Biblia Todo Logo
Bib sou entènèt

- Piblisite -




Makòrzì 9:43 - Mokpwe: Bakwery (New Testament)

43 O èŋgànɛ̀lɛ̀ lìya là aŋgɔ̀ lì ò gbèyi tɛ nanù ema ò gbeyè wòhwe ò lì kɛ ò lì hvimbe. È hwèlì gbamù nà òhwa lì lùwa lòŋgɛ là gbìndèyà nà èhvàrzù yà aŋgɔ̀ yà nyò lì aka lì òhva màà màhwàkɛ rzìi ò undirzɛhwɛ ò ehvɔ̀ndi yà mùnya ema e rza lìma.

Gade chapit la Kopi




Makòrzì 9:43
23 Referans Kwoze  

“Ndi e Kiŋgɛ̀ e ò ayèŋgòwɛ̀lɛ̀lɛ̀ hwaŋga ema hwa ò hwɛ ò lìya la eni la ŋmalì rzìi a hwa òhweyà nanù ema, ‘È nò anjiya anu inyɔ ema e jemahwi na Lohwɛ̀! È ɛndɛ e kpèeyà ò ehvɔ̀ndi ya mùnya ema Lohwɛ̀ à mà rzekeya Mòkarzɛ̀ na i aŋgèlì ja eni.


Nà oma, ŋgìndì ndɛnɛ ya mboŋgi e jo toŋgi, inyɛ i hvàke tɔ̀ ima lìtumba la eyà ya wòhwe ema e jo kakumɛ̀nɛyi. Inyɛ̀ i hwàŋge hvɛ lìhwaŋgi ema lì jo hwèlì o worzo na lì àjùlɛ̀.


Ndi nà è òhwèyà ema tɔ̀ ima mòtò ema à tatani òhvɛhvɛ mòtò, mɔ̀hvɛ à ò ikahwa ò hwèkàyìrzelèlì. Tɔ̀ ima mòtò hvɛ ema à hwɛnyi ŋmànyàŋgò wà eni nanù ema, ‘Èleŋgè’ à hwɛnì lì alàhwɛ̀ è ndawò yà hwèkàyìrzelèlì yà hwa ndɛnɛ. Ndi tɔ̀ njɛnɛ hvɛ ema à hwɛlɛ ŋmànyàŋgò wà eni nanù ema, ‘Ò wà èèti yà mòtò,’ à ò aŋgbahwa ò mùnya ema mò rza lìma.


Ndèŋgàna hwaŋga hwatò ema hwa hwèlì na Yerzù Krirztò hwa rza enje hvɛ o rze ya e nyɔ̀ŋgi ya e nyàmà nyo. È gbèyi ndi nàa hwa ɛnɛ oma hwà mà wòmeyà eŋge nyɔ̀ŋgi ya e nyàma nyo ò mbarza, ndèŋgàna e ma ŋwèeyà aŋga.


Ɛ̀rzɛ̀ŋgbɛ̀nì ema è hwèlì ò lìya là eni, ò lì rzɛ̀ŋgbɛnɛ hwèyàrzà ò hvɔ̀ŋgɔ̀ ema ì hwèlì ò kɛ̀lɛ. À kulɛ tɛ lì rzɛ̀ŋgbɛ, à rzàŋgà ì hvɔ̀ŋgɔ̀ jà gbamù, à ji ùtà. Rzìi à rzàŋgà hvɛ hwèyàrzà, à hwe rzòwà ò mùnya ema mò rza lìma.”


O nyòla ene ndèli, Lohwɛ̀ à mà jo òkolɛ o lì rzɔ̀njɛlɛ hweyà ema a rza arza nanù ema i gbeye, ndèŋgànɛ̀lɛ̀ o lì hwɛmɛ e nyɔ̀ŋgì ya lì gbeyà mamɛ ema hwatò hwa è rze yà mɔ̀nyɛ̀ ema hwa rza hwiyɛ Lohwɛ̀ hwa gbeyà. O lì okolɛ o lì gbeyà hweyà nàa hwatò ema hwa hwi nɛ hwa gbeyà hweyà, o lì gbeyà hweyà ema hwe hvomɛ̀nɛ̀, na o lì gbeyà hweyà ema Lohwɛ̀ a arza nanù ema i gbeye anu rze ya mɔ̀nyɛ̀.


