Makòrzì 9:7 - Mokpwe: Bakwery (New Testament)

⁷ Lìwòkìmɛnɛ lìmbàkì lì mà hwa lìŋga rzìi hwa hweyà lìlò lì òhwà ò tenì yà lìmbàkì nanù ema, “È Ŋmanà wa ami wa ndiŋgɛ ya màlìŋgò ònò e mò hweyàne.”

Makòrzì 9:7 Referans Kwoze

2 Pètrò 1:17

Irzɔ i ma ukeya aŋga na oma à mà hwɛ lì ŋgbààhwà èluhwe na ŋmàye na Lohwɛ̀ e Tatɛ̀. Lìlo lì ma uwɛ̀lɛ̀lɛ̀yi o ŋmanyu ema Lohwà ema lì Kàrzàmi lì ma mo òhweyà nanù ema, “È Ŋmanà wa ami wa munyanà wa ndìŋgɛ ya màlìŋgo òno ema a no òkirzɛ̀ imba mɔ̀nyɛ̀ŋgì.”

Matiyò 3:17

Lìlò lì mà òhwa ò ŋmanyu yà lohwà nanù ema, “È Ŋmanà wà ami wà ndìŋgɛ yà màlìŋgò ònò, à nò òkirzɛ imba mɔ̀nyɛ̀ŋgì.”

Makòrzì 1:11

Lìlò lì uwɛ̀lɛ̀lɛ̀ ò ŋmanyu yà lohwà rzìi lì òhwa nanù ema, “O wà ndì ò hwèlì è Ŋmanà wà amì wà ndìŋgɛ yà màlìŋgò, nà òki mɔ̀nyɛ̀ŋgì nà ò wà rzayì-rzayì.”

Hwèwulùwèlì 1:7

È ɔŋgɔ tɛ, à hwèlì à jà nà lìmbaki, ndèŋgànɛlɛ tɔ̀ ima mòtò à ò mò ɛnɛ, tɔ̀ hwaŋga hwatò ema hwa mà gbeyà ema à ŋwe nà oma hwa mà mò hvànɛ ò mbàrza. Màtumba mà arzɛ mà è rze yà mɔ̀nyɛ̀ hwa ò mò ɛhwɛ. Nànù mɛnɛ ndi è ò hwɛ, inyɛ è hwɛ nanù.

Hibrù 2:1

O eŋgànɛ̀lɛ̀ rzɔ, na oma irzɔ i hwi hwene hweyà, ja àŋgàmɛ̀nɛ̀yi ndi lì ika mèèmà me arzu o tɔ̀ ima eyà ema i hweyi aŋga nanù i rza eŋgama.

Yòwanìrzɛ̀ 20:31

Ndi hwenè hweyà hwe tìlahwì aŋga nanù e lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà Lohwà. O mò lòkɛ̀yì tɛ o ò luwa lòŋgɛ la gbìndèyà ò lìna la eni.

Yòwanìrzɛ̀ 6:69

Irzɔ i lòkɛ̀yì ndèŋgàna i hwi nanù ema ò wa ndi ò hwèlì e Mɔ̀ wa Wòtani ema a uwɛ̀lɛ̀lɛ̀yi ò ma Lohwɛ̀.”

Yòwanìrzɛ̀ 1:34

Nà mà ɛnɛ hwene hweyà hwe arzɛ, ò èŋgànɛ̀lɛ̀ nà tɛ̀mi mbòŋgi ò lì òhwa ema mɔ̀ ndi à hwèlì è Ŋmanà wà ama Lohwɛ̀.”

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.

Ròmànì 1:4

O hwehwɛ̀ɛlì hwe èlìŋgɛ̀, Lohwɛ̀ à mà uŋmɛ̀lɛ̀ ò lì akeyà nà màyìmbì ma Èlìŋgɛ̀ yà Wòtani nanù ema mɔ̀ à hwèlì ndi è Ŋmanà wà ama Lohwɛ̀, na òma à mà mò hvùmùlɛ ò kpelì. Oŋgò Ŋmanà a hwèlì ndi Rzàŋgò wa arzu Yerzù Krirztò.

Hwègbèèlì 8:36

Nà òma hwà mà hwɛ lì ɛndɛ, rzìi hwa uka èki ema e ma hwɛ malìhwa, rzìi eŋge yumɛ e òhwa nanù ema, “Ɔŋgɔ̀ malìhwà mà anu, ò rza nò lùhwìrzɛ̀ ŋgelì hvɔ̀kɔ e?”

Hwègbèèlì 7:37

Onò Mòrzè ndi à mà hwɛ è mɔ̀ ema à mà òhweyà wònyà Irzàyɛ̀lì nanù ema, ‘Lohwɛ̀ à è òmèya mòòhwèlì wà èlìŋgɛ̀, ema à ò uwɛ̀lɛ̀lɛ̀yi ndi ò ìtììtènì jà anyu, nyayi hvɔ̀kɔ nà òma à nò òmi.’

