Yòwanìrzɛ̀ 10:18 - Mokpwe: Bakwery (New Testament)

¹⁸ Tɔ̀ mòtò a rza tànɛyi lì nò wòwàna lòŋgɛ la ami. Imba na lì wɔ̀lɛ̀nɛ̀ ndi ò hwèlìŋgànèlì hwe ami. Nà òhvi hvɛ lìkànèyà ò lì ŋgbà lòŋgɛ la ami ndèŋgàna ò lì li wòwa hvɛ. Èya ene ema Tatɛ̀ a nò òhwèlì ema na gbeeye.”

Yòwanìrzɛ̀ 10:18 Referans Kwoze

Hibrù 2:9

Ndi irzɔ ja ɛnɛ nɛ Yerzù a hwèlì. O ŋmanà hvoka hvonda Lohwɛ̀ à mà mo gbeyà ema a rza ukɛ tɔ̀ i aŋgèlì. O nàŋgɛ, Lohwɛ̀ à mà mo ŋgba ŋmàye na èluhwe nàa kìŋgɛ ehwànja o lìtake ema mɔ̀ à lu na e kpelì ema a ŋwelì. Lohwɛ̀ mɔ̀ à mà jo uŋmɛ̀lɛ̀ e ndèli ya eni o e kpelì ya ama Yerzù a ŋwɛlɛlɛyì hwatò hwa arzɛ.

Tàyìtùrzì 2:14

Yerzù Krirztò à mà aŋgbɛ mɔ̀ ŋmìti o lì jo kɔ̀tɔ̀ o wòhwe wo arzu wo arzɛ. A ma jo gbèeyà o lì hwɛ hwatò ema hwa hwèlì wòtani, ndèŋgànɛ̀lɛ̀ à mà jo gbeyà o lì hwɛ hwatò hwa eni mɛnɛ, ema hwa ohvi e nyɔ̀ŋgi ya lì gbeyà hweyà hwe gbamù.

Yòwanìrzɛ̀ 10:17

Tatɛ̀ a nò lìŋgàni èhwanja na wòŋgìrzɛ̀nɛ̀yi ò lì ŋwa aŋga nanù na luwa lòŋgɛ lì ami hvɛ.

Yòwanìrzɛ̀ 14:31

Ndi e rze, e hwɛnì lì hwiya ema na lìŋgàni Tatɛ̀ wa ami, ɔ̀ndeŋgàtɛ̀ na hwɛnì ndi lì gbeyà mamɛ ya arzɛ e ma Tatɛ̀ wa ami à mà nò kànèyà ema na gbeye. “È je ja anjiye anù naŋgɛ.

Yòwanìrzɛ̀ 6:38

Èhwanja na rza uhwɛlɛlɛ ò ŋmanyu yà lohwà ò lì jà lì gbeyà hweyà na òma na lìŋgàni. Nà jelì ndi ò lì gbeyà na òma Tatɛ̀ wa ami ema a nò òmi a àrzeyà.

Yòwanìrzɛ̀ 15:10

È ikayi tɛ imbenda ja ami, aŋga ndi na e lìŋgàna nanù mɛnɛ. Nànù ndi imba hvɛ na hweyàni imbenda ja ama Tatà wa ami ndèŋgàna a nò lìŋgàni nanù mɛnɛ.

Yòwanìrzɛ̀ 10:11

“Imba ndi nà hwèlì e mɔ̀ɔŋgèlì wà gbamù wà mɛ̀lɛ̀ŋgù. È mɔ̀ɔ̀ŋgèlì wà gbamù wà mɛ̀lɛ̀ŋgù à wòŋgìrzɛ̀nɛ̀yi ò lì ŋwèeyà mɛ̀lɛ̀ŋgù ma eni.

Hwègbèèlì 3:15

O eŋgànɛ̀lɛ̀ rzɔ inyɔ e ma gbeyà e mòtò ema a jànà hwatò lòŋgɛ la jɔ̀kɛ̀ à mà òŋwahwa ndi Lohwɛ̀ à mà mò hvùmùlɛ̀ ò kpelì. Irzɔ hwiti i ma ɛnɛnɛ hweŋge hweyà na mìirzɔ̀ ma arzu.

Hwègbèèlì 2:24

Ndi tɔ̀ nanù Lohwɛ̀ à mà mò hvùmùlɛ̀ ò kpelì, a mò rzòlohwà hvɛ ò mòrziyò mò kpelì èhwanja e ma ambana e kpelì ò lì mò lɛmbɛ nàa mòtò wa hwèwòwà.

Yòwanìrzɛ̀ 5:30

“Nà rza tànɛ̀yi lì gbeyà eyà na è wònjà yà amì, na kàyìrzɛ̀ ndi na òma e Rzàŋgò a nò òhwèlì, ò èŋgànɛ̀lɛ̀ hwèkàyìrzèlèlì hwe tɛmi ehve-ehve, èhwanja na rza kàyìrzɛ̀ ndi na òma imba na arza, ndi na kàyìrzɛ̀ ndi na òma e mɔ̀ e ma a nò òmi a arza.

Hwègbèèlì 2:32

Lohwɛ̀ a mà hvùmùlɛ̀ òŋgò Yerzù ò kpelì ndèŋgàna irzɔ hwa arzɛ i hwèlì mbòŋgi nanù ema à mà hvùmuwa.

Yòwanìrzɛ̀ 19:11

Yerzù à mà alàhwɛ̀ nanù ema, “Ò rza hwɛnì wònjà ò ŋmanyu yà ami natɛ̀ɛ Lohwɛ̀ à ò ŋgbà eŋgè wònjà. Ò èŋgànɛ̀lɛ̀ rzɔ è mɔ̀ ema à nò àkɛ̀lɛ̀lɛ̀ ò màa aŋgɔ̀ à gbèyi wòhwe wò ndɛnɛ.”

Yòwanìrzɛ̀ 10:15

Nànù mɛnɛ ndi Tatɛ̀ wa ami a nò hwi, ndèŋgàna imba hvɛ na mò hwi. O èŋgànɛ̀lɛ̀ rzɔ na wòŋgìrzɛ̀nɛ̀yi ò lì ŋwèeyà mɛ̀lɛ̀ŋgù me ami.

Yòwanìrzɛ̀ 5:26

Nà òma Tatɛ̀ mɔ̀ ŋmìti a hwèlì lìwòndò la lòŋgɛ, nanù mɛnɛ hvɛ ndi à gbèyi è Ŋmanà wà eni lìwòndò la lòŋgɛ.