Yòwanìrzɛ̀ 5:10 - Mokpwe: Bakwery (New Testament)

¹⁰ Nà òma hwàkànèlì hwa wònyà Yudà hwa mà ɛnɛ òŋgò mòtò ema Yerzù à mà wɔ̀wìrzɛ̀ rzìi hwa mò ijòwa nanù ema, “Wùùnyà wò yàwònò wò hwèlì ndi Wùùnyà wò lì Arzìyòlɛ̀. È hwèlì ndi eyà è teŋgɛ̀nɛ̀ è mbenda ema ò hwanɛ̀ lìkɔ̀kɔ̀ lì aŋgɔ̀ nà lì ahwànà.”

Yòwanìrzɛ̀ 5:10 Referans Kwoze

Yòwanìrzɛ̀ 9:16

Lòŋgò la Ihvàlìrzàyì rzìi hwa wòteya lì òhwa nanù ema, “È mòtò ema a gbèyi ene eyà a rza tànɛyi lì uwɛ̀lɛ̀lɛ̀yi òma Lohwà, èhwanja a rza ika e mbenda ya Wùnyà wò lì Arzìyòlɛ̀.” Rzìi hwanɛ̀yi hwa wòteya lì òhwa nanù ema, “Nɛ mòtò ema a hwèlì mòtò wa wòhwe a tànɛyi lì gbeyà ini nyayi ja mànyakà ma eyà e?” Hwà mà akahwanɛ̀ wɔ̀ na wɔ̀.

Lukàrzɛ̀ 6:2

Lòŋgò la Ihvàlìrzàyì na òmà hwà mà ɛnɛ nanù, rzìi hwa wòteya lì ijòwa nanù ema, “Mamɛ ndeŋgàtɛ inyɔ è gbeyà hweyà ema è mbenda e rzà òhwɛ ema e gbèyè ò Wùnyà wò lì Àrzìyòlɛ̀ e?”

Lukàrzɛ̀ 13:14

È mòkànèlì wà èŋge ndawò ya màkanɛ̀ yà wònyà Yudà à mà tàta èhwanja Yerzù à mà wɔ̀wìrzɛ̀ òŋgò mòlanà ò Wùnya wò lì Arzìyòlɛ̀. Rzìi à òhweyà hwatò nanù ema, “O hwèlì mèenyà mòtòhwa me èwòlò. È arza tɛ lì wɔ̀wìrzɛ̀hwɛ e je ndi mèŋge menya, rzeketɛ ò Wùnya wò lì Arzìyòlɛ̀.”

Makòrzì 3:4

Rzìi à hwa ijòwa nanù ema, “Mamɛ è hwèlì e mbenda ò Wùnyà wò lì Arzìyòlɛ̀ e? O lì gbeyà gbamù ŋga wòhwe. O lì rzùŋgà lòŋgɛ la mòtò ŋgà ò lì mò òŋwa e?” Ndi wɔ̀ hwa arzɛ hwa mà kina.

Makòrzì 2:24

Ihvàlìrzàyì rziì jì ijòwa Yerzù nanù ema, “Ɔ̀ŋgɔ tɛ! Mamɛ ndeŋgàtɛ hwà-òkòwèlì hwa aŋgɔ hwa gbeyà eyà ema è mbenda e rzà ŋgbèlɛ wònjà ò lì gbeyà ò Wùnya wò lì Arzìyòlɛ e?”

Yòwanìrzɛ̀ 5:16

Rzìi hwaŋga hwatò hwa wòteya lì wòŋgìrzɛ̀nɛ̀ lì gbeyà Yerzù wòhwe, èhwanja à mà wɔ̀wìrzɛ̀ ndi òŋgò mòtò ò wùnyà wò lì arziyòlɛ.

Yòwanìrzɛ̀ 7:23

È hwèlì tɛ ema mòtò à endàhwà ò wùnyà wò lì arziyòlɛ, aŋga nanù ò ma hwà mà unda e mbenda yà ama Mòrzè. Yaa mamɛ ndèŋgàtɛ̀ e nò tatana èhwanja na wɔ̀wìrzɛ̀ mòtò ò wùnyà wò lì arziyòlɛ e?

Lukàrzɛ̀ 23:56

Hwàŋga hwalanà hwa mà tìmba ò màndawò mà awu, ò lì wòŋgirzɛnɛ lìyɔki nà hwèlòŋgìrzànì hwe lì rzeeya èèmbè yà ama Yerzù. Wòŋgò wùnyà wò mà hwɛ ndi wùnyà wò màkanɛ̀, ò Wùnya wò lì Arzìyòlɛ̀ hwa mà à arzìyòlɛ nàa è mbenda yà ama wònyà Yudà è òhwì.

Matiyò 12:10

O ma hwɛ mòtò mɔ̀kɔ aŋga ema à mà ɔ̀kirzɛ̀ mɔ̀ɔ̀ mò njɛmbu. O ma hwɛ hvɛ hwatò aŋga e ma hwa ma hwɛ lì arza ò lì rzɔ̀ɔ̀ Yerzù njɔ̀mì. Rzìi hwa mò ijòwa nanù ema, “È mbenda e arzu e ŋgbelì wònja ema mòtò a wɔ̀wìrzɛ̀hwɛ ò Wùnya wò lì Arzìyòlɛ̀ e?”

Yòwanìrzɛ̀ 1:19

Hwàmbaki hwa hwatò hwa wònyà Yudà ò e mbòwà ya Jèrurzalɛ̀mù hwà mà òma lòŋgò la Pìlìrzì na lòŋgò la hwatò hwa lìtumba la ama Lɛ̀hvì òma Yòwanìrzɛ̀ ò lì mò ijòwa nanù ema, njɛnɛ mɔ̀ à hwèlì.

Yòwanìrzɛ̀ 5:11

Rzìi à hwa alàhwɛ̀ nanù ema, “È mòtò ema à nò wɔ̀wìrzɛ̀ mɔ̀ ndi à nò òhwèlì nanù ema, ‘Hwanɛ̀ lìkɔ̀kɔ̀ là aŋgɔ̀ ò ɛ̀ndɛ.’”

Yòwanìrzɛ̀ 5:15

Rzìi òŋgò mòtò a ɛ̀ndɛ lì òhweyà hwatò hwa lìkànèyà là wònyà Yudà nanù ema Yerzù ndi à mò wɔ̀wìrzɛ̀yi.