Yòwanìrzɛ̀ 3:36 - Mokpwe: Bakwery (New Testament)

³⁶ Tɔ̀ ima mɔ̀ ema a lòkɛ̀yì òŋgò Ŋmanà wa eni a hwɛnɛ lòŋgɛ la gbìndèyà, ndi tɔ̀ ima mɔ̀ ema a rza gbeyà na òma Mɔ̀ a òhwi, a rza luwa lòŋgɛ la gbìndèyà, a ò timba ndi lì luwa hvɛ e kɔ̀kìrzɛ̀ ya ama Lohwɛ̀.

Yòwanìrzɛ̀ 3:36 Referans Kwoze

Yòwanìrzɛ̀ 5:24

“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.

Yòwanìrzɛ̀ 1:12

Ndi e wɔ̀ ema hwà mà mò kàrzɛ na lì mò lòkɛ̀ hwanu ndi à mà ŋgbèe è wònjà ò lì hwɛ hwàànà hwa ama Lohwɛ̀.

1 Tɛ̀rzàlonìyà 5:9

Lohwɛ̀ à mà tɛ̀yirzɛ nanù ema a jo rzùŋgà o lì akeyà na Rzàŋgo wa arzu Yerzù Krirztò. A rzi jo tɛ̀yirzɛ nanù ema hwètàtò wa eni hwe o jo rzihweyà.

Ɛ̀hvìrzìyà 5:6

Tɔ̀ mòtò a rzi keka lì e ɔ̀njɔ na mbɔrzi ya èèti. Lohwɛ̀ a o kɔ̀kìrzɛ̀ hwatò ema hwa rza gbèeyà na oma mɔ̀ à àrzeyà, ndi hwa gbeyà ndi hwene hweyà hwe wòhwe.

Ròmànì 5:9

Je imanɛlɛhwɛyi na Lohwɛ̀ èhwanja màyija ema Yerzù a jò kòmelì. È hwèlì tɛ nanù ema màyija ema Yerzù a jò kòmelì mɔ̀ ndi ma jò gbèyi nanù ema Lohwɛ̀ a jò emeyà ò wòrzò wò eni. Rzeke ene e jò uŋmɛ̀lɛ̀ nanù ema Krirztò a ò jò òŋgirzɛ ò hwètàtò hwe ama Lohwɛ̀ e?

Yòwanìrzɛ̀ 8:51

Nà e òhweyà e jɔ̀kɛ̀ ema tɔ̀ ima mòtò ema a ika i mbenda ja ami, mɔ̀ à rza ɛnɛ e kpelì.”

Yòwanìrzɛ̀ 10:28

Nà ŋgbà mɛ̀ɛlɛ̀ŋgù me ami lòŋgɛ là gbìndèyà, ò èŋgànɛ̀lɛ̀ me rza ŋwa tɔ̀ wùnyà. Tɔ̀ mòtò arza tànɛyi lì nò hvùmana e meyɔ ò lìya la ami.

Yòwanìrzɛ̀ 3:3

Yerzù rzìi à mò alàhwɛ̀ nanù ema, “Imba nà ò òhweyà ndi è jɔ̀kɛ̀ ema ò rza enje tɔ̀ mòtò tɔ̀ mɔ̀kɔ ema à ò kpèeyà ò lìkànèyà là ama Lohwɛ̀ à rza ŋyààhwì tɛ mòhvènya.”

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”

1 Tɛ̀rzàlonìyà 1:10

Hwa ohwa hvɛ nà oma inyɔ è ambɛ̀lɛ̀lɛ̀ hwèjèelì hwe è Ŋmanà wà ama Lohwɛ̀ ema à uwɛ̀lɛ̀lɛ̀yi ò ŋmanyu yà lohwà. Oŋgo Ŋmanà wà ama Lohwɛ̀ Yerzù, ema à jò rzùŋgi ò è kɔ̀kìrzɛ̀ yà ama Lohwɛ̀ ema è jà, mɔ̀ ndi Lohwɛ̀ à mà hvùmùlɛ̀.

Gàletìyà 3:10

Hwàŋga ema hwa ika mèèmà mè awu ò lì oŋgama è mbenda hwa lìya ndi ò rze yà mòjèmà. Èhwanja e tìlahwì o kààtì yà ama Lohwà nanù ema, “Mojema mò ò hwɛ nà tɔ̀ ima mòtò ema à rza ika imbenda ja arzɛ ema i tìlahwì ò tenì yà è kààtì yà ama Lohwɛ̀.”

Ròmànì 8:1

O nàŋgɛ, Lohwɛ̀ a rza tùulɛ̀ mòtò ema a hwèlì na Yerzù Krirztò ŋmàŋgò.

Lukàrzɛ̀ 3:6

Àŋga ndi è mòtò wà àrzɛ à ɛnɛ nà òmà Lohwɛ̀ a òŋgìrzɛ hwatò hwa eni.”

