Yòwanìrzɛ̀ 12:9 - Mokpwe: Bakwery (New Testament)

⁹ Ŋgindi ndɛnɛ ya wònyà Yudà e ma hwèya nanù ema Yerzù a hwèlì ò e mbòwà ya Bɛ̀tanì. O èŋgànɛ̀lɛ̀ hwà mà ɛ̀ndɛ aŋga. Rzekɛ hvɛ tɛ ema Yerzù a hwèlì aŋga ndi ò lì ɛnɛ Làrzàrɔ̀rzì ema Yerzù à mà timbirzɛ ò lòŋgɛ.

Yòwanìrzɛ̀ 12:9 Referans Kwoze

Hwègbèèlì 4:14

Mòŋgò ŋmèmba mò hwàkàyìrzèlì mò rzi tanɛ lì òhwa hvɛ tɔ̀ eyà hvɛ èhwanja òŋgò mòtò ema Petrò na Yòwanìrzɛ̀ hwà mà wɔ̀wìrzɛ̀ à mà tɛ̀mɛ̀ aŋga na wɔ̀.

Makòrzì 12:37

È hwèlì tɛ ema Dàhwitì mɔ̀ ŋmìti à mà lòma lì mò hwɛlɛ Rzàŋgò, nɛ rzɔ è Mɔ̀ ema à Ɔ̀kirzɛ̀hwɛ̀yi a tànɛyi lì hwɛ e ŋmanà hwa eni e?” È ŋgìndì è ma hwɛ lì òkànèyà Yerzù nà mɔ̀nyɛ̀ŋgì mò rzayì-rzayì.

Yòwanìrzɛ̀ 12:1

Hweyu hwàmbi ndèŋgàna è Ndèma yà lì Akà Ɔ̀nɛ̀yi e uka, Yerzù à mà ɛ̀ndɛ ò Bɛ̀tanì, èki ema Làrzàrɔ̀rzì à mà lìya, e mòtò ema à mà hvùmùlɛ̀ ò kpelì.

Yòwanìrzɛ̀ 12:10

O èŋgànɛ̀lɛ̀ Ipìlìrzì ndɛnɛ i ma weka ŋmanò ò lì òŋwa hvɛ Làrzàrɔ̀rzì.

Yòwanìrzɛ̀ 12:12

O ɛnɛyi eyu, e ŋgìndì ndɛnɛ ema e ma ja ò Ndema ya lì Akà Ɔnɛyi e ma hwèya nanù ema Yerzù a hwèlì a ja ò mbòwà ya Jèrurzalɛ̀mù.

Yòwanìrzɛ̀ 12:17

È ŋgindi ema è mà hwɛ nà Yerzù è hvònda ema à mà hwɛlɛ Làrzàrɔ̀rzì ò rzɔ̀ŋgɔ̀ rzìi à mò timbirzɛ ò lòŋgɛ, wɔ̀ hwa mà hwɛ lì nyàlirzɛ̀ meŋge meyàŋgò.