Matiyò 5:3 - Mokpwe: Bakwery (New Testament)

³ “Mònàmɛ̀ nà hwatò ema hwa hwèlì mòlìrzà ò èlìŋgɛ̀, èhwanja hwa hwèlì ò rze yà Likànèyà la ama Lohwɛ̀.

Matiyò 5:3 Referans Kwoze

Lukàrzɛ̀ 18:14

Yerzù rzìi a òhwa hvɛ nanù ema, “Nà è òhweyà ema, ònò mòtò à mà tìmba ò ndawò yà èni rzìi a tɛ̀mɛ̀ ehve-ehve nà Lohwɛ̀, lì aka òŋgò Hvàlìrzàyì. Tɔ̀ njɛnɛ ema a akàrzɛ mɔ̀ ŋmìti, à rzìhwìrzɛ̀hwɛ̀. È mɔ̀ hvɛ ema arzihwirzɛ, a kàrzɛ̀hwɛ̀.”

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.

Lukàrzɛ̀ 11:28

Yerzù rzìi a mò alàhwɛ̀ nanù ema, “Mònàmɛ̀ mò hwɛ ndi nà hwaŋga ema hwa hweyà Eyà ya Lohwà, rzìi hwa gbeyà nà òmà ya òhwì.”

Matiyò 11:25

O èŋge hvònda Yerzù rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze ya mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò ma wunane hwàŋgà ema hwa òhvi mahwiye na hwaŋga hwatò ema hwa rzɔ̀ŋgìtɛ̀nɛ̀.

Lukàrzɛ̀ 4:18

“Èlìŋgɛ̀ yà ama è Rzàŋgò è hwèlì nà ìmba, èhwanja Lohwɛ̀ à nò hvɔ̀rzì, ò lì òhweyà mèlìrza me hwatò, Ŋmɛ̀ndì mò Gbamù. À nò òmì nà ŋmɛ̀ndì, ema hwatò ema hwa kakahwi ì ŋgɔ̀kɔ̀hwi hwa ò ulɛhwɛ ò iŋgi ŋgɔ̀kɔ̀hwi, ndèŋgàna hwaŋga hwatò ema hwa hwèlì ndima hwa ò ɛnɛ hwaŋga hwatò hvɛ ema hwa tàkàà ò màa mà hwahvɛhvɛ hwatò, imba nà hwa ulɛ̀ ò mèŋge mètàkà.

Makòrzì 10:14

Ndi nà òmà Yerzù a mà ɛnɛ èŋge eyà nanù, e mà mò tàtirzɛ rzìi a òhweyà hwà-òkòwèlì hwa eni nanù ema, “È hwɛ̀mɛ̀ hwàànà hwarzàlì hwa jè nà imba, è rzi hwa kekà, èhwanja ini nyayi ja hwatò ndi hwa hwɛnì Lìkànèyà la ama Lohwɛ̀.

Matiyò 13:16

Yerzù rzìi a ɛ̀ndɛ̀nɛ̀ e mbɔrzi ò wòrzò ò lì òhwa nanù ema, ‘Ndi inyɔ e nàmìrzɛ̀hwɛ̀ èhwanja e ɛnɛ hweyà ema e ɛnɛ ndèŋgànɛ̀lɛ̀ hvɛ e hwèya hweyà ema e hwèya.

Jèmìrzì 1:12

Mònàmɛ̀ mo hwɛ nà tɔ̀ ima mòtò ema à àjùlɛ̀ o tenì ya màkèkirzɛnɛ, ehwànja a kulɛ tɛ lì aka màŋga makèkirzɛ, Lohwɛ̀ a mo rzaweya morzawelì ema mo hwèlì ndi lòŋgɛ ema mɔ̀ à ohwi nanù ema a ŋgba hwatò ema hwa mo lìŋgàni.

Yòwanìrzɛ̀ 20:29

Yerzù rzìi a mò òhweyà nanù ema, “O lòkɛ̀ rzɔ ndì èhwanja ò nò ɛni e? Mònàmɛ̀ mò hwɛ na hwaŋga ema hwa rza ɛnɛ rzìi hwa lòkɛ̀yì.”

Matiyò 24:46

Mònàmɛ̀ mò hwèlì na òŋgò mògbèèlì ema rzaŋgò wa eni wa èwòlò a timbi tɛ rzìi a mò ùŋmanɛlɛ a gbeyà mamɛ ema à mà mò òhweyà nanù ema a gbèèye.

