Makòrzì 3:11 - Mokpwe: Bakwery (New Testament)

¹¹ Tɔ̀ ima hvònda ema hwèŋge hwèlìŋgɛ̀ hwe wòhwe ema hwe ma hwɛ ò hwatò hwe mà mò ɛ̀nɛ, hwe mà kpìrzɛ hwaŋga hwatò ema hwe ma hwɛ ò tenì ya awu. Hwe hwa tɛ̀yìrzɛ merzeya nanù ema, “Ò hwèlì ndi è Ŋmanà wà àma Lohwɛ̀!”

Makòrzì 3:11 Referans Kwoze

Lukàrzɛ̀ 4:41

Hwèlìŋgɛ̀ hwe wòhwe hwe mà anjiya hvɛ rzayì-rzayì ja hwatò ò nyò ja awu na mèrzeya nanù ema, “Ò wa ndi ò hwèlì è Ŋmanà wà ama Lohwɛ̀!” À mà hwa kanja, rzìi a rzì hwa ŋgbe hvɛ tɔ̀ èhvòlò ò lì òhwà, èhwànja hwa mà hwiya ema mɔ̀ ndì à hwèlì è Mɔ̀ ema a Ɔ̀kirzɛ̀hwɛ̀yi nà Lohwɛ̀.

Lukàrzɛ̀ 8:28

Nà òmà ònò mòtò a mà ɛ̀nɛ Yerzù, à mà tɛɛ nà lùwa. Rzìi à mò kpèeyà ò màtàŋgà, a òhwa nà lìlò lì kàrzàmi nanù ema, “Ìi Yerzù è Ŋmanà wà ama Lohwà lì Kàrzàmi, mamɛ ì rzɔ nà ò wa jò òhvanɛyi e? Nà ò atɛkɛ ema ò rzì nò kɔ̀kìrzɛ̀.”

Jèmìrzì 2:19

Inyɔ e lòkɛ̀yi nanù ema o hwèlì ndi Lohwɛ̀ lɔ̀kɔ e? Gbamù rzayi! Tɔ̀ hwèlìŋgɛ̀ hwe wòhwe hweyɔ hvɛ hwe lòkɛ̀yi nanù, hweyɔ hwe tumeya mòkàmbiya.

Matiyò 8:29

Nà òma hwa ma ɛnɛ Yerzù, rzìi hwa wòteyà lì tɛɛ nanù ema, “È Ŋmàna wà ama Lohwɛ̀, mamɛ ò hwɛnì lì jò gbeyàna e? O jelì ndi anù ò lì jò kɔ̀kìrzɛ̀ ema e hvònda e rzìi uki e?”

Matiyò 4:3

Mòkarzɛ̀ rzìi à mà mò jèeyà, rzìi à mò òhwèyà nanù ema, “Ò hwèlì tɛ è Ŋmanà wà ama Lohwɛ̀, kànèyà manù màŋyàyi mà timbe, hwèhvòòtò.”

Hwègbèèlì 16:17

Oŋgò ŋmanà ŋgɔ̀ndɔ̀ à mà wòteyà lì òŋgama Pàwolò na irzɔ rzi a tɛ ò ŋmanyu nanù ema, “Hwanù wunyanà hwa hwèlì ndi hwàgbèèlì hwa ama Lohwɛ̀ ema lì karzami. Wɔ̀ hwa jèelì ndi ò lì e òhweyà nɛ inyɔ e tànɛyi lì rzùŋgàhwà.”

Matiyò 8:31

O èŋgànɛ̀lɛ̀ hweŋge hwèlìŋgɛ̀ hwe wòhwe rzìi hwe rzòrzòmeya Yerzù nanù ema, “I hwi nanù ema ò hwɛni lì jò hvaya, ò jò òme ò wòŋgò gbàka wò ŋgòwa.”

Matiyò 4:6

Rzìi à mò òhwèyà nanù ema, “Ò hwèlì tɛ è Ŋmanà wà munyanà wà ama Lohwɛ̀, hvanja ò rze. Èhwanja è tìlahwì ò kààtì yà Lohwà nanù ema, ‘Lohwɛ̀ à ò kànèyà ì aŋgèlì jà eni ò lì ò nyàŋgà, iŋgi aŋgèlì ì ò hwànɛ ò ŋmanyu aŋga nanù ò rza àyɛ̀rzɛ̀ lìtàŋgà là aŋgɔ̀ ò lìŋyàyi.’”

Matiyò 14:33

Nà òma ene eyà e ma gbèyɛnɛ nanù, hwanɛyi Hwà-òkòwèlì ema hwà mà hwɛ ò tenì ya wɔ̀lɔ̀ rzìi hwa kànɛ Yerzù. Rzìi hwa òhwa nanù ema, “Ò jɔ̀kɛ̀-jɔ̀kɛ̀ ò hwèlì ndi è Ŋmanà wà mùnyanà hwa ama Lohwɛ̀.”

Makòrzì 1:1

Hwewòtelì hwe Ŋmɛ̀ndì mò Gbamù lì hvòmɛ̀nɛ̀ Yerzù Krirztò, è Ŋmanà wà ama Lohwɛ̀.

1 Kɔ̀rintìyà 11:34

Tɔ̀ ima mòtò ema a hweyàa e njàwò, a lee o ndawò ya eni aŋga nanù a rza gbeyà eyà ema Lohwɛ̀ a e kàyìrzɛ̀ e arzàŋganɛ tɛ. Ndi lì hvomɛ̀nɛ̀ hwenɛyi hweyà, na jelì tɛ na e ohweyà nɛ e hwɛnì lì hwe gbèeyà.