Matiyò 17:4 - Mokpwe: Bakwery (New Testament)

⁴ Pètrò rzìi a òhweyà Yerzù nanù ema, “Rzàŋgò ò lɔ̀wu na òma i hwèlì anù. O lìŋgàni tɛ nà òŋga màwòndò màyàwò, lɔ̀kɔ lì hwɛ ndi è là aŋgɔ̀, Mòrzè hvɛ lɔ̀kɔ, lìnɛyi hvɛ e là ama Èlàyijà.”

Matiyò 17:4 Referans Kwoze

Lukàrzɛ̀ 9:33

Nà òmà hwàŋgà hwatò hwààhwàkɛ hwa mà hwɛ lì hwɛ̀mɛ Yerzù, Pètrò rzìi a òhweyà Yerzù nanù ema, “Rzàŋgò wà àrzu kòkò, ò lɔ̀wu ema ì hwèlì anù. Inyɛ̀ jò òŋge màwòndò màyàwò anù. Ò wa lɔ̀kɔ, Mòrzè lɔ̀kɔ Èlàyijà mɔ̀ hvɛ̀ lɔ̀kɔ.” Pètrò à rzi hwiye hvɛ tɔ̀ mamɛ a mà hwɛ lì òhwa.

Yòwanìrzɛ̀ 17:24

Ìi Tatà ò nò ŋgbelì e wɔ̀, na arza nanù ema, hwa hwɛ na imba èki ema imba na hwèlì, aŋga nanù hwa ɛnɛ èluhwe ya ami. O ma nò ŋgbà èluhwe èhwanja ò ma nò lìŋgana ndèŋgàna e rze ye e wekahwa.

Hwèwulùwèlì 21:23

Ène mbowà ndɛɛndɛ e rza arza igbèyi tɔ̀ ŋmɛ̀ɛlì o lì e hvàyeya ehwànja èluhwe ya ama Lohwɛ̀ yɔ̀ ndi e hwèlì ŋmàye mo eni, ndèŋgànɛ̀lɛ̀ e Ŋgumà ya Mɔ̀lɛ̀ŋgù ndi à gbèyi nàa ètùlu ya eni.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.

Hvìlipìyà 1:23

Hwene hweyà hweahwakɛ hwe no tɛmelì o worzo, ndèŋgànɛ̀lɛ̀ e no ambani o lì hwiya e yɔ ema na hvɔ̀rzɔ̀. Nà lìŋgàni lì o hwɛmɛ lìni lòŋgɛ rzìi na hwɛ na Krirztò, ehwànja eŋge eyà e lɔ̀wu lì aka lì hwɛ anu rze.

Matiyò 17:3

Liwòkimɛnɛ Hwà-òkòwèlì hwa eni rzìi hwa ɛnɛ nà òma Mòrzè nà Èlàyijà hwà mà wurze rzìi hwa wòteyà lì òhwìrzɛ̀nɛ̀ Yerzù.

Yòwanìrzɛ̀ 7:2

Nàŋgɛ è Ndema yà Mawòòndò ya wònyà Yudà ema kòmbɛ̀nɛ̀.