Makòrzì 15:40 - Mokpwe: Bakwery (New Testament)

⁴⁰ Ò mà hwɛ hwalanà ema hwa mà tɛ̀mɛ̀ hvòka rzi hwa ɔ̀ŋgɔ mamɛ yà arzɛ ema è mà gbèyɛ̀nɛ̀. Hwanù hwalanà hwa mà hwɛ ndi Màlìyɛ̀ mà Màdàlènì, Rzàlòmɛ̀, Màlìyɛ̀ è nyàŋgò yà ama Jèmìrzì enɔ̀ŋgɔ̀ni yà ama Jòrzɛ̀hvù.

Makòrzì 15:40 Referans Kwoze

Lukàrzɛ̀ 23:49

Hwàŋga hwa arzɛ ema hwà mà hwiya Yerzù, nà hwalanà ema hwa mà mò òŋgama, lì wòteyà ò Galìlì, hwa àrzɛ hwa mà tɛ̀mɛ̀ hvòò lì ɔŋgɔ̀ mamɛ ema è mà gbèyɛnɛ.

Makòrzì 16:9

Nà òmà Yerzù a mà hvùmùwè ò èŋge elele ya wùnyà wò wòrzò wò wiki, à mà lòma ndi lì awuŋmɛ̀lɛ̀ Màlìyɛ̀ Màdalenà. Ònò mòlanà mɔ̀ ndì Yerzù a mà hvaye hwèlìŋgɛ̀ lìrzàmbà hwe wòhwe ò nyò ya eni. Hwàŋga hwalanà rzìi hwa ɛ̀ndɛ lì òhweyà Pètrò nà hwatò ema hwà mà hwɛ nà mɔ̀ hweyà hwe arzɛ ema hwa mà, òhwahwɛlɛ, hwa mà utulɛ è mbɔrzi.

Matiyò 28:1

O mburzà wùnyà wò lì Arzìyòlɛ̀, na òma wùùnyà wò wòrzò wò e wiki wò ma wòteyà lì yahwa, Màlìyɛ̀ Màdàlènì, na Màlìyɛ̀ ema a mà ŋya Jèmìrzì nà Jòrzɛ̀hvù hwà mà ɛ̀ndɛ ò lì ɔ̀ŋgɔ e rzɔ̀ŋgɔ̀ ya ama Yerzù.

Matiyò 27:61

Màlìyɛ̀ Màdàlènì na Màlìyɛ̀ ema me ma ŋya Jèmìrzì nà Jòrzɛ̀hvù hwà mà lìya aŋga, ò tòŋgòŋgò ya wàna ya eŋge rzɔ̀ŋgɔ̀.

Matiyò 13:55

“Rzeke mɔ̀ à hwèlì ndì e ŋmanà wa ama e kaminda e? Rzeke Màlìyɛ̀ ndì a hwèlì e nyàŋgò ya eni e? Rzeke Jèmìrzì, Jòrzɛ̀hvù, Rzimɔ̀ni na Jùdàrzì hwa hwèlì ndì wònyànyàŋgò hwa enì e?

1 Kɔ̀rintìyà 9:5

Irzɔ̀ ì rza hwɛnì wònjà ya lì ahwànà jòjìyɛ̀ ema e hwèlì ndì mɔ̀nɔ̀ŋgèlì mɔ̀kɔ wa ama Krirztò na irzɔ e? Nà oma inɛyi àpɔ̀rzìtòlò i gbeyà e? Rzeke nanù ndi wònyanyàŋgò wa ama e Rzàŋgo na Pètrò hwa gbeyà e?

Makòrzì 15:47

Màlìyɛ̀ mà Màdàlènì nà Màlìyɛ̀ è nyàŋgò ya ama Jorzɛ̀rzì hwà mà injàneyà rzi hwa ɛnɛ èki ema hwà mà imeya Yerzù.

Jèmìrzì 1:1

Imba Jèmìrzì e mògbèèlì wa ama Lohwɛ̀ na Rzàŋgo Yerzù Krirztò ndi na tilì ene kààtì. Nà e kɔ̀mi inyɔ hwa arzɛ lìyomɛ la matumba na mahwakɛ ma wonyà Irzàyɛ̀lì ema e bùhwèlì o e rze ya mɔ̀nyɛ̀ ya arzɛ.

Gàletìyà 1:19

Nà rzi ɛnɛ hvɛ tɔ̀ ehvɛhvɛ àpɔ̀rzìtòlò lì aka tɛ Jèmìrzì, e Rzàŋgo Yerzù ŋmanyàŋgò wa eni.

Matiyò 10:3

Hvìlìpì na Bàtòlomìyò, Tɔ̀màrzì na Matìyò e mòrzàŋgèlì wa e njàŋge yà lìkànèyà, Jèmìrzì e ŋmanà wa ama Alìhvɔ̀rzì, na Tàdiyòrzì,

Makòrzì 16:1

Ò mburzà yà Wùnyà wò lì Arzìyòlɛ̀, Màlìyɛ̀ Màdàlènì, Màlìyɛ̀ è nyàŋgò yà ama Jèmìrzì nà Rzàlòmɛ̀ hwa mà ànda màwɔ̀ki mà hvɛ̀ɛ̀hvɛ̀ ò lì nyààlɛ̀ ŋmììmbà mò ama Yerzù.

Lukàrzɛ̀ 19:3

Òŋgò mòtò à mà àrza lì ɛnɛ̀ njɛnɛ Yerzù a hwèlì, ndi nà òmà è ŋgìndì ema hwɛ aŋga ndèŋgànɛ̀lɛ̀ à mà ùtùwa a rzi tànɛyi lì mò ɛnɛ.