Hwègbèèlì 1:9

Ò mburza hvònda ema à mà òhwe nanù, rzìi Lohwɛ̀ à gbeyà à ɛndɛ ò ŋmanyu yà lohwà. Nà òma wɔ̀ hwa mà hwɛ lì mò ɔ̀ŋgɔ, lìmbaki rzi lì mò lìŋgà ò eŋgànɛ̀lɛ̀ hwa rzi mò ɛnɛ hvɛ.

Yòwanìrzɛ̀ 19:7

Hwàŋga hwatò rzìi hwa tìmbìrzɛ̀lɛ̀lɛ̀ Pìlatò nanù ema, “Ì òhvi mbenda ema jo òhwa nanù ema à hwɛni lì ŋwa èhwanja à òhwa nanù ema mɔ̀ ndi à hwèlì è Ŋmanà wà ama Lohwɛ̀.”

Yòwanìrzɛ̀ 9:35

È hvònda ema Yerzù à mà hweyà nanù ema hwà mà hvaya òŋgò mòtò ema à mà wɔ̀wìrzɛ̀ ò e Ndawò ya màkanɛ̀, rzìi a mò arza. Nà òma à mà mò ɛnɛ, rzìi a mò ijòwa nanù ema, “O lòkɛ̀ è Ŋmanà wà è Mòtò wà Hwènàmà e?”

Yòwanìrzɛ̀ 5:37

Tatɛ̀ wa ami ema a nò òmi, mɔ̀ ŋmìti hvɛ a nò tɛmelì mbòŋgi. Inyɔ e rzi hweyi lìlò la eni tɔ̀ lì mò ɛnɛ.

Yòwanìrzɛ̀ 5:18

Hwenè hweyà ema Yerzù à mà òhwe hwe ma gbeyà hwatò hwa wònyà Yudà hwa mò kimeya ndi e kpelì. Rzìi hwa òhwa ema rzeketɛ tɔ̀ ema a undi ndi e mbenda mɛnɛ ndi à òhwi hvɛ nanù ema Lohwɛ̀ a hwèlì ndi Tatɛ̀ wa eni, a uŋmɛ̀lɛ̀ ndi nanù ema a hwèlì ndi èmɛ̀nɛ̀nì yɔ̀kɔ nà Lohwɛ̀.

Yòwanìrzɛ̀ 1:49

Nàtànìyɛ̀lì rzìi à òhwa nanù ema, “Ìi Mòòkòlèlì, ò wà ndi ò hwèlì è Ŋmanà wà ama Lohwɛ̀. Ò wà ndi ò hwèlì è Kìŋgɛ yà Irzàyɛ̀lì.”

Matiyò 27:54

Ndì è mòkànèlì hwa hwàànà njùma na hwanɛ̀yi hwàànà njuma ema hwà mà hwɛ lì ɔŋgeya Yerzù, hwà mà ɛnɛ mònyìŋgìrzɛ̀nɛ̀ na mamɛ ya arzɛ ema e ma gbèyɛ̀nɛ hwa mà lɛ̀mbeya mòkambiya rzìi hwa òhwa nanù ema, “Nà e jɔ̀kɛ̀ ònò mòtò à mà hwɛ ndi è Ŋmanà wà munyanà wà ama Lohwɛ̀.”

Matiyò 27:43

À lòkɛ̀yì nanù ema Lohwɛ̀ a hwèlì na mɔ̀ ndèŋgànɛ̀lɛ̀ hvɛ a hwèlì ndi è Ŋmanà wà amà Lohwɛ̀. Òole! Inyɛ̀ Lohwɛ̀ a mò òŋgòwane rzɔ naŋgɛ inyɛ jɛ̀ɛ̀ ɛnɛ.”

Makòrzì 9:6

Pètrò a rzi hwiyè mamɛ à mà hwɛ lì òhwà èhwanja mɔ̀ na wònyanyàŋgò wa eni hwà mà lɛmbeya mòkambiya.

Makòrzì 9:8

Lìwòkìmɛnɛ nà òmà hwa mà hvɛ̀ŋgɛ mìrzɔ̀ ma awu, hwa rzi ɛnɛ̀ òhvɛhvɛ mòtò aŋga na wɔ̀, lì akà tɛ Yerzù mɛnɛ.

Lukàrzɛ̀ 3:22

Èlìŋgɛ̀ yà Wòtani rzìi e uhweyà ò ŋmanyu lì ayèkɛnɛ̀ nàa mbèŋgà rzì e rzìhwà, e mò tɛ̀mɛ̀ ò mòhvò. Rzìi lìlò lì uwɛ̀lɛ̀lɛ̀ ò ŋmanyu yà lohwà lì òhwa nanù ema, “O wà ndì ò hwèlì è Ŋmanà wa amì wà ndìŋgɛ ya màlìŋgò, nà òki mɔ̀nyɛ̀ŋgì nà ò wa rzayì-rzayì.”

Yòwanìrzɛ̀ 12:28

Ìi Tatà, uŋmɛ̀lɛ̀ èluhwe ò lìnà là aŋgɔ̀!” Rzìi lìlò lì òhwa ò ŋmanyu yà lohwà nanù ema, “Nà ŋgbelì lìinà là ami èluhwe, ò èŋgànɛ̀lɛ̀ nà lì ŋgbà hvɛ èluhwe.”