Yòwanìrzɛ̀ 13:5 - Mokpwe: Bakwery (New Testament)

⁵ O mburzà ya nanù, rzìi a rzɔlɛ malìhwa ò tenì ya ewòki ndɛnɛ. Yerzù rzìi a wòteya lì rzòrza mataŋgà mà ama Hwà-òkòwèlì hwa eni. Rzìi à titòwa mataŋgà mà awu na e tawelì ema à mà tìŋgɛ̀ ò wòluwe wò eni ò lì ma embirzɛ.

Yòwanìrzɛ̀ 13:5 Referans Kwoze

Lukàrzɛ̀ 7:44

À mà àyèŋgòwɛ̀lɛ̀lɛ̀ òŋgò mòlanà, rzìi a òhweyà Rzìmɔ̀nì nanù ema, “Rzeke ò ɛnɛ̀ ònò mòlanà e? Nà kpèelì ò ndawò ya aŋgɔ̀, ò rza nò ŋgbèlì tɔ̀ màlìhwa ò lì rzòrza màtàŋgà ma amì. Ndi ònò mòlanà mɔ̀, a rzòrzi matàŋgà ma ami, nà mììrzɔ̀lì ma eni. À mà ɛmbirzɛnɛ hvɛ nà lìhvùmbu la eni.

1 Tìmotì 5:10

Moŋgo mokurze mo molanà mo hwɛni ndi lì hwɛ molanà ema a hwiyɛnɛyi o hwègbèèlì wa eni hwe gbamù. A àŋgàmɛ̀nɛ̀yi ndi lì hwɛ molanà ema à mà màa lì woŋgohwa hwàànà gbamù, a kàrzɛ hwàyɛ̀nì gbamù o ndawò ya eni, a hwɛni lì arzìirzɛ, ema à mà gbèeyà hwatò hwa Lohwɛ̀ nyayi ema à mà hwɛ lì rzorza matàŋgà mà awu. A hwɛni hvɛ ndi lì hwɛ molanà ema à mà oŋgowanɛ hwatò ema hwà mà hwɛ o ndùtù, ndèŋgàna a hwɛni hvɛ lì aŋgbɛ ŋmìti o hwègbèèlì hwe gbamù.

Hwèwulùwèlì 7:14

Nà ma mo timbirzɛlɛlɛ nanù ema, “Ìi rzàŋgo kòkò, o wa ndi o hwi.” Rzìi à no òhweyà nanù ema, “Hwatò hwanù ema hwa karzo ò tenì ya metàkirzɛnɛ mendɛnɛ. Wɔ̀ hwà mà rzorza meŋgombe me awu na màyija ma ama e Ŋguma ya Mɔ̀lɛ̀ŋgù o lì me timbirzɛ mbɔ̀mi.

Hibrù 10:22

Inyɛ̀ i keke o lì ɛndɛ lì kombɛnɛ Lohwɛ̀ nà mèèmà mɔ̀kɔ na o lì mo ŋgbà mèèmà me arzu me arzɛ. Ène eyà e hwèlì ndi nanù èhwanja màyija ema Yerzù à mà kome o mbarza, mà rzaŋgirzɛ mèèmà me arzu. Mɔ̀ a timbi hvɛ o lì jo rzaŋgirzɛ na malìhwa ema mà rzaŋgi kɛɛŋgɛŋgɛ.

Ɛ̀hvìrzìyà 5:26

À mà hwa ŋwèeyà aŋga nanù hwa hwɛ worzaŋgi. À mà gbeyàna malìhwa nà è mbɔrzi yà eni ò lì rzaŋgirzɛ là arzàŋganɛ là hwatò hwa Lohwà.

1 Kɔ̀rintìyà 6:11

Nànù ndi lòŋgo là hwa inyɔ è mà hwɛ. Ndi inyɔ è mà rzàŋgìrzɛ̀hwɛ̀ ò wòhwe wò anyu, è emànɛ̀lɛ̀hwɛ̀yì nà Lohwɛ̀, è tɛmìrzɛ̀hwɛ̀yi ehve-ehve nà Lohwɛ̀ lì akeyà nà Rzàŋgo Yerzù Krirztò nà Èlìŋgɛ̀ yà Lohwà là arzu.

