Makòrzì 12:40 - Mokpwe: Bakwery (New Testament)

⁴⁰ Hwa lùùmbana hvɛ mekurze erzàŋgò ya awu. Hwa lìŋgàni hvɛ lì ɔ̀jɔ̀nɔ̀ hwatò na màkanɛ̀ ma wahwi. Wɔ̀ hwa lùwa kɔ̀kìrzɛ̀ ya màwɔ̀ŋgɔ̀.”

Makòrzì 12:40 Referans Kwoze

Lukàrzɛ̀ 20:47

Hwanù hwatò hwa hvùmà èrzàŋgò ya mekurze. Hwa lìŋgàni hvɛ lì lukɛlɛ hwatò na màkanɛ̀ ema mà wawi. Iŋgi nyayi ja hwatò, hwa ò lùwà kɔ̀kìrzɛ̀ ndɛnɛ̀ nà Lohwɛ̀.”

Matiyò 23:33

Inyɔ manù màahwa! Yòma lìtumba la hvèyi! Nɛ e ɔ̀ŋgɛ̀lɛ̀yi ema e tànɛyi lì hwaŋga e kɔ̀kìrzɛ̀ ya èhvɔ̀ndì ya mùnya ema mò rza mòkòna e?

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Matiyò 6:7

È kànɛ tɛ è rza lìŋgɛ̀lɛ̀ è mbɔrzi ò lì hviyanɛ̀lɛ̀lɛ̀ hweyà ema hwe rza òhvɛ jànda nàa hwatò ema hwa rza enje wònyà Yudà hwa gbeyà. Hwanu hwatò wɔ̀ hwa ɔ̀ŋgɛ̀lɛ̀ ndi nanù ema, Tatɛ̀ Lohwɛ̀ à hwa hweyàna ehwànja hwa gbeyàna mbɔrzi rzayi-rzayi ò màkanɛ̀.

2 Tìmotì 3:6

Lòŋgo la hwanu hwatò hwa lùkɛ̀lɛ̀ hwatò. Wɔ̀ hwa kpèelì tɛ ndawò hwa lùkɛ̀lɛ̀ hwaŋga hwalanà ema hwa rza ohvɛ mahwiye ema hwa lìiya o tenì ja iŋgi ndawò. Hwàŋga hwalanà hwa gbeyà hweyà hwe wòhwe rzayi-rzayi nyayi ema woŋgo wòhwe wo hwa lìtana ndi nàa muna ndi hwa hwànɛ. Màlùteyà ma wòhwe ndi ma hwa kànèyà.

Makòrzì 12:39

Hwa lìŋgàni hvɛ ò lì lìyà ò kònda ja hwèluhwe ò ndawò ja màkanɛ̀ ja wònyà Yudà, hwa lìŋgàni hvɛ hwèki hwe hwèluhwe ò hwèwòka hwe ndèma.

2 Kɔ̀rintìyà 11:20

Tɔ̀ e hwɛ nanù ema mòtò a e timbirzɛ tɛ ndi nàa mòkòme, tɔ̀ e hwɛ ndi ema a e laanà, tɔ̀ e hwɛ ndi ema a e ɔnjɔ, tɔ̀ e hwɛ ndi ema a e ndinda, tɔ̀ e hwɛ ndi nanù ema a e rzamì lùumbɛ̀ o worzo, e mo emeyà.