Matiyò 27:1 - Mokpwe: Bakwery (New Testament)

¹ O ekpa arzɛ ya wùnyà, Ipìlìrzì ndɛ̀nɛ̀ ja arzɛ nà hwàmbaki hwà mbòwà hwà mà gbeyà hwètɛ̀yìrzèlì lì teŋgɛ̀nɛ̀ nɛ hwa hwɛni lì òŋwa Yerzù.

Matiyò 27:1 Referans Kwoze

Makòrzì 15:1

O ekpaarzɛ ya wùnyà, Ipìlìrzì ndɛ̀nɛ, hwàmbaki hwa Irzàyɛ̀lì, hwà-òkòlèlì hwa mbenda nà hwatò hwa ndawò yà hwèkàyìrzèlì hwe kàrzàmì hwa mà hwɛnɛ hwèlìyelì. Hwà mà kaka Yerzù, hwa mò ɛ̀ndɛnɛ, rzìi hwa mò akɛlɛlɛ Pìlatò.

Yòwanìrzɛ̀ 18:28

Nàŋgɛ rzɔ hwatò hwa Yudà rzi hwa tìmba Yerzù hwa mò anjiyana ò ndawò ya ama Kàyìhvàrzì natɛ̀ɛ na ò màandà mà ama e Gɔhwina ya Ròmànì. Ènè, e ma hwɛ ndi ò ekpà ya arzɛ. Wɔ̀ hwà mà òka wɔ̀ŋgɔ̀ ò lì kpèeyà ò ndawò èhwanja hwa rzì arze nanù ema hwa ɛneya kɔ̀wu-kɔ̀wu ò wòrzò wò ama Lohwɛ̀ ò lì arza nanù ema hwa le mòlelì mò Ndèma yà lì Akà Ɔnɛ̀yi.

Lukàrzɛ̀ 22:66

Nà òmà wùùnya wò mà yahwe, hwàmbaki hwa hwatò hwa Irzàyɛ̀lì, Ipìlìrzì ndɛnɛ̀, nà hwà-òkòlèlì wa mbenda hwa mà hwɛnɛ hwèlìyelì, rzìi hwa jànà Yerzù ò hwèkàyìrzèlì hwe ndɛnɛ̀.

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Hwègbèèlì 5:21

Iŋgi àpɔ̀rzìtòlò i ma hweyàna rzìi ò eka ya elele hwà mà ɛ̀ndɛ rzìi hwa kpèeyà ò Ndawò yà Lohwà rzìi hwa wòteya lì òkòlɛ̀ hwatò. Nà òma e Pìlìrzì e karzami na hweyòrza hwe eni hwà mà kpèeyà hwà mà hwɛlɛ hwàmbaki hwa arzɛ hwa wònyà Yudà ò wòlìya wò hwatò hwa arzɛ hwa lìkànèyà la mbòwa. Rzìi hwa òma lìlò ò ndawò ya hwèwòwà nanù ema hwa hwà jàneyà I àpɔ̀rzìtòlò.

Lukàrzɛ̀ 13:1

Nà òma Yerzù a mà hwɛ lì òhwa nanù, lòŋgò la hwatò hwà mà hwɛ aŋga hwa mà mò òhweyà nɛ Pìlatò à mà òŋwe hwatò hwa Gàlìlì è hvònda hwa mà hwɛ lì ŋgbà màahweyà ma hwèembè òma Lohwɛ̀.