Matiyò 10:7 - Mokpwe: Bakwery (New Testament)

⁷ È ɛ̀ndɛ, na òma e ɛndɛ, e òhwe ŋmɛ̀ndì nanù ema, ‘Lìkànèyà la e ŋmanyu yà lohwà lì ma kòmbɛ̀nɛ̀.’

Matiyò 10:7 Referans Kwoze

Hwègbèèlì 28:31

À mà hwɛ lì òhwa ŋmɛ̀ndì lì hvòmɛ̀nɛ̀ lìkànèyà là ama Lohwɛ̀ ndèŋganɛlɛ à mà hwɛ lì òkòlɛ̀ hwatò lì hvòmɛ̀nɛ̀ Rzàŋgò Yerzù Krirztò è rzi hwɛ lì òka tɔ̀ wɔ̀ŋgɔ̀, ndèŋgànɛlɛ tɔ̀ mòtò a rzi mò keka ò lì òhwa tɔ̀ eyà tɔ̀ yɔ̀kɔ.

Matiyò 3:2

“È rzɔnjɛ̀lɛ̀ hwègbèèlì hwe anyu hwe wòhwe, èhwanja lìkànèyà là ama Lohwɛ̀ lì mà kòmbɛ̀nɛ̀.”

Lukàrzɛ̀ 9:60

Yerzù à mà mò alàhwɛ̀ nanù ema, “Hwɛ̀mɛ̀ hwaŋga hwatò ema hwà mà ŋwɛ, hwa ìmeyà hwaŋga hwatò ema hwa ŋwelì. Ò wa ɛ̀ndɛ ò òhwèyà è rze Ŋmɛ̀ndì mò Gbamù mò Lìkànèyà là ama Lohwɛ̀.”

Matiyò 4:17

Lìwòtèyà è hvònda ema Yerzù à mà ɛ̀ndɛ ò erzòòkà ya Galìlì, Yerzù à mà wòteyà lì òhwa Eyà yà Lohwà nanù ema, “È rzɔnjɛ̀lɛ̀ hwègbèèlì hwe anyu hwe wòhwe, èhwanja Likànèyà la ama Lohwɛ̀ lì ma kòmbɛ̀nɛ̀.”

Lukàrzɛ̀ 16:16

Yerzù rzi a òhwa hvɛ nanù ema, “Hweyà ema hwe ma tìlahwa ò kààtì yà àma Lohwɛ̀, hwà-òhwèlì hwa hwèlìŋgɛ̀ wɔ̀ hvɛ hwà mà hwe òhwa ò è hvònda yà àma Yòwanìrzɛ̀ è Mòlùhwìrzèlì. Lìwòteya è hvònda yà àma Yòwanìrzɛ̀ natɛ̀ɛ nà nàŋgɛ, Ŋmɛ̀ndì mò Gbamù mò Lìkànèyà la ama Lohwɛ̀ mɔ̀ ndì mò òhwàhwàa. Tɔ̀ ima mòtò à kèkà ò lì àyìinɛ̀lɛ̀, ò lì kpèeyà ò tenì ya lìŋgi lìkànèyà.

Lukàrzɛ̀ 9:2

Rzìi à hwa òma ema hwa ɛ̀ndɛ hwa òhwe Ŋmɛ̀ndì mò Gbamù mò Lìkànèyà là ama Lohwɛ̀, nà lì wɔ̀wìrzɛ̀ hvɛ hwatò.

Makòrzì 6:12

Hwa mà ɛ̀ndɛ rzìi hwa òhwa Eyà ya Lohwà nanù ema, “Hwatò hwa ayèŋgòwɛ̀ ò wòhwe wò awu.”

Hwègbèèlì 10:25

Nà òma Pètrò à mà arze lì kpèeyà ò ndawò, Kɔ̀nɛlìyurzi à mà mò ùŋmànɛ̀lɛ̀, rzìi a mò kpèeya ò matàŋga, rzi a mò rzumeya mòòhvò mò eni ò rze ò lì mò ŋgba èluhwe.

