Yòwanìrzɛ̀ 19:4 - Mokpwe: Bakwery (New Testament)

⁴ Pìlatò rzìi à wurza hvɛ ò èwòka rzìi à òhweyà hwaŋga hwatò hwa arzɛ nanù ema, “Nà è wùrzìrzɛ̀lɛ̀ è mɔ̀ nàŋgɛ, ndi è hvɔ̀ŋgɛ̀ kɔ̀yi-kɔ̀yi nanù ema nà rza mò lùwànì tɔ̀ njɔ̀mì.”

Yòwanìrzɛ̀ 19:4 Referans Kwoze

Yòwanìrzɛ̀ 19:6

Nà òma Ipìlìrzì ndɛnɛ nà hwàgbèèlì hwa Ndawò yà Lohwà hwa mà mò ɛnɛ rzìi hwa wòteyà lì tɛɛ nanù ema, “È mò wòmeyà ò mburza! È mò wòmeyà ò mbarza!” Pìlatò rzi à hwa alàhwɛ̀ nanù ema, “Inyɔ hwiti è mò wòwe è ɛ̀ndɛ, è mò wòmeyà ò mbarza, èhwanja nà rza mò lùwànì tɔ̀ njɔ̀mì.”

Yòwanìrzɛ̀ 18:38

Pìlatò rzi a mò ijòwa nanù ema, “Mamɛ e hwèlì jɔ̀kɛ̀ e?” Nà òma Pìlatò à mà kulɛ lì ijòwa Yerzù mene miijòwelì rzi a wurza hvɛ ò ewòka ò lì ùŋmanɛlɛ hwatò hwa Yudà. Rzìi à wa òhweyà nanù ema, “Nà rza lùwànì ò nò mòtò tɔ̀ njɔ̀mi tɔ̀ hvɔ̀kɔ ema na òhwa nanù ema hwa mò òŋwa.”

Lukàrzɛ̀ 23:4

Pìlatò rzìi à ayèŋgòwɛ̀lɛ̀lɛ̀ Ipìlìrzì ndɛ̀nɛ nà è ŋgìndì, rzìi à hwa òhweyà nanù ema, “Nà rza lùwànì ònò mòtò lìtìŋgà ò lì mò tùlɛ.”

Lukàrzɛ̀ 23:47

È mòtìmbèlì wà hwàànèlì hwa njùma, à mà ɛ̀nɛ mamɛ ya àrzɛ ema e ma gbèyɛ̀nɛ̀, à mà eka Lohwɛ̀ rzìi a òhwa nanù ema, “Ò jɔ̀kɛ̀, ò nò mòtò à mà hwɛ ndi mòtò wà gbamù.”

1 Yòwanìrzɛ̀ 3:5

Ndi inyɔ e hwi nanù ema Krirztò à mà jà o e rze ya mɔ̀nyɛ̀ o lì kulɛ wòhwe. Ndeŋgànɛ̀lɛ̀ inyɔ e hwi nanù ema mɔ̀ à rza ohvi tɔ̀ wòhwe.

1 Pètrò 3:18

Nà ohwi ene eyà nanù ehwànja Krirztò mɔ̀ hvɛ à mà taka na lì ŋwa o nyòla wòhwe wo arzu o ŋgèlì hvɔ̀kɔ o iŋgèlì ja arzɛ. A ma hwɛ ndi mòtò ema à mà hwɛ lì gbeyà hweyà ema Lohwɛ̀ a arza, ndi à mà ŋwa o nyòla hwatò hwa wòhwe. A ma gbeyà ndi nanù aŋga nanù irzɔ i uka o ma Lohwɛ̀. Hwàto hwà mà mo òŋwa ndi e nyàma nyo ya eni ya e mòtò wa hwènàmà ndi e ma ŋwa. Lohwɛ̀ à mà gbeyà èlìŋgɛ̀ ya eni o lì hwɛ lòŋgɛ.

1 Pètrò 2:22

Mɔ̀ a rzi gbeye tɔ̀ wòhwe, ndèŋgànɛ̀lɛ̀ o rzi hwɛ tɔ̀ mòtò ema à mà mo hweyàna eyà ya lì kɔ̀ o wàna ya eni.

1 Pètrò 1:19

Ndi inyɔ e ma kɔ̀tɔ̀wɔ̀ ndi na màyija ma wòlìtò ma ama Krirztò, mɔ̀ ema à mà hwɛ ndi nàa ŋguma mɔ̀lɛ̀ŋgù ema mo rzi hwɛnɛ tɔ̀ lìtònà tɔ lɔ̀kɔ ò nyo ya eni.

