Makòrzì 6:21 - Mokpwe: Bakwery (New Testament)

²¹ Ò lìrzukù, Hɛ̀ròdìyàrzì à mà lùwa e njiya ema ama arze. Wòŋgò wùnyà ndi wò ma hwɛ e ndèma ya lì ɔ̀ŋgɛ̀lɛ̀ hwèŋyàyèlì hwe ama Hɛ̀rɔ̀dì. À ma yòhwɛ hwatò hwa ndɛnɛ hwa Gɔ̀mɛ̀ndì na hwàkànèlì hwa ndɛnɛ hwa hwàànà njùma, na hwèwàŋgì hwe erzòòkà ya Galìlì.

Makòrzì 6:21 Referans Kwoze

Hwèwulùwèlì 11:10

Hwatò ema hwa hwèlì ò rze yà mɔ̀nyɛ̀ hwa ò lìŋgeyà è kpelì yà hwanu hwatò hwààhwàkɛ. Hwa ò wòŋgìrzɛ̀nɛ̀ ndèma, ndèŋgànɛ̀lɛ̀ hwa ò aŋgbàànɛ màhwèyà mɔ̀kɔ nà ɔnɛyi ò lì uŋmɛ̀lɛ̀ màlìŋgo. Hwa ò gbèeyà nanù ehwànja, hwanu hwà-òhwèlì hwa hwèlìŋgɛ̀ hwahwàkɛ hwa mà tàkirzɛ̀ hwatò è hvonda ema hwa mà hwɛ ò è rze yà mɔ̀nyɛ̀.

1 Pètrò 4:3

Inyɔ e ma hvaŋga hvonda rzayi-rzayi o hvonda ema e ma aka, o lì gbeyà mamɛ ema hwatò ema hwa rza lòkɛ̀ Lohwɛ̀ hwa hvɔ̀rzì o lì gbeyà. Èŋge hvonda e ma aka. È mà lìya mòŋgɛ ma anyu o mòrzònje, e ma hwɛnɛ nyɔ̀ŋgi o mèèmà o lì gbeyà hweyà hwe wòhwe, e ma hwɛ lì nyɔ mììmbà o lì woma, e ma hwɛ lì aŋga indèma ema hwatò hwà mà hwɛ lì nyɔ mììmbà na lì woma rzìi hwa a gbeyà hweyà hwe wòhwe, ndèŋgànɛ̀lɛ̀ e ma hwɛ hvɛ lì kànɛlɛ̀lɛ̀ mahvɛhvɛ màlohwà.

Lukàrzɛ̀ 3:1

È hvònda ema è mòkànèlì Tìbɛ̀rìyàrzì a mà hwɛ è Kàyìrzà yà Ròmànì, ò hvòkà yà lìyòmɛ̀ la meya nà meta me lìkànèyà la eni, Eyà ya Lohwà e mà jèeya Yòwanìrzɛ̀, è ŋmanà wà ma Rzàkàriyà è hvònda ema a mà hwɛ ò mòrzanjɛ̀. Èŋge hvònda ndi Pòntìyùrzì Pìlatò a mà hwɛ è mòkànèlì hwà Jùdeyà. Hɛ̀rɔ̀dì mɔ̀ hvɛ ndi à ma hwɛ è mòkànèlì wà èkòmè ya Galìlì, ndèŋgà ŋmanyàŋgò Hvìlìpì hvɛ è mòkànèlì hwà èkòmè ya Ìturèyà nà èkòmè ya Tràkònitìrzì. Lìrzànìyàrzì hvɛ è mòkànèlì wa èkòmè ya Àbilɛ̀nì. Èŋge hvònda mɛnɛ ndi Anàrzì nà Kàyìhvàrzì hwa mà hwɛ Ipìlìrzì ì Karzamì.

Hwègbèèlì 25:23

O wònɛyi wùnyà Kìŋgɛ̀ Agrìpa na Bɛ̀nìrzì hwà mà jà na èluhwe na eyàyè ya arzɛ. Hwà mà kpèeya ò tenì ya e tumba ndawò ema hwatò hwà mà arzàŋganɛ na hwa ndɛnɛ hwa hwààna njuma na hwàmbaki hwa mbòwa. O mburza hwèlìyelì hwe awu Hvɛ̀rzìtùrzì rzìi a àka nanù ema hwa ɛndɛ hwa wòwe Pàwolò hwa mò jàne. O eŋgànɛlɛ hwà mà mò jànà ò wòrzò wò awu.