Yòwanìrzɛ̀ 11:53 - Mokpwe: Bakwery (New Testament)

⁵³ Lìwòteyà èŋge hvònda, hwàkànèlì hwa wònyà Yudà hwa wòteya lì ŋya ŋmanò ò lì òŋwa Yerzù.

Yòwanìrzɛ̀ 11:53 Referans Kwoze

Hwègbèèlì 9:23

O mburza ya rzayi-rzayi ja mèenyà ema me ma aka, wònyà Yudà hwà mà arzàŋganɛ rzìi hwa wèka ŋmanò mò lì òŋwa Rzàwòlò.

Hwègbèèlì 5:33

Nà òma hwatò hwa wòŋgò wòlìya hwa mà hweye nanù hwà mà tata natɛ̀ɛ hwà mà arza nanù ema hwa òŋwe iŋgi àpɔ̀rzìtòlò.

Yòwanìrzɛ̀ 12:10

O èŋgànɛ̀lɛ̀ Ipìlìrzì ndɛnɛ i ma weka ŋmanò ò lì òŋwa hvɛ Làrzàrɔ̀rzì.

Yòwanìrzɛ̀ 11:47

Aŋga ndi Ipìlìrzì ndɛnɛ nà Ihvàlìrzàyì ja arzàŋganɛ ò ndòŋgamɛni, hwà mà òhwa nanù ema, “Mamɛ i gbeyà naŋgɛ e? I hwɛni lì gbeyà eyà èhwanja ònò mòtò a gbeyà hweyà rzayi-rzayi hwe mànyakà.

Makòrzì 14:1

Ò mà tɛɛnɛ mèenyà mehwàkɛ ò hvònda yà lì Akà Ɔnɛ̀yi nà ò e Ndèma yà Èhvòòtò ema è rza òhvɛ Èhwindi ò lì uka. Ipìlìrzì ndɛnɛ nà Hwà-òkòlèlì hwa mbenda hwa mà hwɛ lì arza ŋmànò mò lì ŋgbaŋgɛ Yerzù ò jùtuta ò lì mò òŋwà.

Makòrzì 3:6

Ihvalìrzàyì i mà wurza ò èwòkà, rzìi hwa ùŋmanɛlɛ hwatò hwa ehvehva ya ama Hɛ̀rɔ̀dì, rzìi hwa wòteyà lì arza ŋmanò nɛ wɔ̀ hwa tànɛyì lì òŋwa Yerzù.

Matiyò 26:59

Ipìlìrzì ndɛnɛ nà hwanɛyi hwèkàyìrzèlèlì hwa arzɛ hwà mà keka lì arza hwatò ema hwa hwà tɛmeya mbòŋgi ja mòlàŋgà lì hvòmɛ̀nɛ̀ Yerzù aŋga nanù a ò òŋwahwa.

Matiyò 22:46

Tɔ̀ mòtò tɔ̀ mɔ̀kɔ a rzìi tànɛyi lì mò alàhwɛ̀. Lìwòteya wòŋgò wùnyà lì ɛ̀ndɛ ò wòrzò, tɔ̀ mòtò tɔ̀ mɔ̀kɔ a rzìi mò ijòwa hvɛ tɔ̀ miijòwelì.

Matiyò 16:21

Lìwòteyà eŋge hvònda Yerzù à mà wòteyà lì nɔŋgeya Hwà-òkòwèlì hwa eni, lì hwa telɛlɛ ema a hwɛnì lì ɛ̀ndɛ ò Jèrurzalɛ̀mù. Aŋga a hwɛnì lì akeyà mètàkà jɔɔ-jɔɔ ò màà mà hwàmbaki hwa mbòwà, na Ipìlìrzì ndɛnɛ na Hwà-òkòlèlì hwa mbenda. A ma hwa òhweyà hvɛ ama a hwɛnì lì òŋwahwa rzìi ò menya meyàwò, à ò hvùmùlɛ̀hwɛ.

Matiyò 12:14

Nà òma ene eyà e mà gbèyɛ̀nɛ nanù, rzìi Ihvalìrzàyì i mà wurza ò ndawò yà màkanɛ̀ rzìi hwa wòteyà lì weka ŋmanò mò lì òŋwa Yerzù.

Matiyò 26:4

Aŋga ndi hwà mà hwɛ ò lì weka ŋmanò mò lì ŋgbaŋgɛ Yerzù ò jututa na ò lì mò òŋwa.

Yòwanìrzɛ̀ 7:1

O mburzà hwenè hweyà, Yerzù à mà lìŋgòwa hweki nà hweki ò erzòòkà ya Galìlì. A rza arze lì ɛndɛ ò erzòòkà ya Jùdeyà èhwanja lìkànèyà la wònyà Yudà lì ma kàkɛ̀nɛ̀ lì mò òŋwa.