Makòrzì 3:22 - Mokpwe: Bakwery (New Testament)

²² Lòŋgò la Hwà-òkòlèlì hwa mbenda ema hwà mà uhwɛlɛlɛ ò mbòwà yà Jèrurzalɛ̀mù rzìi hwa òhwa nanù ema, “À òhvì Bɛ̀lrzɛ̀bùlì ò nyò yà èni. Èŋge kiŋgɛ̀ yà hwèlìŋgɛ̀ hwe wòhwe yɔ ndi è mò ŋgba èŋgè wònjà ò lì hvayànà hwèlìŋgɛ̀ hwe wòhwe ò hwatò.”

Makòrzì 3:22 Referans Kwoze

Matiyò 15:1

O mburza hvònda, lòŋgò la Ihvalìrzàyì na lòŋgò la Hwà-òkòlèlì hwa mbenda hwa mà uhwɛlɛlɛ ò Jèrurzalɛ̀mù rzìi hwa jà lì ijòwa Yerzù ema,

Matiyò 10:25

Ò èŋgànɛ̀lɛ̀ è mòòkòwèlì à rza aŋgàmɛ̀nɛ̀yi lì arza èluhwe ema è akàyi è yà ama è mòòkòlelì wà eni. È mògbèèlì mɔ̀ hvɛ à rza aŋgàmɛ̀nɛ̀yi lì arza èluhwe ema è akàyi è yà ama è rzàŋgò yà eni wà èwòlò. Hwa kpɛ tɛ mòòhvò mò lìtumba lìinà ema Bɛ̀lrzɛ̀bùlì, nanù òma hwaŋga hwatò ema hwa hwèlì ò ndawò ya eni hwa ò hwɛ̀lɛ̀hwɛ lìinà ema lì hwiyòhwi lì aka lìni.”

Matiyò 12:24

Ndi e hvònda ema Ihvàlìrzàyì i ma hwèye nanù ema, hwa ma òhwa nanù ema, “Rzekɛ à gbeyànà ndi è wònjà yà èlìŋgɛ̀ ya ama Bɛ̀lrzɛ̀bùlì ema a hwèlì e mòkànèlì hwa hwèlìŋgɛ̀ hwe wòhwe ò lì ulɛ hwèlìŋgɛ̀ hwe wòhwe ò inyò ja hwatò e?”

Matiyò 9:34

Ndi Ihvàlìrzàyì hwa ma òhwa nanù ema, “Yerzù mɔ̀ à gbeyànà ndi è wònjà yà ama è kiŋgɛ̀ yà hwèlìŋgɛ̀ hwe wòhwe, ò lì hvayànà hwèlìŋgɛ̀ hwe wòhwe.”

Yòwanìrzɛ̀ 7:20

Rzìi e ŋgìndì e timbirzɛlɛlɛ nanù ema, “Yerzù ò òhvi èlìŋgɛ̀ ya wòhwe! Hwa njɛnɛ hwa arza lì ò òŋwa e?”

Yòwanìrzɛ̀ 8:52

Hwatò hwa Yudà hwà mà hwèya nanù rzi hwa tɛ na merzeya mèndɛnɛ me hwetàtò nanù ema “Nàŋgɛ nanù, irzɔ i hwi ema ò hwèlì èlìŋgɛ̀ ya wòhwe ema yò ò tàkirzɛ! Abràhamù à mà ŋwa, hwanɛ̀yi hwà-òhwèlì hwa hwèlìŋgɛ̀ wɔ̀ hvɛ hwà mà ŋwa. Ndi ò wa ònò ò òhwa òma, tɔ̀ ima mòtò ema a ikayi e mbɔrzi ya aŋgɔ, e kpelì e rza tànɛyi lì mò keka.

Yòwanìrzɛ̀ 8:48

Hwatò hwa Yudà hwa mò alàhwɛ̀ nanù ema, “O èŋgànɛ̀lɛ̀ irzɔ i rza hvòmɛ̀nɛ̀ lì òhwa nanù ema ò wa ò hwèlì ndi mòtò wa Rzàmàrìyà, ndèŋgànɛ̀lɛ̀ ò òhvi èlìŋgɛ̀ ya wòhwe ò nyò ya aŋgɔ e?”

Lukàrzɛ̀ 11:15

Ndi lòŋgò la hwatò hwa mà òhwa nanù ema, “À gbeyànà ndi è wònjà yà ama Bɛ̀lrzɛ̀bùlì è Kiŋgɛ̀ yà hwèlìŋgɛ̀ hwe wòhwe ò lì hvayànà hwèlìŋgɛ̀ hwe wòhwe.”

Makòrzì 7:1

Lòŋgò la Ihvalìrzàyì nà hwà-òkòlèlì hwa mbenda hwa mà uhwɛlɛlɛ ò Jèrurzalɛ̀mù hwa mà arzàŋganɛ èki ema Yerzù à mà hwɛ, ò lì mò òkànèyà.

Matiyò 11:18

Nà è òhweyà ndì hwene hweyà nanù ehwànja e hvònda ema Yòwanìrzɛ̀ è Mòlùhwìrzèlì à mà hwɛ, a rzìi nyàmɛ̀lɛ̀ lì laa mòlelì na lì nyɔ mimba. Hwa ma hwɛ lì òhwa nanù ema, ‘A òhvi èlìŋgɛ̀ ya wòhwe ò nyò ya eni.’

Yòwanìrzɛ̀ 10:22

O ma hwɛ ndèma ya lì nàmìrzɛ̀ è Ndawò yà Lohwà ò Jèrurzalɛ̀mù. Ène hvònda ndì yùulùlì ya ŋginyà e ma hwɛ.

Lukàrzɛ̀ 5:17

Wùnyà wɔ̀kɔ, Yerzù à mà hwɛ lì òkòlɛ̀ hwatò. Lòŋgò la ì Hvàlìrzàyì, nà hwà-òkòlèlì hwà mbenda wɔ̀ hvɛ hwa mà ùkeya. Wɔ̀ hwa arzɛ hwà mà uhwɛlɛlɛ ndi ò màmbòwà ma àrzɛ ma hwèrzòòkà hwe Galìlì nà Jùdeyà. Nà ò tenì yà è mbòwà yà Jèrurzalɛ̀mù. È ŋginyà ya àma Lohwɛ̀ è mà mò rzìhweyà ò lì wɔ̀wìrzɛ̀ hwà-òkèlì.