Makòrzì 15:19 - Mokpwe: Bakwery (New Testament)

¹⁹ Hvònda nà hvònda tɛ hwa mà mò hvahva èèyè ò mòhvò, rzìi hwa mò rzɔ̀yeya hweyɔlì. Hwa mà mò, rzùmeya màwɔ̀ŋgɔ̀ŋgɔ̀ ò rze lì mò kùwa.

Makòrzì 15:19 Referans Kwoze

Makòrzì 14:65

Hwa arzɛ hwà mà mò akɛ̀lɛ̀lɛ̀ e mbàkò ema a hwɛnì ndi lì ŋwa. Rzìi lòŋgò hwa mà wòteyà lì mò rzɔ̀yeyà hwèyɔ̀lì, hwa mò lìŋga mìirzɔ̀, rzìi hwa wòteyà lì mò tiyà, rzìi hwa mò òhweyà nanù ema, “O jò òhweyà è mòtò ema à ò ti.” Hwà-òŋgèlì hwa e Ndawò yà Lohwà rzìi, hwa mò wòwà, rzìi hwa wòteyà ò lì mò anana.

Hibrù 13:13

Irzɔ hvɛ rzɔ i hwɛnì lì mò ɛndeya o èwoka ya hwèlìyelì aŋga nanù irzɔ i hwɛnɛ erzambo ema à mà luwe.

Hvìlipìyà 2:10

Lohwɛ̀ à mà gbeyà ndi ene eyà nanù aŋga nanù o lìna la ama Yerzù, tɔ̀ ima ewèkèlì e hwɛni lì rzumeya Yerzù màwɔ̀ŋgɔ̀ŋgɔ̀, tɔ̀ hwèwèkelì ema hwe hwèlì ndi o ŋmanyu yà lohwà, tɔ̀ anu rze ya mɔ̀nyɛ̀ tɔ̀ o èkomè ya hwatò ema hwà mà ŋwɛɛ.

Ròmànì 11:4

Nɛ Lohwɛ̀ à mà mò alàhwɛ̀ e? À mà mò alàhwɛ̀ nanù ema, “Nà mà uta hwekòlì lìrzamba hwe hwatò ò lì hwɛ hwatò hwa ami. Hwa hwèlì ndi hwatò ema wɔ̀ hwa rza kànɛ Bààlì lòòhwà là mòlàŋgà.”

Lukàrzɛ̀ 23:36

Hwàànèlì hwa njùma wɔ̀ hvɛ hwa mà mò kìkòwa. Hwa mà mò ŋgbà hwèkàkò hwe mimba.

Lukàrzɛ̀ 23:11

Hɛ̀rɔ̀dì nà hwaànèlì hwa eni hwa njùma hwa mà kìkòwa Yerzù. Hwa mà mò umbɛlɛlɛ mènìtò, rzìi hwa mò wɔ̀tìrzɛ mòŋgòmbè mò gbamù, rzìi hwa mò tìmbìrzɛlɛlɛ Pìlatò.

Lukàrzɛ̀ 22:63

È wɔ̀ ema hwà mà hwɛ lì mò ɔ̀ŋgeyà hwa mà mò kikòwa nà lì mò ànana.

Makòrzì 10:34

Wɔ̀ wò ò mò kùwa nà lì mò rzɔ̀yeya hweyɔ̀lì ò nyò ya eni, hwa mò gbiyɛ hvònji rzìi hwa mò òŋwa. O mburzà mèenyà meyawò à ò hvùmùwà.”

Makòrzì 9:12

Yerzù rzìi a hwa tìmbìrzɛ̀lɛ̀lɛ̀ nanù ema, “Nà è jɔ̀kɛ̀, Èlàyijà a hwɛnì lì lòma lì jà ò lì rzɛ̀ŋgɛ̀nɛ̀ hweyà hwe àrzɛ. Mamɛ ndèŋgàtɛ̀ e tìlahwì ò Kaàti ya ama Lohwɛ̀ nanù ema è Ŋmanà wà è Mòtò wà Hwènàmà à hwɛnì lì taka rzayì-rzayì, rzìi hwa mò ndinda e?

Matiyò 27:30

Hwa mà wòteyà lì mò rzɔ̀yèya hwèyɔ̀lì rzìi hwa wòwa mòŋgò mòtìmbò è ma hwà mà mò tɛ̀tìrzɛ̀ hwa mò hvahva è mɔ̀ mòòhvò.

Makòrzì 15:18

Rzìi hwa wòteya lì mò kùwa nà lì mò kɔmɔ nanù ema, “Ìi kiŋgɛ̀ wà wònyà Yudà. Èluhwe è hwɛ nà ò wà!”

Makòrzì 15:20

È hvònda hwa mà kulɛ lì mò kùwa, hwa ulɛ mòŋgò mòŋgòmbè ò nyò yà èni rzìi hwa mò wɔ̀tìrzɛ̀ lìhwàtù la eni. Rzìi hwa mò wòwa ò lì ɛ̀ndɛ lì mò wòmeyà ò mbarza.