Biblia Todo Logo
Bib sou entènèt

- Piblisite -




Yòwanìrzɛ̀ 18:11 - Mokpwe: Bakwery (New Testament)

11 Yerzù rzìi à òhweyà Pètrò nànù ema, “Timbirzɛ è rzɔ̀lɔ̀ yà aŋgɔ̀ ò ekpa yà rzɔ̀lɔ̀. Nà rza hwɛnì lì taka ò mètàkà ema Tatɛ̀ à mà tɛ̀yirzɛ nanù ema nà mè luwe e?”

Gade chapit la Kopi




Yòwanìrzɛ̀ 18:11
22 Referans Kwoze  

Yerzù à mà tòmba ŋmanà hvòkà teŋyi, rzìi à ahvimbɛ nà lùùŋgà ò rze, rzìi à kanɛ̀ nanù ema, “Ìi Tatà wà ami, è hwèlì tɛ ema è tànɛyi tɛ lì gbèyɛ̀nɛ, ò nò ulɛ̀ ò tenì yà mònò mòtàkà. Ndi tɔ̀ nanù gbeyà ndi mamɛ è ò lɔ̀ɔ̀nì ndi rzeketɛ nà òma imba nà àrzeyà.”


Yerzù rzìi a hwa alàhwɛ̀ ama, “Inyɔ e rza hwi mamɛ ema e ijòwa. È tànɛyi lì àjùlɛ̀nɛ̀ mètàkà ema imba na ò hwɛnɛ e?” Wɔ̀ hwà mà mò alàhwɛ̀ nanù ema, “I tànɛyi.”


Yerzù rzìi a mò òhweyà nanù ema, “O rzi nò hwàkɛ lìya la aŋgɔ̀ èhwanja na rzìi timbi òma Tatɛ̀. Ndi ɛ̀ndɛ òma hwà-òkòwèlì hwa ami, hwa wònyanyàŋgò wa ami, ò hwa òhweyà nanù ema, na timbeya Tatɛ̀ wa ami ema a hwèlì hvɛ ndi Tatɛ̀ hwa anyu. Mɔ̀ ndi à hwèlì Lohwà la ami na Lohwà la anyu.”


È ikayi tɛ imbenda ja ami, aŋga ndi na e lìŋgàna nanù mɛnɛ. Nànù ndi imba hvɛ na hweyàni imbenda ja ama Tatà wa ami ndèŋgàna a nò lìŋgàni nanù mɛnɛ.


Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.


Hwɛ̀ɛkɛ hwe arzu hwe njùma ema i gbeyàna o lì anana hwe rza enje nyayi hvɔ̀kɔ nàa hwɛ̀ɛkɛ hwe njuma ema hwatò hwa ene rze hwa gbeyàna o lì anana e njuma. Ndi irzɔ i gbeyàna ndi hwɛ̀ɛkɛ hwe ŋginyà hwe ama Lohwɛ̀, o lì hvàŋga i ŋguwa ja ama hwàkɔ̀yèlì hwa arzu. Hwene hwɛ̀ɛkɛ hwe njùma hweyɔ ndi irzɔ i gbeyàna o lì ɔ̀tɛlɛ̀ metaŋgo me arzɛ me mòlàŋgà.


“Ìi Tatɛ̀, ò lìŋgànì tɛ, ò nò ulɛ̀lɛ̀ mònò mòtàkà mò ŋginyà. Ndi rzèkɛtɛ ò hwèlìŋgànèlì hwe amì, ndi ò hwèlìŋgànèlì hwe aŋgɔ̀.”


Yerzù a tìmba hvɛ ò lì kanɛ̀ rzìi a òhwa nanù ema, “Ìi Tatà wa ami, e hwèlì tɛ ema ò rza tanɛ lì nò wòwàna mònò muna mò mòtàkà ema na rzi mò hwanɛ inyɛ lì emeyà lì aŋgɔ̀ lì gbèyɛ̀nɛ.”


Ŋmɛ̀ndì ema jo òhwa, mo hwèlì ndi ŋmɛ̀ndì mo jɔ̀kɛ̀, ndèŋgànɛlɛ e ŋginyà ya ama Lohwɛ̀ yɔ ndi i gbeyàna o lì mo òhwa. Nà oma i gbeyà hweyà hwe gbamù, e ma gbeyà hwatò hwa rza ohvi tɔ̀ eyà ya wòhwe o lì jo rzambana.


Yerzù rzi à òhwa nanù ema, “Likànèyà là ami, lì rza enje ò ene rze. Lì mà hwɛ tɛ nanù, òma hwakutu hwa ami, hwa mà ana aŋga nanù o ma hwatò hwa ene rze hwa rzì nò akɛlɛlɛ ò màa mà wònyà Yudà. Ndi ò nàŋgɛ, Likànèyà là ami, lì rza enje là ene rze.”


Ìi Tatà ò nò ŋgbelì e wɔ̀, na arza nanù ema, hwa hwɛ na imba èki ema imba na hwèlì, aŋga nanù hwa ɛnɛ èluhwe ya ami. O ma nò ŋgbà èluhwe èhwanja ò ma nò lìŋgana ndèŋgàna e rze ye e wekahwa.


Hwenè hweyà ndi è mòtò wà ène rze a arza lì òhva. Ndi Tatɛ̀ wà ànyu a hwi ema e endèli hwenè hwèmà hwe arzɛ.


Swiv nou:

Piblisite


Piblisite