Makòrzì 10:22 - Mokpwe: Bakwery (New Testament)

²² È hvònda òŋgò mòtò ama hweye nanù, wòrzò wò eni wò mà kpa rzìi a tìmbana ŋmèma mò lìti, èhwanja à mà hwɛ ndi èhwàŋgì ya mòtò ndɛɛ̀ndɛ.

Makòrzì 10:22 Referans Kwoze

Lukàrzɛ̀ 12:15

Yerzù rzìi a hwa òhweyà hwa àrzɛ̀ nanù ema, “È aŋgòwè! È rzì ika mèèmà me anyu ò èrzàŋgò jɔ̀ɔjɔ̀ɔ èhwanja rzèkɛtɛ èrzàŋgò ya rzayì-rzayì ema mòtò a hwɛnì ndi e mò ŋgbà lòŋgɛ.”

2 Tìmotì 4:10

Nà ohwa nanù èhwanja Dɛ̀màrzì à mà no kìnyɛ̀lɛ̀ èhwanja, mɔ̀ à mà ɛndɛ o mbowà yà Tɛ̀rzàlònìkà èhwanja a lìŋgàni lòŋgɛ la ene rze. Klɛrzɛnrzi à mà ɛndɛ o erzòokà ya Gàlerzìyà, Tàyìtùrzì mɔ̀hvɛ à mà ɛndɛ o mbowà ya Dàlmàtìyà.

Ɛ̀hvìrzìyà 5:5

È hwɛnì lì hwiya nanù ema tɔ̀ ima mòtò ema a hwèlì mòrzònje, rzìi a à gbeyà hweyà hwe mbindo tɔ̀ ema a hwèlì wɔ̀ɔ̀, a rza o kpèeyà o lìkànèyà la ama Krirztò na Lohwɛ̀, ndèŋgàna a rza o luwa hwèèmà hwe gbamù ema Lohwɛ̀ a ohwi nanù ema a ŋgba. È mòtò ema a hwèlì wɔ̀ a gbèyi ndi nàa mòtò ema a kànɛ̀lɛ̀lɛ̀ ma hvɛhvɛ mohwà.

2 Kɔ̀rintìyà 7:10

O hwèlì tɛ mòtò ema a hweyi wòhwe na oma Lohwɛ̀ mɔ̀ à àrzeyà, oŋgo mòtò a tikòwè o lì gbeyà wòhwe na oma Lohwɛ̀ mɔ̀ à àrzeyà. Ène ndi e gbeyà ema oŋgo mòtò a kɔtɔ̀we, ene rzɔ e rza tàtìrzɛ̀ tɔ̀ mòtò. Ndi hwatò ema hwa lòkɛ̀yi Lohwɛ̀, ema hwa hweyà wòhwe èhwanja hwa hwèlì ndi hwatò hwa hwènàmà, e hwa gbeyà ema hwa ŋwe o èlìŋgɛ̀.

Lukàrzɛ̀ 18:23

Nà òma è mòkànèlì a mà hweye nanù, è ndùtù e mà mò lɛ̀mbɛ èhwanja à mà hwɛ ndi èhwàŋgì ya mòtò.

Matiyò 19:22

Nà òma eŋge erzɔmbɛ ya èwàŋgì e ma hweye nanù, rzìi a ɛ̀ndɛ na ŋmèma mò rzɔ̀luu èhwanja à mà hwɛ ndi èwàŋgì ndɛnɛ.

Matiyò 13:22

Ìhvɔ̀ŋgɔ̀ hvɛ ema ì undi ò tenì ya wàŋga ya hwènyɛ̀ŋgɛnyɛ̀ŋgɛ̀, ì hwèlì ndi nàa hwatò ema hwa hweyi ŋmɛ̀ndì mò ama Lohwɛ̀, ndi mètàkà me lòŋgɛ na jɔ̀ɔ̀njì ja mònàmɛ̀ mò ene rze hwe lìŋga mèèmà me awu. Ema me ma hwa gbeyɛ ema naŋgɛ rzɔ hwa rza tànɛyi lì ŋya hwèhvùma hwe gbamù.

Makòrzì 6:26

Kiŋgɛ Hɛ̀rɔ̀dì a mà wukumeya ò ŋmèma mò eni, ndi nà òmà mɔ̀ à mà lòme lì àtɛ̀ɛ̀ yòmbò, ò ìtììtènì yà hwàyɛ̀nì hwa eni, a rzi tanɛ̀ lì mò rzɔ̀rzɔ̀nɔ̀ mamɛ à ma arze.

Matiyò 27:3

Nà òma Jùdàrzì ema à mà àhwirzɛ̀ Yerzù à mà ɛnɛ nanù ema e kòti e ma akɛlɛ e mbakò nanù ema Yerzù a òŋwàhwà, à mà kpa ŋmèma ò lìtòna ema à mà gbèèye. Èŋge eyà e ma mò gbeyà nanù ema a timbirzɛlɛlɛ ipìlìrzì ndɛnɛ na hwàmbaki hwa mbòwa e rzàyiyàwò ya hwɛ̀ɛkɛ̀ hwe rzilìhwa ema hwa mà mò ŋgbe.

Makòrzì 6:20

Hɛ̀rɔ̀dì à mà òka Yòwanìrzɛ̀ wɔ̀ŋgɔ̀. A ma hwiya hvɛ nanù ema Yòwanìrzɛ̀ à mà hwɛ ndì mòtò wà gbamù, à mà ònda nà wòtani. O èŋgànɛ̀lɛ̀ Hɛ̀rɔ̀dì à mà hwɛ lì mò àŋgòhweyà aŋga nanù eyà ya wòhwe e rza mò gbèyɛ̀nɛ̀. À mà lìŋgàna lì mò òkànèyà, tɔ̀ nɛ tɔ̀ ima lìrzakò ema à mò òkanelì, èŋge eyà e ma mò tàkirzɛ ò ŋmèma rzayì-rzayì.

Makòrzì 10:21

Yerzù rzìi a mò ɔ̀ŋgɔ nà ŋmèma mò ndiŋgɛ rzìi a òhwa nanù ema, “O lìyelì eyà yɔ̀kɔ ò lì gbeyà, ɛ̀ndɛ ò ahwìrzɛ hwèèmà hwe aŋgɔ̀ hwe arzɛ ema ò òhvi, ò wòwe wòŋgò wòlì ò ŋgbe mèlìrza me hwatò, ò gbèyi tɛ nanù, ò òhva mònàmɛ̀ ò ŋmanyu yà lohwà. Èŋge hvònda, ò je ò nò nɔ̀ŋge.”

Makòrzì 10:23

Yerzù rzìi a hvɛ̀ŋgeya hwà-òkòwèlì hwa eni mìirzɔ̀, a hwa òhweyà nanù ema, “È ɛni ema e ambani hwèwàŋgì ò lì kpèeyà ò Lìkànèyà là ama Lohwɛ̀.”