Makòrzì 8:31 - Mokpwe: Bakwery (New Testament)

³¹ Yerzù rzìi a wòteya lì òkòlɛ̀ hwà-òkòwèlì hwa eni nanù ema, “È Ŋmanà wà è Mòtò wà Hwènàmà à hwɛnì lì taka ò nyayi na nyayi ja hweyà. Hwàmbaki hwa hwatò, ipìlìrzì ndɛnɛ, na hwà-òkòlèlì hwa mbenda hwa hwɛnì lì mò ndinda. À hwɛnì lì òŋwàhwà, ndi ò mburzà ya menya meyàwò à ò hvùmùwà.”

Makòrzì 8:31 Referans Kwoze

Hwègbèèlì 7:35

Mònò Mòrzè mɔndi wònyà Irzàyɛ̀lì hwà mà ndinde, nà òma à mà ijòwàhwè nanù ema, ‘Njɛ̀nɛ à mà ò gbeyà è mòkànèlì nà è mòkàyìrzèlì ò ŋmanyu yà arzu è?’ Lohwɛ̀ ŋmìti ndi à mà mò òma ò lì hwɛ è mòtìmbèlì nà è mòrzùŋgèlì wà awu. Ène eyà è mà gbèyɛ̀nɛ̀ è hvònda ema è aŋgèlì è mà mò wùrzeyà rzìi gbèè wà òŋwa mùnya.

Yòwanìrzɛ̀ 2:19

Yerzù rzìi a hwa alàhwɛ̀ nanù ema, “È wùùlɛ ène ndawò yà Lohwà. Imba na e òŋga hvɛ ò hweyu hweyàwò.”

Lukàrzɛ̀ 24:26

Rzeke e mà hwɛ ndi nanù ema, è Mɔ̀ ema à Ɔ̀kirzɛ̀hwɛ̀yi à ò lùwa mene mètàkà me arzɛ, ndèŋgàna à ò lùwa èluhwe ya eni.”

Lukàrzɛ̀ 17:25

Ndi tɔ̀ nanù, mɔ̀ à lòma lì tàka rzayì-rzayì. À hwɛnì hvɛ lì rzɔ̀rzɔ̀wɔ̀ nà ène nyɔ̀ŋgɔ̀nì ya àrzɛ.

Makòrzì 12:10

Eyà ya Lohwà e òhwa nanù ema, ‘Lìnyayi ema hwà-òŋgèlì hwà mà hvake, lɔ̀ndi lì ma timbɛ lìŋyàyi lì endahwɛlɛ.

Matiyò 21:42

Yerzù rzi a hwa òhweyà nanù ema, “È rzi laŋgi ò èki ema Èya ya Lohwà e òhwa nanù ema, ‘Lìnyayi ema hwà-òŋgèlì hwà mà hvake na yòma ya ŋgundu, lì ɔ̀ndi lì ma timbɛ lìŋyàyi ema lì endàhwàwɛlɛ. È Rzàŋgò ndi à mà gbeyà ene eyà. Ndèŋgànɛ̀lɛ̀ e hwèlì mànyakà ò mirzɔ̀ ma arzu.’

Matiyò 12:40

Jona à mà hwɛ ò lùuŋga la nyàmà màlìhwa ndɛnɛ menya meyawò. Ŋgàna hvɔ̀kɔ, mɛnɛ ndi è Ŋmanà wà è Mòtò wà Hwènàmà mɔ̀ hvɛ a ò hwɛ ò rze ya mɔ̀nyɛ̀ menya meyawò.

1 Kɔ̀rintìyà 15:4

È tìlahwì ema à mà imayɛlɛhwɛ, à mà hvùmùlɛ̀hwɛ na Lohwɛ̀ o mburzà ya mèenyà meyawo.

Lukàrzɛ̀ 24:44

Rzìi à hwa òhweyà nanù ema, “Èŋge hvònda na mà hwɛ nà inyɔ, nà mà è òhweyà ema hweyà hwe arzɛ ema hwe gbèyɛ̀nɛ lì nò hvòmɛ̀nɛ̀, nà òma e tìlahwì ò kààtì yà è mbenda yà ama Mòrzè, nà ò kààtì yà hwà-òhwèlì hwa hwèlìŋgɛ̀, nà ò kààtì ya Mɛ̀rzɔ̀kɔ̀.”

Yòwanìrzɛ̀ 12:48

È mòtò ema a nò rzɔ̀rzi rzìi a rzi imanɛlɛ hvɛ ŋmɛ̀ndì mò ami, mɔ̀ à òhvi e mɔ̀ ema a mò kàyìrzɛ̀. È mbɔrzi ema na òhwi yɔ ndi e mò kàyìrzɛ̀ ò wùnyà wò hwèkàyìrzèlèlì.

Matiyò 27:63

Rzìi hwa mò òhweyà nanù ema, “Rzàŋgò, jò ɔ̀ŋgɛ̀lɛ̀ nanù ema, e hvònda òŋgò mòtò ema à mà hwɛ lì kɔ hweyà à mà hwɛ lòŋgɛ à mà hwɛ lì òhwà nanù ema, ‘Lohwɛ̀ a nò hvùmùlɛ̀ ò mburzà mèenyà meyawò.’