Hvìlɛ̀mɔ̀nì 1:13 - Mokpwe: Bakwery (New Testament)

¹³ Nà mà lìŋgàna nanù ema à hwɛ ndi nà imba, aŋga nanù à nò òŋgòwànà ò lì hwɛ ò èki yà aŋgɔ nàŋgɛ ema imba nà hwèlì anu hwèwòwà ò lìnà là ŋmɛ̀ndì mò gbamù.

Hvìlɛ̀mɔ̀nì 1:13 Referans Kwoze

Hvìlipìyà 1:7

Imba nà àŋgàmɛ̀nɛ̀yi lì ohva manù màlùtèyà o inyɔ hwa arzɛ èhwanja è hwèlì ò ŋmèma mò ami. Tɔ̀ nà oma nà hwèlì ò hwèwòwà, ndèŋgànɛ̀lɛ̀ nà oma nà ohwa hweyà lì hvomɛ̀nɛ̀ ŋmɛ̀ndì mò gbamù, nà ohwa nanù ema mono ŋmɛ̀ndì mò gbamù mò rza enje mòlaŋgà, mò hwèlì ndi è jɔ̀kɛ̀. Lohwɛ̀ à mà jò uŋmɛ̀lɛ̀ irzɔ hwa arzɛ è ndèli yà eni nà oma i mò gbèeyà.

Ɛ̀hvìrzìyà 3:1

Lìtiŋga lìni ema imba Pàwolò na e kanɛ̀lɛ̀lɛ̀. Nà hwèlì ndi e mòtò wa hwèwòwà èhwanja na hwèlì ndi mògbèèlì wa ama Yerzù Krirztò ndeŋga na e ohweyà eyà yà Lohwà.

1 Kɔ̀rintìyà 16:17

Nà oki mɔ̀nyɛ̀ŋgì na hwèjèelì hwe ama Rztɛ̀hvànàrzì Hvɔ̀tùnàtùrzì na Akàyìkùrzì. Wɔ̀ hwa jèelì èhwanja wɔ̀ ndi hwa àŋgàmɛ̀nɛ̀ lì gbeyà èwòlò ema inyɔ e hwɛnì lì gbeyà.

Hvìlɛ̀mɔ̀nì 1:1

Imba Pàwolò, mòtò ema nà hwèlì ò hwèwòwà o nyòla lìinà là ama Yerzù Krirztò imba ndi na tilì ini itita. Ŋmànyàŋgo wa arzu wa Krirztò Tìmòtì na imba je e omelì ikɔ̀mi. Hvìlɛ̀mɔ̀nì irzɔ jo ò kɔ̀mi e mbunda ya arzu wa ndìŋgɛ màlìŋgo ema wàhvɛ o gbeyà nyàyi hvɔ̀kɔ ya èwòlò ema irzɔ̀hvɛ i gbeyà.

Hvìlipìyà 2:30

È mo ŋgbe èluhwe ehwànja mɔ̀ à mà arza lì ŋwa, ndèŋgànɛ̀lɛ̀ a hvànji e kpelì, ehwànja a gbèeyà Krirztò. A ma gbeyà ndi nanù aŋga nanù a o no oŋgòhwànà o lì gbeyà èwòlò ema inyɔ hwiti e rzi tanɛ lì gbeyà.

Ɛ̀hvìrzìyà 4:1

O èŋgànɛ̀lɛ̀ rzɔ imba ema na hwèlì ndi nàa mòtò wa hwèwòwà èhwanja o nyòla èwòlò ema na gbèeya Rzàŋgo, nà è rzòrzòmèyà nanù ema hwɛ̀ɛ̀mɛ̀ hwe anyu hwe hwɛ ndi na oma Lohwɛ̀ a arza, na oma Lohwɛ̀ à mà e hwɛlɛ à mà e lìya.

Hvìlɛ̀mɔ̀nì 1:10

Ò èŋgànɛ̀lɛ̀ rzɔ nà ò rzòrzòmeyà ò nyòla ama Ònɛ̀rzìmùrzì. Mɔ̀ à hwèlì ndi nàŋgɛ nàa è ŋmanà wà ami. Imba ndi nà gbèyi ema à lòkɛ̀ Krirztò è hvonda ema à mà hwɛ nà imba anu ò hwèwòwà.

Hvìlɛ̀mɔ̀nì 1:12

Nà ò timbirzɛlɛlɛ è mɔ̀ nàŋgɛ, ndèŋgànɛlɛ mɔ̀ à hwèlì ndi mòtò ema imba nà lìŋgàni rzàyi-rzàyi.