Makòrzì 9:12 - Mokpwe: Bakwery (New Testament)

¹² Yerzù rzìi a hwa tìmbìrzɛ̀lɛ̀lɛ̀ nanù ema, “Nà è jɔ̀kɛ̀, Èlàyijà a hwɛnì lì lòma lì jà ò lì rzɛ̀ŋgɛ̀nɛ̀ hweyà hwe àrzɛ. Mamɛ ndèŋgàtɛ̀ e tìlahwì ò Kaàti ya ama Lohwɛ̀ nanù ema è Ŋmanà wà è Mòtò wà Hwènàmà à hwɛnì lì taka rzayì-rzayì, rzìi hwa mò ndinda e?

Makòrzì 9:12 Referans Kwoze

Lukàrzɛ̀ 23:11

Hɛ̀rɔ̀dì nà hwaànèlì hwa eni hwa njùma hwa mà kìkòwa Yerzù. Hwa mà mò umbɛlɛlɛ mènìtò, rzìi hwa mò wɔ̀tìrzɛ mòŋgòmbè mò gbamù, rzìi hwa mò tìmbìrzɛlɛlɛ Pìlatò.

Lukàrzɛ̀ 1:76

Ndi ò wa e ŋmanà wà amì, o ò hwɛ̀lɛ̀hwɛ̀ ndi Mòòhwèlì wà Èlìŋgɛ̀ wà ama Lohwɛ̀ lì karzamì. O ò ɛ̀ndɛ ò wòrzò wò ama è Rzàŋgò, ò lì rzèeyà è njìya ema è Rzàŋgò e akeyà.

Lukàrzɛ̀ 23:39

Mòtò mɔ̀kɔ wà wòhwe ema à mà wòmàyɛ̀lɛ̀hwɛ̀ nà mɔ̀ rzìi à mò rzòrzòlɛ hwèyòlì nanù ema, “Rzèke ò wà ndi ò hwèlì è Mɔ̀ ema Lohwɛ̀ a Ɔkirzɛ e? Àwòŋgìrzɛ̀ ò wà hwìti ò jò òŋgirzɛ irzɔ hvɛ!”

Matiyò 26:24

È Ŋmanà wà è Mòtò wà Hwènàmà à hwɛnì lì ŋwa nà òma è kààtì yà Lohwà è òhwi, è ò hwɛ màwɔ̀ŋgɔ̀ nà òŋgò mòtò ema à ò nò ahwìrzɛ. È mà lɔ̀wu ema òŋgò mòtò à rzìi ŋyahwe hvɛ tɔ̀.”

Matiyò 16:21

Lìwòteyà eŋge hvònda Yerzù à mà wòteyà lì nɔŋgeya Hwà-òkòwèlì hwa eni, lì hwa telɛlɛ ema a hwɛnì lì ɛ̀ndɛ ò Jèrurzalɛ̀mù. Aŋga a hwɛnì lì akeyà mètàkà jɔɔ-jɔɔ ò màà mà hwàmbaki hwa mbòwà, na Ipìlìrzì ndɛnɛ na Hwà-òkòlèlì hwa mbenda. A ma hwa òhweyà hvɛ ama a hwɛnì lì òŋwahwa rzìi ò menya meyàwò, à ò hvùmùlɛ̀hwɛ.

Makòrzì 9:13

Nà è òhweyà nanù ema, Èlàyijà à mà lòma lì jà rzìi hwa mò gbeyànì mamɛ̀ ya arzɛ ema hwà mà lìŋganè ò lì mò gbeyànà. Hwenè hweyà hwe mà òndìrzɛ̀ mamɛ ya arzɛ ema e ma tìlahwà lì mò hvòmɛ̀nɛ̀.”

Makòrzì 9:31

Èhwanja à mà hwɛ lì òkòlɛ hwà-òkòwèlì hwa eni nanù ema, “È Ŋmanà wà è Mòtò wà Hwènàmà à hweni lì ŋgbààhwà ò hwatò hwa hwènàmà, wɔ̀ hwa mò òŋwa. O mburzà ya menya meyawò, a hvùmùwà ò lòŋgɛ.”

Makòrzì 10:33

À mà hwa òhweyà nanù ema, “È hwiye nanù ema ja agba ndi ò Jèrurzalɛ̀mù, aŋga ndì è Ŋmanà wà è Mòtò wà Hwènàmà a hwɛnì lì ŋgbààhwà ò màà mà è Ipìlìrzì ndɛnɛ nà hwà-òkòlèlì hwa mbenda. Wɔ̀ hwa mò akɛlɛlɛ è mbàkò ya kpelì, rzìi hwa mò akɛlɛ ò màà mà hwatò ema hwa rza enje hwatò hwa Irzàyɛ̀lì.

Hwègbèèlì 1:6

Wùnyà wɔ̀kɔ Yerzù nà I àpɔ̀rzìtòlò hwa mà arzàŋgànɛ ekì yɔ̀kɔ. Rzìi hwa ijòwa Yerzù nanù ema, “Ìi Rzàŋgò è hvònda ene ema o ò gbèèyɛ̀ hwatò hwa Irzàyɛ̀lì ò lì òhva è ŋginyà ò lì atimbanɛ wɔ̀ hwiti hvɛ e?”

Hwègbèèlì 4:11

Yerzù ndi à hwèlì e mɔ̀ ema e kààtì ya Lohwà e òhwani nanù ema, ‘Lìnyayi ema hwà-òŋgèlì hwà mà tinde lɔ ndi lì timbi lìŋyayi ema lì endahwɛlɛ.’