Makòrzì 7:18 - Mokpwe: Bakwery (New Testament)

¹⁸ Yerzù rzìi a hwa òhweyà nanù ema, “Inyɔ hvɛ è rza rzɔ̀ŋgìtɛ̀nɛ̀ e? È rza ɛni nanù ema tɔ̀ ima yomà ema e kpèèlì mòtò rzìi e wurza, e rza mò gbeyà ema a hwɛ mbìndò ò wòrzò wò ama Lohwɛ̀ e?

Makòrzì 7:18 Referans Kwoze

Hibrù 5:11

Irzɔ i hwɛni rzayì-rzayì ò lì ohwa, ò lì hvomɛ̀nɛ̀ enè eyà. Ndi è nò ambani ò lì gbeyà nanù ema è hwe rzɔ̀ŋgìtɛ̀nɛ̀, èhwanja è rza hwàmìrzɛ̀ ò lì rzɔ̀ŋgìtɛ̀nɛ̀.

Lukàrzɛ̀ 24:25

Yerzù à mà hwa timbirzɛlɛlɛ nanù ema, “È hwèlì ndi mɛ̀lɔ̀kɔ̀rzɔ̀ me hwatò. È rza tànɛyi lì lòkɛ̀ mamɛ Hwà-òhwèlì hwa Hwèlìŋgɛ̀ hwa kòhwaa hwa mà òhwe!

Matiyò 16:11

È hvònda na me e òhweyà nanù ema e aŋgòhweya ehwindi na rza òhwe ndi lì hvòmɛ̀nɛ̀ hwehvòòtò. È aŋgòhweyà ehwindi ya Ihvalìrzàyì na Irzàdùrzì.”

1 Kɔ̀rintìyà 3:2

Lìhwɛ ndi ŋmɛ̀ɛ̀ŋgɛ̀ mò nyɔ̀ŋgɔ̀, mɔ̀ mò rza làa mòlèlì ema mò eti. Ɔ̀ndeŋgàtɛ̀ nà mà wòteyà ndi lì okolɛ̀ nà hweyà hwe Lohwɛ̀ ema hwe rza imbàmɛ. Èhwanja ò èŋge hvonda inyɔ è rzi imbàme ò lì hwe wòwa. Tɔ̀ naŋgɛ hvɛ inyɔ e rzi oŋwi o lì hwe wòwa.

Yòwanìrzɛ̀ 3:10

Yerzù rzìi à mò alàhwɛ̀ nanù ema, “O wa ò hwèlì ndi Mòòkòlèlì mò ndɛnɛ wa wònya Irzàyɛ̀lì ndi ò wa ò rza rzɔ̀ŋgìtɛ̀nɛ̀ hwenè hweyà e?

Makòrzì 4:13

Yerzù rzìi à hwa ijòwa nanù ema, “È rza rzɔ̀ŋgìtɛ̀nɛ̀ mònò ŋmàna e? È rza rzɔ̀ŋgìtɛ̀nɛ̀ tɛ mònò ŋmàna, nɛ è tànɛyi ò lì rzɔ̀ŋgìtɛ̀nɛ̀ mènɛ̀yi meyànà e?

Matiyò 15:11

Rzeketɛ e yɔ ema e kpèeyà ò tenì ya e wàna ya mòtò ndi e mò gbeyà a hwɛ ŋmiŋgò ò ma Lohwɛ̀, ndi mamɛ ema e wurza mòtò ò wàna ya eni yɔ̀ ndi e mò gbeyà ema a rza hwɛ wòrzàŋgì, ò wòrzò wò ama Lohwɛ̀.”

Makòrzì 7:17

Yerzù à mà hwɛ̀mɛ èŋge ŋgìndì rzìi a ɛ̀ndɛ ò ndawò, rzìi Hwà-òkòwèlì hwa eni hwa ja lì mò ùŋma ema a hwa tɛlɛlɛ mònò ŋmàna.

Makòrzì 7:19

Nà òmà e kpèeyà mòtò e rza uka ò ŋmèmà mò eni, e mò kpèeyà ndi ò lùùŋga rzìi e wurza.” (Yerzù à mà òhwa nanù ò lì uŋmɛ̀lɛ̀ nanù ema melelì mè arzɛ me lɔ̀wu ò lì làa).