Hwègbèèlì 4:2

Hwà mà tata rzayi-rzayi èhwanja Pètrò nà Yòwanìrzɛ̀ hwà mà hwɛ lì òkòlɛ̀ hwatò nanù ema, Yerzù à mà hvùmùwà. Ène ŋgàna e òhwa ndi nanù ema e wɔ̀ hwa ŋwelì hwa ò hwɛ ò lòŋgɛ̀ hvɛ.

Yòwanìrzɛ̀ 3:2

Wuu wɔ̀kɔ à mà ɛ̀ndɛ lì ùŋmanɛlɛ Yerzù rzìi a mò òhweyà nanù ema, “Ìi Mòòkòlèlì, irzɔ i hwi nanù ema ò hwèlì ndi Mòòkòlèlì ema a òmahwi na Lohwɛ̀. O rza enje tɔ̀ mòtò tɔ̀ mɔ̀kɔ ema a tànɛyi lì gbeyà manù mànyakà ma arzɛ ema ò gbeyà e hwèlì tɛ ema Lohwɛ̀ a rza enje na mɔ̀.”

Lukàrzɛ̀ 9:6

È hvònda ema Yerzù a mà kulɛ̀ lì òhwà, rzìi Hwà-òkòwèlì wa eni hwa wòteyà ò lì ɛ̀ndɛ mbòwà nà mbòwà tɛ. Hwà mà hwɛ lì òhwa Ŋmɛ̀ndì mò Gbamù, nà lì wɔ̀wìrzɛ̀ hvɛ hwatò, èki ya arzɛ.

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Matiyò 21:43

Yerzù a hwatɛ hvɛ ò lì òhwa nanù ema, ‘Ene ŋgàna e gbèyi imba na e òhweyà ema, hwa ò e wòwàna hwehvòlò hwe anyu ema inyɔ e òhvi nàa hwatò hwa lìkànèyà là ama Lohwɛ̀, rzìi hweŋge hwehvòlò hwe ò ŋgbààhwà hwatò ema hwa ò gbeyɛ mamɛ ema Lohwɛ̀ a arza.’”

Matiyò 21:31

Yerzù rzìi a ijòwa ipilìrzi ndɛnɛ nanù ema, “Ima mɔ̀ wa hwanù hwàna hwahwàkɛ à mà gbeyà mamɛ ema e rzaŋgò ya awu e ma arze e?” Hwà mà alàhwɛ̀ Yerzù nanù ema, “È ŋmanà wa wòrzò.” Yerzù rzìi a hwa òhweyà nanù ema, “Nà e òhweyà na e jɔ̀kɛ̀ ema, hwàrzàŋgèlì hwa e njàŋge yà lìkànèyà, na hwaŋga hwalanà hwa àkpàlà, hwa lòma lì kpèeyà ò lìkànèyà la ama Lohwɛ̀ ndèŋgànà inyɔ.

Matiyò 11:1

È hvònda Yerzù à mà kulɛ lì kòkòhwɛ̀lɛ̀ lìyòmɛ la eni la Hwà-òkòwèlì na hwahwakɛ, à mà anjiya aŋga lì ɛ̀ndɛ lì òkòlɛ̀ na lì òhwa Èya ya Lohwà ò mambòwà ema mà ma kòmbɛnɛ.

Matiyò 10:8

È wɔ̀wìrzɛ̀ e wɔ̀ hwa nyàmbɛ, e hvùmùlɛ̀ hwaŋga ema hwa ma ŋwɛɛ. È wɔ̀wìrzɛ̀ hvɛ tɔ̀ hwaŋga hwatò ema hwa òhvi i nyàmbɛ ja mɛ̀lɔ̀ŋgɔ. È hvàye hvɛ hwèlìŋgɛ̀ hwe wòhwe ò tenì ja nyò ja hwatò. Nà ma e ŋgbà e ŋginyà ya lì gbeyà hwene hweyà hwe arzɛ na rza ijòwi tɔ̀ itàŋgi, ò èŋgànɛ̀lɛ̀ inyɔ hvɛ e ɛndɛ e gbèèye nanù mɛnɛ, e rzi ijòwa tɔ̀ itàŋgi.