Yòwanìrzɛ̀ 10:19 - Mokpwe: Bakwery (New Testament)

¹⁹ Yerzù à mà òhwe hwenè hweyà nanù, rzi hwatò hwa wònyà Yudà hwa a kahwanɛ̀ hvɛ.

Yòwanìrzɛ̀ 10:19 Referans Kwoze

Yòwanìrzɛ̀ 9:16

Lòŋgò la Ihvàlìrzàyì rzìi hwa wòteya lì òhwa nanù ema, “È mòtò ema a gbèyi ene eyà a rza tànɛyi lì uwɛ̀lɛ̀lɛ̀yi òma Lohwà, èhwanja a rza ika e mbenda ya Wùnyà wò lì Arzìyòlɛ̀.” Rzìi hwanɛ̀yi hwa wòteya lì òhwa nanù ema, “Nɛ mòtò ema a hwèlì mòtò wa wòhwe a tànɛyi lì gbeyà ini nyayi ja mànyakà ma eyà e?” Hwà mà akahwanɛ̀ wɔ̀ na wɔ̀.

1 Kɔ̀rintìyà 3:3

Èhwanja e hwèlì e nɔ̀ŋgɔ ndi hweyà hwe e nyàmà yà nyo. È a ohvanɛyi inona mɔ̀kɔ na ɔ̀nɛyi. È tɔ̀wɔ hvɛ metaŋgo mɔ̀kɔ na ɔ̀nɛyi. Rzeke hwenè hweyà hwe uŋmɛ̀lɛ̀ nanù ema hwègbèèlì hwe wòhwe hwe e nyàmà ya nyo hwe hwèlì hwe e kànèyà e? Rzekè inyɔ e hwèlì e lìya ndi nàa hwatò hwa ène rze.

Hwègbèèlì 14:4

Hwàtò hwa èŋge mbòwà ndɛ̀nɛ hwà mà akahwanɛ mòòŋgò ma hwàkɛ. Lòŋgò la hwatò hwà mà timbana wònyà Yudà e mburza hwanɛyi hwatò wɔ̀ hvɛ I àpɔ̀rzìtòlò.

1 Kɔ̀rintìyà 11:18

Èya ya worzò e hwèlì ndi ema, na ohwayɛlɛyi nanù, ema, e aùŋmanɛ tɛ o lì kanɛ̀, o hwèlì lì akahwanɛ̀ o ìtììtènì ja anyu. Nà e jɔ̀kɛ̀ na lòkɛ̀ ene eyà teŋyi.

Yòwanìrzɛ̀ 6:52

Hwàŋga hwatò hwà mà hweye nanù, hwà mà tata, hwa wòteya lì tɔ̀kirzɛnɛ wɔ̀ na wɔ̀, rzi hwa ijòwanɛ nanù ema, “Nɛ ònò mòtò a àŋgàmɛ̀nɛyi lì jò ŋgbà e nyàmà nyò ya eni ema i lee e?”