòŋgɛ ma hwatò ema o òkolɛ.

1 Kɔ̀rintìyà 9:22

Nà hwèlì tɛ na hwaŋga hwatò ema hwa rza imbamɛ o lì lòkɛ̀, imba hvɛ na hwɛ ndi nàa mɔ̀kɔ hwa awu ema a rza imbamɛ o lì lòkɛ̀, èhwanja na arza ema wɔ̀ hwa lòkɛ̀ Krirztò. Ɛ̀ɛ, na hwèlì na keka o lì arza ema na hwɛ nàa tɔ̀ ima mòtò ema na ùŋmanɛlɛyi. O lì gbeyà hvɛ hweyà hwe arzɛ ema na tànɛyi lì gbeyà o lì rzùŋgà lòŋgo la hwatò.

Ròmànì 10:1

Wònyamòwè kòkò, na lìŋgàni na ŋmèma mò ami mò arzɛ nanù ema, hwatò hwa ami hwa Irzàyɛ̀lì hwa rzùŋgàhwe, ndèŋgànɛ̀lɛ̀ na hwa kanɛ̀lɛ̀lɛ̀ ndi nanù ema e gbèyɛ̀nɛ̀ ndi nanù.

Ròmànì 3:3

Nà òma e hwèlì nanù lòŋgò la awu hwa rzi hwɛ lì gbeyà na òma Lohwɛ̀ a òhwi nanù ema hwa gbèyè, ene ŋgàna e hwèlì ndi nanù ema Lohwɛ̀ a rza ò gbeyà na òma a òhwi nanù ema a gbeyà e?

Yòwanìrzɛ̀ 8:54

Yerzù ama hwa timbirzɛlɛlɛ nanù ema “È hwèlì tɛ ema na akàrzɛ̀yi imba mbiti, lì kàrzɛ̀lɛ̀hwɛ̀ lì ami lì rza òhva tɔ̀ wòlìtò. Rzàŋgò wa ami, ema inyɔ e kɔti nàa Lòohwà là anyu, mɔ̀ ndi à hwèlì e mɔ̀ ema a nò kàrzɛ.

Yòwanìrzɛ̀ 5:41

“Nà rza arza ndi èluhwe ya hwatò hwa hwènàmà.

Lukàrzɛ̀ 24:47

È tìlahwì nanù ema, hwatò hwa òhwe Ŋmɛ̀ndì mò Gbamù ò hwekòmɛ̀ hwe àrzɛ ema, hwatò hwa ayèŋgòwɛ̀ ò wòhwe wò awu ò lìinà la ama Yerzù, aŋga nanù Lohwɛ̀ a hwà làkìrzɛ̀ wòhwe wò awu. Hwa wòteya lì òhwa Ŋmɛ̀ndì mò Gbamù ò Jèrurzalɛ̀mù.

Ròmànì 12:21

Tɔ̀ mòtò a rzi keka lì emeyà nanù ema wòhwe wò mò kànèyà. Ndi inyɛ gbaamù wò anyu wò rzuwane wòhwe.

Ròmànì 10:21

Ndi Àyìrzayà à mà òhwa lì hvòmɛ̀nɛ̀ hwatò hwa Irzàyɛ̀lì nanù ema Lohwɛ̀ à mà òhwa nanù ema, “Nà ma òma màà mà ami wùnyà wò arzɛ aŋga nanù hwatò hwa ami hwa nò timbeya. Ndi hwa hwèlì maniya ndèŋgànà hwa rza nò hweyàna.”

Lukàrzɛ̀ 19:10

È Ŋmanà wà è Mòtò wà Hwènàmà, à jelì ndi ò lì àrza hwaŋga hwatò ema hwa mà wɔ̀, nà ò lì hwa rzùŋgà.”

Lukàrzɛ̀ 13:34

Jììyeyi! Ìi hwatò hwa Jèrurzalɛ̀mù, è òŋwi hwà-òhwèlì hwa hwèlìŋgɛ̀, ndeŋgàna è mà òŋwa hvɛ hwaŋga hwatò ema Lohwɛ̀ a è òmelì na mànyayi! Nà ma kèka lì è rzàŋgà ihvònda ja arzɛ, nàa e ŋmalì wà wuhwà a gbìyàmànà ìŋguma ja eni ndì e rza emèlì!

Yòwanìrzɛ̀ 5:32

Ndi ò hwèlì ò hvɛhvɛ ema a ò nò tɛmeya mbòŋgi, na hwi hvɛ nanù ema màmɛ a òhwa lì nò hvòmɛ̀nɛ̀ e emànɛ̀lɛ̀hwɛ̀.