Makòrzì 10:2 - Mokpwe: Bakwery (New Testament)

² Lòŋgò là Ihvalìrzàyì hwa mà jà ò lì mò kèkirzɛ̀. Hwa mò ijòwa nanù ema, “Ò jò òhweyà, è mbenda è arzu è ŋgbelì mòjòmɛ̀ wònjà nanù ema à hvayè jòjìyɛ̀ wà eni e?”

Makòrzì 10:2 Referans Kwoze

Yòwanìrzɛ̀ 8:6

Wɔ̀ hwà mà gbeyàna ndi mene miijòwelì nàa ŋgundèli, ò lì lùwa njɔ̀mi ò lì mò hwɛlɛ. Ndi Yerzù mɔ̀ à mà ujama ò rze, rzìi a wòteya lì tìla na jɔ̀nɔ ja eni ò mɔ̀nyɛ̀ nàa a rzì hweye mamɛ hwà mà òhwe.

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

1 Kɔ̀rintìyà 10:9

I rzi kèka lìkèkirzɛ Rzàŋgo nà oma lòŋgò la awu hwà mà gbèye rzìi màahwà mà hwa rzòmbà rzìi hwa kùwa lì ŋwa.

Yòwanìrzɛ̀ 11:57

Ipìlìrzì ndɛnɛ na Ihvàlìrzàyì hwà mà akɛ̀lɛ̀ e njàmbɛ̀ nanù ema, “Tɔ̀ njɛnɛ ema a hwi èki ema Yerzù a hwèlì a je a hwa òhweyà aŋga nanù òma hwà mà mò ŋgbaŋgɛ.”

Yòwanìrzɛ̀ 11:47

Aŋga ndi Ipìlìrzì ndɛnɛ nà Ihvàlìrzàyì ja arzàŋganɛ ò ndòŋgamɛni, hwà mà òhwa nanù ema, “Mamɛ i gbeyà naŋgɛ e? I hwɛni lì gbeyà eyà èhwanja ònò mòtò a gbeyà hweyà rzayi-rzayi hwe mànyakà.

Yòwanìrzɛ̀ 7:48

È ma màà lì ɛnɛ mòtìmbèlì mɔ̀kɔ tɔ̀ Hvàlìrzàyì mɔ̀kɔ ema à mò lòkɛ̀ e? Tɔ̀ mɔ̀kɔ a rza mò lòkɛ̀.

Yòwanìrzɛ̀ 7:32

Ihvàlìrzàyì hwà mà hweye na òma hwatò hwa àyiŋgòwɛ̀ ò lì òhwa hwene hweyà lì hvòmɛ̀nɛ̀ Yerzù. O èŋgànɛ̀lɛ̀ wɔ̀ na Ipìlìrzì ndɛnɛ hwà mà òma hwakutu hwa e Ndawò yà Lohwà ò lì ŋgbaŋgɛ Yerzù.

Lukàrzɛ̀ 16:14

Ihvàlìrzàyì ì mà hweye hwenè hwèyòhwèlì hwe àrzɛ hwe ama Yerzù, rzìi hwa arzɔmbìyɛ̀ èhwanja hwa mà lìŋgàna màlì, rzayì-rzayì.

Lukàrzɛ̀ 11:39

Aŋga ndi e Rzàŋgò è mà mò òhweyà nanù ema, “Inyɔ Ihvalìrzàyì, è rzaŋgìrzɛ̀ e mburzà ya lìwònde na mɔ̀njɔ̀ mò anyù ndi ò tenì ya anyu, lì lùmba la hwèèmà na wòhwe wò è òndì ò mèèmà me anyu.

Lukàrzɛ̀ 7:30

Ndi Ì Hvàlìrzàyì nà hwà-òkòlèlì hwa mbenda hwa rzi emeyà lìkàkɛ̀nɛ la ama Lohwɛ̀ èhwanja hwà mà rzɔ̀rzɔ̀ lì lùhwìrzɛ̀ lì ama Yòwanìrzɛ̀).