2 Kɔ̀rintìyà 5:21

Lohwɛ̀ à mà hvɔ̀rzɔ̀ Yerzù o lì taka o nyòla wòhwe hwa arzu hwa arzɛ ema i ma gbeyɛ. Yerzù a rza gbèyi tɔ̀ wòhwe tɔ̀ nɛ à mà emeyà o lì ŋwa o nyòla arzu. Lohwɛ̀ à mà jo làkìrzɛ̀ wòhwe wo arzu ndèŋgànɛlɛ a ohwi à mà i rza gbeyà wòhwe hvɛ na oma mɔ̀ hvɛ a rza gbeyà wòhwe.

Lukàrzɛ̀ 23:41

Ì rzɔ ja àŋgàmɛ̀nɛ̀yi lì ŋwa, ò hweyà hwe arzu hwe wòhwe ema ì gbèyi. Ò nò mòtò a rza gbèyi tɔ̀ eyà ya wòhwe.”

Matiyò 27:54

Ndì è mòkànèlì hwa hwàànà njùma na hwanɛ̀yi hwàànà njuma ema hwà mà hwɛ lì ɔŋgeya Yerzù, hwà mà ɛnɛ mònyìŋgìrzɛ̀nɛ̀ na mamɛ ya arzɛ ema e ma gbèyɛ̀nɛ hwa mà lɛ̀mbeya mòkambiya rzìi hwa òhwa nanù ema, “Nà e jɔ̀kɛ̀ ònò mòtò à mà hwɛ ndi è Ŋmanà wà munyanà wà ama Lohwɛ̀.”

Matiyò 27:24

Nà òmà Pìlatò a mà ɛnɛ nanù ema mɔ̀ à rzi tànɛyi ò lì gbeyà tɔ̀ eyà, ndèŋgànà ema ò tànɛyi lì hwɛ lùwànje, rzìi à wòwa màlìhwà à rzòrza màa me eni ò wòrzò wò e ŋgindi rzìi a òhwà nanù emà, “Maà mà ami ma rza enje ò e kpelì yà amà ònò mòtò. Ène eyà e ɔŋgɔ̀ ndi inyɔ.”

Matiyò 27:19

Nà òma Pìlatò à mà lìya ò kònda yà hwèkayirzelì, jòjìyɛ̀ wà eni à mà mò òmeya ŋmɛ̀ndì nanù ema, “Ò rzì kèka lì hwɛnɛ tɔ̀ eyà yà lì gbeyàna nà è mbakò yà ama òŋgò mòtò ema à rzi gbèyi tɔ̀ eyà yà wòhwe, èhwanja nà mò ɔ̀tɔ̀ ndɔ̀tɔ̀ wònò wuu eŋge ndɔ̀tɔ̀ è nò tàkìrzɛ̀ rzayì-rzayì.”

Matiyò 27:4

Jùdàrzì rzìi à òhwà nanù ema, “Nà gbèyi wòhwe, nà àhwirzɛ̀ mòtò ema a rzà gbèèyɛ̀ tɔ̀ eyà ya wòhwe. Mɔ̀ ònò naŋgɛ ema hwa hwɛni lì òŋwa ò ŋgundu.” Hwà mò àlahwɛ̀ hwà nanù emà, “Mamɛ e hwèlì e njɔ̀mì ya arzu aŋga e? Èŋge e hwèlì ndi è ya aŋgɔ̀!”

Hibrù 7:26

Yerzù mɔ̀ ndi à hwèlì èŋge tumba ya Pìlìrzì e Kàrzàmi ema a jo lɔ̀ɔ̀nì, èhwanja mɔ̀ à ondi na wòtani, a rza ohvi hvɛ tɔ̀ mehwɛlɛ, tɔ̀ wòhwe tɔ̀ wɔ̀kɔ wo rzi mo rzɔ̀ki. Mɔ̀ à mà akakowɛ o hwatò ema hwa gbeyà wòhwe, ndèŋgànɛ̀lɛ̀ a ikahwi o ŋmanyu ya e konda ndɛnɛ ya lìkànèyà o ŋmanyu yà lohwà.

Yòwanìrzɛ̀ 18:33

Pìlatò rzìi à kpèeyà ò ndawò yà eni à hwɛlɛ Yerzù, rzìi à mò ijòwa nanù ema, “Ò wà ndi ò hwèlì è Kiŋgɛ yà wònyà Yudà e?”