O eŋgànɛ̀lɛ̀ rzɔ, è àŋgàmɛ̀nɛ̀yi lì ulɛ ò mèèmà mè anyu hwèèmà hwe arzɛ hwe è nyo yà è mòtò wà hwènàmà. È ulɛ̀ ò mèèmà mè anyu hwèmà nàa mòrzònje mò lìhwa, hwèèmà hwe mbindo, ìlema jà hweyà hwe è nyo yà è mòtò wà hwènàmà, ò lì hwɛnɛ màlùtèyà mà wòhwe nà è njɔ̀ŋgu. È hwèlì tɛ njɔ̀ŋgu è gbèyi ndi nàa è kanɛ̀ ndi lì hvɛhvɛ lohwà.


Èhwanja e gbèyi tɛ ndi na òma e nyàmà nyò ya arza nanù òma e hwɛni lì ŋwa. Ndi e hwèlì tɛ ò ŋginyà ya Èlìŋgɛ̀ ya ama Lohwɛ̀ rzìi e òŋwa hweyà hwe wòhwe ema e gbeyà, nanù òma e luwa lòŋgɛ.


Ndi ò òŋgòlɛ tɛ ndèma, ò yòhwɛ ndi mèlìrza me hwatò, ìmbòkò, e hwa njɛmbu na ìndima ja hwatò.


O eŋgànɛ̀lɛ̀ rzɔ, e hwɛmɛ hwɛ̀ɛ̀mɛ̀ hwe anyu hwe wòhwe hwe arzɛ. È rza kɔ hweyà, e rza ohva mèhvìlì, mòtò a rzi nòneyà ŋmanyàŋgò wa eni, ndèŋgànɛ̀lɛ̀ inyɛ e mbɔrzi ya wòhwe e rzi wurza mòtò o hwàna.


Nà òkòlɛ̀yi e nyo ya ami ò lì ajùlɛ̀nɛ̀ mètàkà me lìhwaŋgi. Ène ŋgàna e èŋgànɛ̀lɛ̀ imba na oka wɔ̀ŋgɔ̀ ema nà mà òhwèyà tɛ hwahvɛhvɛ hwatò eyà yà Lohwà, rzìi imba na tìmba eyoyo.


Òŋgò mògbèèlì à mà tìmba lì òhweyà è rzàŋgò yà èni yà èwòlò hwenè hweyà hwe àrzɛ. È rzàŋgò yà èni yà èwòlò, e ma tata rzayì-rzayì, rzìi a òma òŋgò mògbèèlì wa eni, a mò òhweyà nanù ema, ‘Ɛ̀ndɛ ɔ̀nɛ̀yi mèyòmbò karzi-karzi, nà ò màhvani ma arzɛ ma mbòwà, ò tìmbànè mèlìrzà me hwatò, nà ìmbòkò, nà ìndima, nà e hwaa njɛmbu.’


Ndi ò lì arza nanù ema i rza hwa tàtìrzɛ̀, ɛ̀ndɛ ò yulu ò aŋgbe lìyɔ̀hwi la aŋgɔ̀. È nyàmà ya wòrzò ema o ò lɛ̀mbɛ, ò e lìhvòhwè e wàna ò ùŋmanɛlɛ kahvà ema i lòŋgamɛnɛ ò lì jò rzaweya e njàŋge ya arzu ya e ndawò yà Lohwà. O ji wòwe ò ɛndɛ ò jò rzaweya e njàŋge ya arzu ya e Ndawò ya Lohwà.


Ɛ̀rzɛ̀ŋgbɛ̀nì ema è hwèlì ò lìya là eni, ò lì rzɛŋgbɛnɛ hweyàrzà ò hvɔ̀ŋgɔ̀ ema ì hwèlì ò kɛ̀lɛ. À kulɛ tɛ lì rzɛ̀ŋgbɛ, à rzàŋgà ì hvɔ̀ŋgɔ̀ jà gbamù, à ji ùtà. Rzìi à rzàŋgà hvɛ hweyàrzà, à hwe rzòwà ò mùnya ema mò rza lìma.”


Swiv nou:

Piblisite


Piblisite