Makòrzì 9:29 - Mokpwe: Bakwery (New Testament)

²⁹ Yerzù rzìi à hwa òhweyà nanù ema, “Màkanɛ̀ mɛnɛ ndi ma tànɛyi lì hvayà ene tumba èlìŋgɛ̀ rzeketɛ ehvɛhvɛ eyà.”

Makòrzì 9:29 Referans Kwoze

Jèmìrzì 5:15

Hwa mo kànɛlɛlɛ tɛ na ŋmèma mɔ̀kɔ, Lohwɛ̀ a hwa hweyàna màkanɛ̀ ma awu, ndeŋgànɛlɛ eŋge e gbeyà e mòokelì a wɔ̀wɔ. È Rzàŋgo e gbeyà ema oŋgo mòtò a anjiye o lìnɔ̀ŋgɔ la eni la nyàmbɛ a hwɛ gbamù, ndèŋgànɛ̀lɛ̀ tɔ̀ wòhwe ema mɔ̀ à gbèyi Lohwɛ̀ a mo làkìrzɛ e lɔ̀ɔ.

Matiyò 17:20

Yerzù rzìi a hwa alàhwɛ̀ nanù ema, “Inyɔ e rzi tànɛyi lì hvaya eŋge èlìŋgɛ̀ èhwanja lìlòkɛ̀ la anyu lì rza òlò. È hwɛni tɛ lìlòkɛ ema lì òlò ndi nàa ŋmanà hvɔ̀ŋgɔ̀ wa wòrzaŋgò, e tànɛyi e kànèyà mònò mòoli nanù ema, ‘Anjiya anu, ò ɛ̀ndɛ ɔnɛyi!’ Ndèŋgànà mò ɛndɛ. È tànɛyi lì gbeyà tɔ̀ mamɛ.”

Ɛ̀hvìrzìyà 6:18

È kànɛ̀ na oma Èlìŋgɛ̀ yà Wòtani ye e lìyɛlɛ o ihvonda ja arzɛ. Inyɔ e ohweyà Lohwɛ̀ o lì e oŋgowàna o tɔ̀ mamɛ ema e gbeyà. È hwɛni lì aŋgowa, e kànɛ̀ o ihvonda ja arzɛ e rzi hwɛ nanù ema e ɔ̀tɔ̀. Ndèŋgànɛ̀lɛ̀ e a kànɛ̀lɛlɛ hwatò hwa arzɛ hwa ama Lohwɛ̀.

2 Kɔ̀rintìyà 12:8

Nà ma kanɛ̀ Rzàŋgo ŋgèlì iyàwò nanù ema a nò ulɛ o tenì ya mono mòtàkà.

2 Kɔ̀rintìyà 11:27

Nà ma gbeyà rzayi-rzayi ja hwèwòlò hwe ŋginyà, rzayi-rzayi ja ŋgèlì hvɛ nà mà lìya na hwehvɛnyɛ. Marzako hvɛ na rzi luwe tɔ̀ yoma ya lì laa tɔ̀ e yɔ la lì nyɔ, na rzi hwɛnɛ hvɛ tɔ̀ e hvolo ya lì laa mòlelì. Manɛyi marzako hvɛ yùululì ya ŋginyà e ma no kpeya o nyo ema na rza ohvɛ tɔ̀ yoma ya lì wɔtɔ̀.

Lukàrzɛ̀ 11:26

Èŋge èlìŋgɛ̀ e ɛ̀ndɛ̀ ò lì jànà hwehvɛhvɛ hwèlìŋgɛ̀ hwe wòhwe lìrzambà, ema hwe hwèlì wòhwe lì mò àka, rzìi hwe jà ò lì kpèeyà òŋgò mòtò, rzìi hwe arzɛ̀kɛ̀lɛ̀ aŋga. Lìŋgi lìrzàkò rzɔ, òŋgò mòtò a hwɛ wòhwe lì aka mamɛ à mà lòme lì hwɛ.”

1 Kɔ̀rintìyà 9:27

Nà òkòlɛ̀yi e nyo ya ami ò lì ajùlɛ̀nɛ̀ mètàkà me lìhwaŋgi. Ène ŋgàna e èŋgànɛ̀lɛ̀ imba na oka wɔ̀ŋgɔ̀ ema nà mà òhwèyà tɛ hwahvɛhvɛ hwatò eyà yà Lohwà, rzìi imba na tìmba eyoyo.

Hwègbèèlì 14:23

O tɔ̀ ima ŋmèmba ema wɔ̀ hwà mà uke, wɔ̀ hwà mà hwɛ lì hvɔ̀rzɔ̀ hwatò ema hwa ò timbàa ŋmèmba mò arzɛ. È hvònda ema hwà mà kànɛ̀ na lì hwɛ ò mòkìyà njàwò, hwà mà ŋgba hwaŋga hwàtimbèlì ò màà mà ama Rzàŋgò ema wɔ̀ hwa ika lìlòkɛ̀ la awu.

Matiyò 12:45

Èŋge èlìŋgɛ̀ e ɛ̀ndɛ̀ ò lì jànà hwehvɛhvɛ hwèlìŋgɛ̀ hwe wòhwe lìrzambà, ema hwe hwèlì wòhwe lì mò àka, rzìi hwe jà ò lì kpèeyà òŋgò mòtò, rzìi hwe arzɛ̀kɛ̀lɛ̀ aŋga. Lìŋgi lìrzàkò rzɔ, òŋgò mòtò a hwɛ wòhwe lì aka mamɛ à mà lòme lì hwɛ. O èŋgànɛ̀lɛ̀, nanù ndi e ò gbèyɛ̀nɛ na ene nyɔ̀ŋgɔ̀nì ya yàwònò.”

2 Kɔ̀rintìyà 6:5

Ima ananahwa, ima ikahwa o hwèwòwà, ŋgindi e ma jo urzuweyà. I ma gbeyà èwòlò ema ye eti, i ma lìya ehvɛ̀nyɛ̀ na njàwò.

Matiyò 17:21

O rza enje tɔ̀ eyà ema e tànɛyi lì hvaya ini nyayi ja hwèlìŋgɛ lì aka tɛ màkanɛ̀ na mòkìyà njàwò.

Makòrzì 9:28

Yerzù a mà kpèeyà ò ndawò. Hwà-òkòwèlì hwa eni rzìi hwa mò ijòwa ò jututa nanù ema, “Mamɛ ndèŋgàtɛ̀ ì rza tàneyà lì hvayà èŋgè èlìŋgɛ̀ ya wòhwe e?”

Makòrzì 9:30

Yerzù na hwà-òkòwèlì hwa eni hwà mà anjiya èŋge èki rzìi hwa akeyà ò erzòòkà ya Galìlì. Yerzù a rzi arze nanù ema tɔ̀ mòtò a hwiyè èki ema a hwèlì.