Yòwanìrzɛ̀ 12:21 - Mokpwe: Bakwery (New Testament)

²¹ Hwà mà ɛ̀ndɛ òma Hvìlìpì. Hvìlìpì à mà uwɛ̀lɛ̀lɛ̀yi ò e mbòwà ya Bɛ̀trzàyìdà e hwèlì ò erzòòkà ya Gàlìlì. Rzìi hwa mò òhweyà nanù ema, “Ìi rzàŋgò kòkò, i arza lì ɛnɛ Yerzù.”

Yòwanìrzɛ̀ 12:21 Referans Kwoze

Matiyò 2:2

Hwaŋga hwàlaŋgà rzòmbe hwa mà ùke ò Jèrurzalɛ̀mù rzi hwa ijòwa nanù ema, “One òŋgò ŋmanà ema à ŋyahwì è Kiŋgɛ yà wònyà Yudà e? Ì ɛni è rzòmbe wàte, è jò uŋmɛ̀lɛ̀ nanù ema à ŋyàhwì. Ɔ̀ndeŋgàtɛ̀ ì jelì ò lì mò ŋgba èluhwe.”

Yòwanìrzɛ̀ 6:40

Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.

Matiyò 11:21

ò lì òhwa nanù ema, “Lìkunde lì ndɛnɛ̀ lì hwèlì lì e àmbɛ̀lɛ̀, inyɔ hwatò wa Kòràrzinì! Lìkunde lì ndɛnɛ̀ hvɛ nà hwatò hwa Bɛ̀trzàyìdà! Mànyakà ema Lohwɛ̀ a mà gbèye ò mbòwà yà anyu, ma mà gbèyɛnɛ tɛ ndì ò mbòwà yà Tàyi nà Rzidònì, hwaŋga hwatò ema hwa ma wɔtɔ̀ màatù ma màyɛ̀ɛhwɛ̀, rzìi hwa akòmɛ hvɛ lìwù ò inyò ja awù ò lì uŋmɛ̀lɛ̀ nanù ema hwa mà ayèŋgòwɛ̀ ò wòhwe wò awu.

Yòwanìrzɛ̀ 1:48

Nàtànìyɛ̀lì rzi à ijòwa Yerzù nanù ema, “Nɛ ò gbèyi ònò hwiyelì e?” Yerzù rzìi à mò alàhwɛ̀ nanù ema, “Tɔ̀ biyana Hvìlìpì à ò hwɛlɛ nà mà ò ɛnɛ ò rze yà gbèe wò ehvùma yà nyɔ̀hvinyà.”