Jèmìrzì 1:10

Mòtò wa ama Krirztò ema a hwɛni wòlìto ò worzo wo hwahvɛhvɛ hwatò, a hwɛni lì lìŋga e hwèlì tɛ ema Lohwɛ̀ a mo rzìhwirzɛ. Nà ohwa ndi nanù ehwànja mɔ̀ à hwɛni lì kuwa ndi nàa mbonji ya hwèwùlè ema e hwèlì o wàŋga.

Hwèwulùwèlì 22:14

Mònàmɛ̀ nà hwaŋga hwatò ema hwa rzòrza mèŋgombe me awu, hwa o luwa è wònjà ya lì akeyà o lìyohva la kɔ̀tɔ̀ o lì kpèeyà o eŋge mbowà ndɛɛndɛ aŋga nanù wɔ̀ hwa o laa hwehvùma ema hwe gbeyà hwatò hwa hwɛ o lòŋgɛ natɛ̀ɛ na o gbìndèyà.

Hwèwulùwèlì 19:9

Èŋge aŋgèlì rzìi e no ohweyà nanù ema, “Tila nanù ema, mònàmɛ̀ na hwaŋga ema hwa yowɛhwɛyi o e ndèma ya lìhwa ya ama e Ŋguma ya Mɔ̀lɛ̀ŋgù.” Èŋge aŋgèlì rzìi e lata hvɛ o lì ohwa nanù ema, “Hwene hweyà hwe jɔ̀kɛ̀ hwe uwɛ̀lɛ̀lɛ̀yi ndi o ma Lohwɛ̀.”

Matiyò 25:34

È Kiŋgɛ a òhweyà e hwaa lìya la mòme nanù ema, ‘È jèe inyɔ ema e nàmìrzɛ̀hwɛ̀yi na e Tatɛ̀ wa ami! È jèe e wòwe mònàmɛ̀ mò lìkànèyà la ama Lohwɛ̀ ema mò ma màa lì e rzekahwɛlɛ natɛ̀ɛ na e hvònda ema mɔ̀ à mà wèkè e rze.

Matiyò 11:6

Mònàmɛ̀ na òŋgò mòtò ema a rza àyèŋgòwɛ̀ ŋmèma mò eni lì nò hvòmɛ̀nɛ̀.”

Matiyò 8:11

Nà è òhweyà ndi nanù ema, è hvònda ema o ò hwɛ ndèma ò lìkànèyà là ama Lohwɛ̀, rzayì-rzayì ja hwatò ema hwa rza kànɛ̀yi ò lì hwɛ aŋga hwa ò uhwɛ̀lɛ̀lɛ ɔ̀nɛyi nà wàteŋyi, ema hwa ò wòwɛ hwèki hwe awu hwe hwèlìyelì ò eŋge ndèma yà lìkànèyà là ŋmanyu yà lohwà nà imbamba ja arzu Abràhamù, Irzàkì, nà Jèkɔ̀bù.

Matiyò 3:2

“È rzɔnjɛ̀lɛ̀ hwègbèèlì hwe anyu hwe wòhwe, èhwanja lìkànèyà là ama Lohwɛ̀ lì mà kòmbɛ̀nɛ̀.”

Matiyò 19:14

Yerzù rzìi a hwa òhweyà ama, “È hwɛmɛ hwàànà hwarzàlì hwa jèe na imba e rzi keka lì hwa iŋga èhwanja ini nyayi ja hwatò ndi i hwɛnì lìkànèyà là ŋmanyu.”

Lukàrzɛ̀ 22:29

Nà òmà Tatɛ̀ wà amì a nò ŋgbelì è wònjà yà lìkànèyà, nanù ndi ìmba hvɛ na è ŋgbà.

Lukàrzɛ̀ 22:30

Ène e gbeyà è hwɛnì lì làa nà lì nyɔ nà ìmba èki yɔ̀kɔ ò lìkànèyà la amì. È ò lìya hvɛ ò mbòkò ja màkànèyà ò lì kàyìrzɛ̀ lìyòmɛ̀ la matumba nà mahwàkɛ ma wònyà Irzàyɛ̀lì.

Hwèwulùwèlì 3:17

Inyɔ e ohwa nanù ema, ‘È hwèlì ndi hwèwàŋgì, e ohvi hwèèmà hwe arzɛ, e rza takeya tɔ̀ yoma.’ Ndi inyɔ e rza hwi nanù ema e hwèlì ndi hwatò ema e taka rzayi-rzayi hwatò ema e okahwɛlɛ ìilì, hwatò ema e hwèlì mèlìrza, hwatò ema e hwèlì ndima ndèŋgànɛ̀lɛ̀ hwatò ema e hwèlì mèrzombo.