Lukàrzɛ̀ 6:7

Ihvàlìrzàyì nà hwà-òkòlèlì hwà mbenda, hwa mà hwɛ ndi lì ɔŋgɔ̀ Yerzù lòŋgòlòŋgò, ò lì àrza lì mò rzɔ̀ɔ njɔ̀mì ò lì mò hvòmɛ̀nɛ̀. O lì ɔŋgɔ̀ ŋgà mɔ̀ à wɔ̀wìrzɛ̀ òŋgò mòtò ò Wùnyà wò lì Arzìyòlɛ̀.

Lukàrzɛ̀ 5:30

Ìhvalìrzàyì nà hwà-òkòlèlì hwà awu hwa mbenda, hwa a tɔ̀kirzɛnɛ, rzi hwa wòteya lì ijòwa hwà-òkòwèlì hwà mà Yerzù nanù ema, “Mamɛ ndeŋgàtɛ inyɔ è làa, nà lì nyɔ nà hwàkɔ̀tèlì hwa è njàŋge yà lìkànèyà nà hwahvɛhvɛ hwatò hwa wòhwe e?”

Makòrzì 8:15

Yerzù rzìi a hwa kòkòwɛ̀lɛ̀ nanù ema, “È àŋgòhweyà ehwìndi yà Ihvalìrzàyì nà è yà ama Hɛ̀rɔ̀dì.”

Makòrzì 8:11

Ihvàlìrzàyì hwà mà jà ò ma Yerzù rzi hwa wòteya e hvènda na mɔ̀, hwà mà mò arzana embànelì e uhwɛlɛlɛ ò ŋmanyu yà lohwà. Hwà mà gbeyà ndi nanù ò lì mò kèkirzɛ.

Matiyò 22:35

Mɔ̀kɔ wa awu ema à mà hwɛ ndi mòòkòlèlì wa e mbenda, rzìi a kèkirzɛ Yerzù na mene miijòwelì nanù ema,

Matiyò 19:3

Lòŋgò là Ihvalìrzàyì hwa mò jèeyà ò lì mò rzɔ njɔ̀mì, rzìi hwa mò ijòwa nanù ema, “È mbenda è ŋgbelì wònja nanù ema mòtò à òŋwe lìhwa è rzi hwɛ njɔ̀mì e?”

Matiyò 16:1

Lòŋgò la Hvàlìrzàyì na i Rzàdòrzi hwa mà jèeyà Yerzù. Hwà mà arza lì mò kpɛ njɔ̀mì, ò èŋgànɛ̀lɛ̀ hwà mà mò ijòwa ema a hwa uŋmɛ̀lɛ̀ èmbànèlì ema e uhwɛlɛlɛ ò ŋmanyu yà lohwà.

Matiyò 15:12

Hwà-òkòwèlì hwa eni rzìi hwa mò ijòwà nanù ema, “O hwi nanù ema hwèyòhwèlì hwe aŋgɔ̀ hwe tàtìrzɛ̀ Ihvàlìrzàyì mèèmà me awu e?”

Matiyò 9:34

Ndi Ihvàlìrzàyì hwa ma òhwa nanù ema, “Yerzù mɔ̀ à gbeyànà ndi è wònjà yà ama è kiŋgɛ̀ yà hwèlìŋgɛ̀ hwe wòhwe, ò lì hvayànà hwèlìŋgɛ̀ hwe wòhwe.”

Makòrzì 10:1

Yerzù à mà anjiya èŋgè èkì rzìi à akeyà ò erzòòkà yà Jùdeyà rzìi à akeyà ò mòrzò mò Jɔdànì. Ŋgìndì yà hwatò è mà hwɛ lì mò jèeyà nàa ɛ̀ɛ̀mɛ̀ yà eni è mà hwɛ, à mà hwa òkòlɛ̀.

Makòrzì 10:3

Yerzù rzìi à hwa alàhwɛ̀ nanù ema, “Mamɛ ema è mbenda yà ama Mòrzè è òhwa e?”