Yòwanìrzɛ̀ 5:14 - Mokpwe: Bakwery (New Testament)

¹⁴ O mburzà ya hvònda Yerzù à mà ɛnɛ òŋgò mòtò ò Ndawò yà Lohwà. Nà òma à mà mò ɛnɛ rzìi a mò òhweyà nanù ema, “Onò òkànèyà tɛ, nàŋgɛ nanù ò ma wɔ̀wìrzɛ̀hwɛ̀ ò rzi gbeyà hvɛ hweyà hwe wòhwe. Èhwanja ò gbèyi hvɛ tɛ wòhwe, ò taka lì aka nanù.”

Yòwanìrzɛ̀ 5:14 Referans Kwoze

Yòwanìrzɛ̀ 8:11

Oŋgò mòlanà à mà mò alàhwɛ̀ nanù ema, “Wa èluhwe kòkò, tɔ̀ mɔ̀kɔ.” Yerzù rzìi a mò òhweyà nanù ema, “Tɔ̀ imba hvɛ na rza ò tùulɛ̀. Ɛ̀ndɛ nàŋgɛ ò hwɛmɛ lòŋgɛ lì aŋgɔ̀ la wòhwe.”

Matiyò 12:45

Èŋge èlìŋgɛ̀ e ɛ̀ndɛ̀ ò lì jànà hwehvɛhvɛ hwèlìŋgɛ̀ hwe wòhwe lìrzambà, ema hwe hwèlì wòhwe lì mò àka, rzìi hwe jà ò lì kpèeyà òŋgò mòtò, rzìi hwe arzɛ̀kɛ̀lɛ̀ aŋga. Lìŋgi lìrzàkò rzɔ, òŋgò mòtò a hwɛ wòhwe lì aka mamɛ à mà lòme lì hwɛ. O èŋgànɛ̀lɛ̀, nanù ndi e ò gbèyɛ̀nɛ na ene nyɔ̀ŋgɔ̀nì ya yàwònò.”

Makòrzì 2:5

Nà òmà Yerzù a mà ɛnɛ̀ lìlòkɛ̀ la awu, rzìi a òhweyà òŋgò mòtò wà njɛmbu nanù ema, “Ŋmanà wà amì, nà ma ò làkìrzɛ̀ wòhwe wò aŋgɔ.”

Yòwanìrzɛ̀ 5:5

Ò mà hwɛ mòtò mɔ̀kɔ aŋga ema à mà indana e nyambɛ rzàyiyàwò ja meya na hwàmbi.

1 Pètrò 4:3

Inyɔ e ma hvaŋga hvonda rzayi-rzayi o hvonda ema e ma aka, o lì gbeyà mamɛ ema hwatò ema hwa rza lòkɛ̀ Lohwɛ̀ hwa hvɔ̀rzì o lì gbeyà. Èŋge hvonda e ma aka. È mà lìya mòŋgɛ ma anyu o mòrzònje, e ma hwɛnɛ nyɔ̀ŋgi o mèèmà o lì gbeyà hweyà hwe wòhwe, e ma hwɛ lì nyɔ mììmbà o lì woma, e ma hwɛ lì aŋga indèma ema hwatò hwà mà hwɛ lì nyɔ mììmbà na lì woma rzìi hwa a gbeyà hweyà hwe wòhwe, ndèŋgànɛ̀lɛ̀ e ma hwɛ hvɛ lì kànɛlɛ̀lɛ̀ mahvɛhvɛ màlohwà.

Yòwanìrzɛ̀ 5:13

Ndi è mòtò ema à mà wɔ̀wìrzɛ̀hwɛ̀ à rzi hwiye njɛnɛ Yerzù à hwèlì nà òma Yerzù mɔ̀hvɛ à mà kpèeyà ò èŋge ŋgìndì ema è mà hwɛ aŋga.