Makòrzì 6:48 - Mokpwe: Bakwery (New Testament)

⁴⁸ À mà ɛnɛ nà òmà hwà-òkòwèlì hwa eni hwa tàkànà wɔ̀ɔ̀lɔ̀ èhwanja e mbɛ̀hvɛ̀nì e ma hwa teŋgɛ̀nɛ̀ ò wòrzò. Ò ekpààrzɛ ya wònɛyi wùnyà, Yerzù à mà ɛ̀ndɛ lì hwa ùŋmanɛlɛ. À ma ɛ̀ndɛnɛ màtaŋga ò ŋmanyu ya yùlu ya malìhwa. À mà àrza lì hwa aka.

Makòrzì 6:48 Referans Kwoze

Lukàrzɛ̀ 24:28

O lìnì lìrzàkò hwà mà kòmbɛ̀nɛ̀ è mbòwà yà Ɛ̀màyɔ̀rzì, lìrzukù la awu la yɔ̀ndɔ̀. Yerzù à mà àrza lì ɛ̀ndɛ ò wòrzò.

Lukàrzɛ̀ 12:38

Tɔ̀ a jà ndi ò kɔ̀rzi ya wu, tɔ̀ ò ekpaàrzɛ rzi a hwa ùŋmànɛlɛ ema hwà mà wòŋgirzɛnɛ mònàmɛ̀ mò hwɛ na hwaŋga hwàgbèèlì.

Yòwanìrzɛ̀ 1:13

Wɔ̀ hwa rza enje ndi hwàànà hwa ama Lohwɛ̀ nàa hwatò hwa hwènàmà hwa ŋyàa hwànà. Hwa rzi hwɛ ndi hwàànà hwa ama Lohwɛ̀ nàa ò à ɛnɛ ema mòtò wà hwènàmà ndi à hwa ŋyàayi. Lohwɛ̀ mɔ̀ ŋmìti ndi à hwèlì è Tatɛ̀ yà awu.

Matiyò 14:24

O ene hvònda nanù ò ma hwà-òkòwèlì hwa eni hwà mà rzɔ̀ɔ̀nɔ̀ wɔ̀ɔ̀lɔ̀ ɔ̀nɛyi tenì ya yùlù. Hwèmùnɛ̀ hwe ma hwɛ lì neŋgirzɛ wɔ̀ɔ̀lɔ̀, èhwanja e mbɛ̀hvɛ̀nì e ma hwa teŋgɛ̀nɛ̀.

Matiyò 24:43

È òkànèyà tɛ è mòhwɛnèlì wa ndawò à mà hwiya tɛ e hvònda ema è ŋmìhwɛ̀ a ò jɛ̀ɛ̀ wùuwù, òma a lìya ɛ̀hvɛ̀nyɛ̀ ò lì ɔŋgeya e ndawò ya eni ndèŋgànɛ̀lɛ̀ a rzi imanɛlɛ ema e ŋmìhwɛ̀ a gbe e ndawò ya eni.

Makòrzì 6:47

Lìrzakò la ŋgòmbe lì ma ùke, hwà-òkòwèlì hwa ama Yerzù hwà mà hwɛ ò tenì ya wɔ̀lɔ̀, ò ìtììtènì ja yùlu ya malìhwa Yerzù ŋmìti mɔ̀ ndì à mà hwɛ ò rzààwà.

Makòrzì 6:49

Nà òmà hwa mà mò ɛnɛ à ɛ̀ndɛ̀nɛ̀ màtaŋga ò malìhwa hwà mà ɛnɛ ndi ema à hwèlì ndi mùù, rzìi hwa wòteyà lì tɛ̀ɛ̀.

Makòrzì 13:35

O eŋgànɛ̀lɛ e aŋgòwa èhwanja è rza hwi e hvònda ema è rzàŋgò yà ndawò e ò tìmbɛ. À tànɛyi lì jà è ŋgòmbe, tɔ̀ ò kɔ̀rzi yà wuu tɔ̀ ò ekpaàrzɛ tɔ̀ ò e hvònda yà elele.