Hibrù 10:29

Mòtò a rza wowi tɛ e Ŋmanà wà mùnyanà wa ama Lohwɛ̀ nàa tɔ̀ eyà, nanù oma mɔ̀ à rza wowi màyija ma yòòmbò ya ama Lohwɛ̀ ema mà mo gbèyi ema a hwɛ worzaŋgi nàa tɔ̀ eyà. Ndèŋgàna e hwèlì tɛ ema mɔ̀ à hwɛnyɛ Èlìŋgɛ̀ ema e jànà ndèli nɛ rzɔ e kɔ̀kìrzɛ̀ ya ama ene nyayi ya mòtò e tànɛyi lì hwɛ e?

Hibrù 2:3

Nɛ rzɔ, inyɔ e ɔ̀ŋgɛ̀lɛ̀ nanù ema irzɔ i tànɛyi lì hwaŋga ene e kɔ̀kìrzɛ̀, e hwèlì tɛ nanù ema irzɔ̀ i rza hwɛni tɛ e hvonda na mono ŋmɛ̀ndì mò gbamù e? Mono ŋmɛ̀ndì mò gbamù, mɔ̀ ndi mo jànà ene tumba mòrzùŋgèlì. È Rzàŋgo Yerzù mɔ̀ ŋmitɛ ŋmitɛ ndi à lomi lì ohweyà hwatò lì hvomɛ̀nɛ̀ mono ŋmɛ̀ndì mò gbamù. Ndeŋgànɛ̀lɛ̀ hwatò ema hwà mà hweya hweyà ema mɔ̀ à mà ohwe, hwà mà jo gbeyà irzɔ o lì rzɔ̀ŋgìtɛ̀nɛ̀ nanù ema hweŋge hweyà hwe ma hwɛ ndi e jɔ̀kɛ̀.

Ròmànì 4:15

Èya ema e mbenda è gbeyà e hwèlì ndi ò lì jàneyà hwatò hwètàtò hwe ama Lohwɛ̀. Ndi ò rzà ènje tɛ mbenda, ò rzà enje lì unda la mbenda.

Lukàrzɛ̀ 2:30

Èhwanja mììrzɔ̀ ma amì ma mà ɛnɛ è mòòŋgìrzèlì.

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Makòrzì 16:16

Tɔ̀ ima mòtò ema à lòkɛ̀yi rzìi a lùhwìrzɛ̀hwɛ̀ à ò kɔtɔ̀wɔ. Ndì tɔ̀ ima mòtò ema a rza lòkɛ̀ a ò kɔkìrzɛhwɛ̀.

Yòwanìrzɛ̀ 4:36

Tɔ̀ nàŋgɛ nanù, è mòrzàŋgèlì wa mbòtà a lùwa ìitàŋgi ja eni, mɔ̀ à rzàŋga e mbòta ya lòŋgɛ la gbìndèyà, aŋga nanù e mɔ̀ ema a òni e mbòtà, nà è mɔ̀ ema à rzàŋga è mbòtà wɔ̀ hwahwàkɛ hwa ò òka mɔ̀nyɛ̀ŋgì.

Yòwanìrzɛ̀ 6:58

O èŋgànɛ̀lɛ̀ imba ndi nà hwèlì èhvòòtò ema è uwɛ̀lɛ̀lɛ̀yi ò ŋmanyu yà lohwà. Nà rza enje ndi nàa èhvòòtò ema imbamba jà anyu ì mà lee tɔ̀ nɛ wɔ̀ hwa mà ŋwe. Ndi tɔ̀ njɛnɛ ema à ò lɛɛ è nyàmà nyò yà ami à ò hwɛnɛ ndi lòŋgɛ ema lì rza ò kuwa.”

Hwègbèèlì 14:2

Ndi lòŋgò la wònyà Yudà ema hwà mà rzɔ̀rzɔ̀ ò lì lòkɛ̀, hwà mà hvuŋguwa hwaŋga hwatò ema hwa rza enje wònyà Yudà, rzìi hwa hwà hvaŋga mèèmà me awu ò lì teŋgɛ̀nɛ̀ hwàlòkèlì hwa ama Yerzù.

Hibrù 3:18

Hwa njɛ̀nɛ ema Lohwɛ̀ à mà ààtɛ̀ nanù ema hwa rza ò kpèeyà ò èki yà eni yà lì arziyolɛ ema à mà hwa kàkɛ̀nɛ̀ e? Rzeke è wɔ̀ ema hwa rzi mò hweyànɛ̀ e?

Hibrù 3:19

Ò eŋgànɛ̀lɛ̀ rzɔ, irzɔ jè ɛni nanù ema hwa rzi tànɛ lì kpèeyà ò eŋge èki yà lì arzìyolɛ, èhwanja hwa rzi lòkɛ̀ Lohwɛ̀.