Hwègbèèlì 22:16

O naŋgɛ rzɔ, mamɛ ò wa ò hwèlì ò lì ambɛ̀lɛ̀ e? Tɛ̀mɛ̀nɛ̀ ò ŋmanyu ò emeyà nanù ema Yerzù a hwèlì ndi Rzàŋgò ya aŋgɔ̀, ndèŋgànɛlɛ hwa ò lùhwìrzɛ̀. Ène eyà e gbeyà Lohwɛ̀ a ò rzòrza wòhwe wò àŋgɔ.’”

1 Yòwanìrzɛ̀ 5:6

Yerzù Krirztò à mà jà ò rze. Hwa mà mò lùhwìrzɛ̀ nà malìhwa, ndi ò mburza hweŋweelì hwe eni ò mbàrza, rzi màyija mà eni mà kòmeyà ò rze. Rzeketɛ lì lùhwìrzɛ̀ là màlìhwa mɛnɛ ndi lì mà mò gbèyɛ̀nɛ̀, ndi è hvonda ema à mà ŋwe màyija mà eni ma mà kòmeyà ò rze. Èlìŋgɛ̀ yà Wòtani yɔ̀ ndi è jò uŋmɛ̀lɛ̀ nanù ema ene eyà è hwèlì ndi è jɔ̀kɛ̀, ehwànja Èlìŋgɛ̀ yà Wòtani è rza kɔ̀ɔ̀ hweyà.

1 Yòwanìrzɛ̀ 1:7

Ndi i hwɛni tɛ lòŋgɛ la ŋmàye, na oma mɔ̀ ŋmìti hvɛ a hwɛni, aŋga nanù i hwɛ mɔ̀kɔ na ɔ̀nɛyi, ndèŋgànɛ̀lɛ̀ màyija ma ama e ŋmanà wa eni Yerzù, ma jo rzàŋgìrzɛ̀ o wòhwe wo arzu wa arzɛ.

Yòwanìrzɛ̀ 19:34

Ndi tɔ̀ nanù ŋmanèlì wa njuma mɔ̀kɔ à mà mò uŋmana lìyɔ̀ŋgɔ̀ ò tòŋgòŋgò ya eni. Lìwòkìmɛnɛ rzìi màyija na malìhwa rzìi ma wurza.

Lukàrzɛ̀ 7:38

Òŋgò mòlanà à mà nòŋgama lì kòmbɛ̀nɛ̀ matàŋga mà ama Yerzù, rzìi à èya. Rzìi mììrzɔ̀lì mà eni mà à tìtìrzɛ̀ màtàŋgà mà ama Yerzù. Òŋgò mòlanà rzìi à tìtòwànà matàŋga mà ama Yerzù nà lìhvùmbu là eni là mòhvò. Òŋgò mòlanà rzìi a mà nyɔmbɔ matàŋgà ma amà Yerzù ò lì mò ŋgba èluhwe, rzìi a wòwa lìŋgi lìyɔ̀ki la hvɛ̀ɛ̀hvɛ̀ a mò nyàlɛ è lɔ ò màtàŋgà.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.

Yòwanìrzɛ̀ 13:10

Yerzù rzìi a òhwa nanù ema, “È mòtò ema à mà màa lì ɔkɔ, e nyò ya eni ya arzɛ e rzaŋgi, a rza àŋgàmɛ̀nɛ̀yi lì ɔkɔ hvɛ, e hwɛ ndi ema a rzòrza ndi mataŋgà mà eni mɛnɛ. È ma màa lì rzaŋga ndi rzeketɛ inyɔ hwa arzɛ ndi e rzaŋgi.”

Yòwanìrzɛ̀ 13:8

Rzìmɔ̀nì Pètrò rzìi a mò timbirzɛlɛlɛ nanù ema, “Jàyɛ̀, Rzàŋgò ò rza tànɛyi lì nò rzòrza mataŋgà mà ami.” Yerzù rzìi a mò òhweyà ama, “Nà rza ò rzòrzi tɛ mataŋgà mà ɔ̀ŋgɔ, ò rza hwɛnɛ tɔ̀ eyà ò lì no gbeyàna imba.”

Yòwanìrzɛ̀ 13:6

A ma ùke ò ma Pètrò, rzi Rzìmɔ̀nì Pètrò a mò ijòwa nanù ema, “Ìi Rzàŋgò kòkò, ò arza ndi lì nò rzòrza mataŋgà mà ami e?”